النت بعد الزواج و بعدين معي

اخواتي المحترمات انا اعاني من مشكلة
انا بنوتة عمري 18 و متعودة في بيت أهلي طول الوقت اقعد ع النت و الخدامة تسوي كل شي و اهلي غالبا مشغولين و اخوي برا فما اقعد مع احد
لكن دحين الوضع غير
انا تزوجت و طبعا علي شغل البيت لحالي
و صرت مقصرة مرة
لما اكون على النت اتمادى في الوقت مثلا احدد لي ساعة ونص الاقي اني جلست 5ساعات وهكذا
وهذا يقلل اهتمامي و زوجي و بيتي
يعني بدال ماارتب البيت و ارتب نفسي برواق صرت اقعد ع النت اغلب الوقت و قبل مايجي زوجي بساعتين تقريبا
بسرعة بسرعة ارتب البيت كله و اسوي غدا سريع مشي حاله و مايمديني ابدا البس و بسرعة اتعطر الاقيه وصل
يعني حتى مابهتم بنفسي كويس بس بسرعة
احيانا احس اني قصرت في شي فاعاقب نفسي بالحرمان من النت 3ايام لكن هذا ليس حل
اوقات اقول مافيها شي اهم شي زوجي مو معترض
خاصة اني في اجازاته اقعد معاه و مااقصر بس الايام الباقية كل شي ع السريع لانو بغيابه طول الوقت ع النت
حتى هو يضحك علي لما يشوفني مشرفة بكم منتدى و دايما اسوي تصاميم و اهدائات و كذا من فضاوتي
بس اخاف اذا جونا عيال انشغل عنهم و ماابطل هالعادة
قلولي شسوي