من أشعار شاعر المليون في جولة الرياض

الســلام عليكــم ورحمة الله

مســـاءكم شعـــر

حطت قـــافلة شـــآعر المليون3 رحـــآلها بـ العــآصمه الريـــآض
وتوجهت اللجنة من مطـــآرالملك خــآلد الدولـــي مُبـــآشرة إلــى فندق الفيصلية
ومن على قمة البرج والمطل على مدينة الريـــآض
أظهرت لنـــآ هذه الجــــولة شُعـــراء مبدعيـــن من كل الأعمــــآر

|[ عبدالعزيز بن سعد الحربي - السعودية ]|

كل ماطيفه على بالي يمر
تعتريني رعشة الجسم الجريح

واحد(ن) حبه غمر قلبي ع مر
كيف أبسلى لا فقدته واستريح

اللقاء عقب البطا فرصة عمر
والبطا قبل اللقاء ليل كليح

واللي حظ تدهور واندمر
كل ماقلت انتهض عود يطيح
{ غير مجــــاز }

|[ حجرف العصيمي ]|

زعل مشاريه وملامه وتهديد
وشلون أبتحمل قيودك من أولك

تقسى وتهجرني من العيد للعيد
وأطفي مع غيبتك وتعود وأشعلك

وأقطفك قطف اليانع من العناقيد
وتضمى وترجع لي وأروي بلايلك

المسألة سهلة بدون أي تعقيد
خذني على كيفك وأنا يالحبيب إلك

لا صار مالك في المحبة مواعيد
سلمني إحساسك من آخرك لأولك

من راسك لممشى مواطيك بالبيد
كنك تسير بفلك والناس في فلك

والشعر فيك يزيد واحساسي يزيد
لا تحسبني يوم أغنيك أجاملك

شربت حبك جمع والوصل تفريد
وفي ذمتي لو أقدر آكلك لآكلك

وتبغى تعلقني من العيد للعيد
وأصير أنا ملكك من آخرك لأولك

قبل نتمادى فـ العتب يااتلع الجيد
ومن قبل تدري للخطأ ممكن أسالك ؟

زعل ، مشاريه ، و ملامه وتهديد
هو فيه غيري يالحبيب يتحملك ؟

( شارك للمره الثانيه
وهو اعلامي معروف في قناه الصحراء )
{ مــجــــــــاز }

|[ عبد الرحمن المهتلى ]|

لا ودع إلا لنفس ودعتها ودعت نفسي معي لكن خذتها

نفسي اللي ودعت نفسي وراحت روحت هذي وهذيك لحقتها

ودعت واستودعت سر بعيني ذايعـ(ن) من سرها مااستودعتها

جادلن حطت على خدي مياسم من دموع وكل خلق الله قرتها

لو لمحها جاهلـ(ن) مافك خطه بيتهجاء حرفه اللي كاتبتها

اسمها يصعب على لساني يجيبه والحروف من العذوبة عذبتها

وكل بنت فاتنة حسن ونعومة لا مشت معها تحس بمرجلتها

وأعجب الأشياء حياتي في ممتاي لـ كتبتني في الحياة بممستحها

( لم تمنعه اعاقته من المشاركه فاله التــأهل )

{ مجـــاز }

|[ قرعان اليامي ]|

للشعر أقول الصوب .. وأقول كوم هير ( come here )
وأصخر بيوت الشعر .. وأطب وأختار

لا شاكر(ن) بوشن .. ولا مادح بلير
أمدحك ياراع الوفا .. نسل الأحرار

كل الشيوخ شيوخ .. وأبو خالد غير
ماكل من سمي رجل .. جاب الأخبار

أول كلامي ذكر رب المقادير
الله رب الكون عالم بالاسرار

أقولها ماهو كلام وتصاوير
الشعر نقد جنيه فضه ودينار

ماأقول أنا أحسن شاعر غيري كثير
وماأقول أنا الفايز على كل الأوار

لكن قصيدي عارف صفوة البير
والله شاهد والبشر وأهل الأنظار

وماني شاعر مبتدي توه صغير
وماني شاعر مبدع يضرب الطار

أشعر وأطالع للنجوم السوامير
وآخذ من الهاجوس والمخ الأفكار

ناري تشب ودليتيني مناحير
مزعفرات تضبط الراس محتار

( شارك للمره الثانيه )
{ مجـــاز }

|[ فالح بن فويز الشيباني ]|

قالي الشيباني وأبداها .. نصيحها للي يبغاها
ذكر الله فاول مبداها .. رب من طينه كونا

والقصيدة يوم أبديها .. أبغى العالم تسمع فيها
على كيفي ومسويها .. والقصيدة ماتشحنا

وأتطرق فـ القصيدة .. عن سلبيات عديدة
عسى السامع فيها تفيده .. وإن سمع القصيدة غنا

نبغى نذكر شيء(ن) سايد .. شيء(ن) سلبي وأمره (تس)ـايد
وأشوفه في العالم زايد .. والله من شره يآمنا

الزوجة غالـ(ن) مشراها .. ياويلك ياللي تبغاها
والله إن تبطي ماتلقاها .. وتاخذلك دين وتتعنى

والمشكلة من والدها .. لا جو له ناس يطرها
عيا عنهم ثم عقدها .. يحلم له بقصور تبنا

يبغى الفله من مهرها .. ويبغى حاجات يذكرها
والزوجة دوم يشاورها .. إهيه منا وأهوه منا

والمسكينة عقدوها .. عقدوها ثم أعموها
فات القطار ولدوها .. خلوها تشكي وتونا

وصلت لـ سن العنوسة .. بين الجدران المنحوسة
في رجوى التاجر وفلوسه .. هذا الشيء اللي يزعلنا

هي تبغى عش الزوجية .. وأبوها يبغى الماهية
والخاط ماعنده شيءـة .. واللي راحت فيها بنا

واللي يطمع في بناته .. يبغاهن سبة غناته
عسى لا جت له وفاته .. يصدم له في موخر دنا

وأحيان بن العم مصيبة .. عقدها الله يفري جيبه
حسب العادات الرتيبة .. اسلوم آبانا وأهلنا

نحسب إنا تطورنا .. ونعرف الصح وفكرنا
والصحيح إنا ماسرنا .. فـ الوضع الماضي مازلنا

هذي ملحوظة خفيفة .. عن شيء قبت بتوصيفه
عبر الآبيات الطريفة .. وأتفنن في هنه فنا

ذكرت أحوال سلبية .. وهناك أحوال إيجابية
ماهي كل العالم سيئة .. ياكثر الخير بموطنا

( أبهـــر اللجنــة بإسلوبه في إلقــــاء قصائده )
قمه ... وهو ملح الحلقه ...
لذلك طلب منه العميمي قصيده ثانيه
و كـــانت ..

بسم الله اللي ماغيره
أبدأ ترتيب القـيفاني

وأتشرف بالقصيده
يوم القيها بين أخواني

أمام الأمير العـادل
اللي مثله ما يخفاني

أمام الأمير اللي له
مجـدً قديم وعــنواني

عنوانه رمـز الكرامه
حفـيد معزّي لا هاني

عبدالعزيز أخو نوره
يعرف فعله بالميداني

وأبن طلال اللي فعله
تشهد به كل العرباني

بأعمال البر اللي سوّى
خيرً للقاصي والداني

عسى تطول به سنينه
فـي عـز وخير وأماني

آمين وقلها يالسامع
من قلبً صادق ولساني

ياآمير الله يعلي شانك
شعبك ياتي لك فرحاني

يحمل مشاعر جيّاشه
من طيبك يا طيب العاني

وأنته مثل النهر الجاري
يروي منه اللي ضمياني

لأنك من بيت الشهامه
هـذا ديدنكم من داني

وأنتم حكام الجزيرة
اهل النخوة واهل العاني

وأنتم ميزان العداله
وانتم مزبان للجاني

وانتم عزّيتوا دين الله
في الماضي وغبر الأزماني

وانتم ينخاكم من جاله
هجمة غدر من العدواني

وانته شرّفت اسم الدوله
شرّفك الله بالأيماني

أسمك في كل المعموره
ما يخفى معروف وباني

ماشاءالله والله يزيدك
خير وعز وأطمئناني

وانته طيّب وأصلك طيّب
طيبك من طيب الجدّاني

ولو امدح منّا لي بكره
مااوفي حقك مهما كاني

وأنا جيتك والله أني
شاكي لوعة من زماني

جيتك سواة اللي جولك
أشتكي لك من ديّاني

ما هو ديّان المنيّة
سميّه ديانً ثاني

يراقبني بأقصى الحاره
لين أدخل على ورعاني

ثم علّق بوري بالشارع
وأزعجني وأزعج جيراني

واليا جيته يمسك جيبي
وأنا ما عندي طفراني

أشكي لله ثم أشكي لك
من دينً جوره أذاني

وأنا مالي بيت بيّن
ما لي بيت ولا مسكاني

اترك حاره واسكن حاره
وانقل عفشي مع غرضاني

الرحاله بن بطوطه
شبــيهً لي في ما جاني

والموتر وارد عراوي
رمزً دايم للفقراني

وظروفي مشكاها لله
يا كثر همومي واحزاني

تكفى تكفى.تكفى تكفى
تكفى تكفى لاتنساني

الله لا يـحرمك الجنة
قاله خادمك الشيباني

يتبع..

|[ سلطان بن حسين الدوسري ]|

مابين تطبيق السلام وبين تحديد المصير
نشعب ركايبنا و ونحداها على رد البرى

يسوقها ضرب العصا ويهجها حص الصفير
وتدبك بنا واللي على الركب يهرول مادرى

تمشي بنا والقيض يشويها مع طول المسير
وتبرك بنا في وسط سوق بين بيع ومشترى

وإليا إلتفتنا للجمل حن ورغا بعد الهدير
وحتى الصميل اللي على جنت المطيات انفرى

وحنا نحسب إنا بلغنا القصد والخير الوفير
ماندري إن الوقت وقفنا على باب الزرى

صحيح نملك مال بس احساسنا حس الفقير
واللي يواسينا صلاح الدين لا منه طرى

وصلاح مات وجاتنا الدنيا عبوس قمطرير
وحد(ن) رقد منا و الآخر مات ماذاق الكرى

نبغى الحضارة لين مركزنا طلع بعد الأخير
ولا عاد به غيره سواة اللي على الذلة ضرى

وإن كاننا مليار مسلم ما بنا صحوة ضمير
بـ أكتب نهاية أمة تعيش تحت الثرى

( ادهش اللجنه بحضوره القوي .. وخصوصا عندما قبل التحدي
وارتجل بيت شعر امامهم .. ما شاء الله عليه )

|[ محمد بن عمر الشهري ]|

فمان الجرح لا والله فمان أحزاني الكبرى
فمان أغلى ثلاث سنين مت إبها عشان أعيش

فمان الحب وأحلام القلوب البيض والخضراء
فمان الآه من كثر الزعل والشوق والتطنيش

فمان عيونك اللي مالها بين العيون أخرى
فمان غروري اللي علم الطاؤوس نفش الريش

فمان عطورك اللي تسكن أنفاسي وبالأحرى
فمان أنفاسك اللي تسكن عطوري وماأدري ليش

فمان الليل وأحضان الدفى ومصافح القمراء
فمان الباب والشباب يوم أواعدك ونطيش

فمان التوت والرمان وأحلى فاكهة حمراء
فمان الضحكة اللي كنها من مبسمك بخشيش

فمان غيابك اللي ماترك لمواصلك بشرى
فمان الشك وضنون الخطأ والكذب والتشويش

فمان الله يا قلبي مع إنك جرح مايبرى
كتب ربي علي أعيش من دونك وأنا ماأعيش

( أبيــاته مليئه بالشاعريه والعاطفه
لذا اطلق عليه شاعر الرومانسيه )

|[ سعود بن حافي العتيبي ]|

وأنا وأنا ماني ناظم وقصاد
شاعر ولي تمحيص الأبيات عادة

أنحت صخر وأشحذ همم وأقدح زناد
وأحرق جمل وأدفن بقايا الرمادة

حق النحاس النار والجمر وقاد
والجوهرة للفلترة والاعادة

أخاف من شرهة عوارف ونقاد
لا جت بصيغة عقد وإلا قلادة

هذي ثلاث سنين سرداد مرداد
ومركز حياتي ماعطاني شهادة

صارت مشاويري مشاوير كداد
عود على تكسي وعنده جلادة

حصيل مشوارين فـ الماء وفـ الزاد
ومكسب ثلاث أيام قطة عواده

أصحي وأنام ولي مع الهم ميعاد
والعذر نوم الصايم أحلى عبادة

وإليا جذبني كوب من شاي براد
و صوت للجرسون سكر زيادة

جابه وحرك سكره لين يزداد
وأشرب و(تسـ)ـني شارب شاي سادة

مرارتي بالـ(تسـ)ـبد مفعولها زاد
وأحلام عمري تستحق الإشادة

وإن ماحملها حظها حمل منطاد
شويتها فـ النار شوية جرادة

موت الصبر سنة على راس الأشهاد
لا صار مر وخارج عن الإرادة

ياجار لا تبحث خفى الجار لو جار
معك أحكمت سود الليالي وثاقي

عزفت موال السوالف على أوتار
مشاعري لكن إليا صرت هاقي

أنا بدوي يسوقني دمي الحار
ويمكن على خدك يحول طراقي

سكنت لك في منتج فايف ستار (Five Star)
وأنا بخيمة نجد بيتي رواقي

وإن (تسـ)ـان غرك ضوح شاليه الإيجار
شاليهي الخلاب نخلة وساقي

وإن (تسـ)ـان كيفك خمر من كف خمار
كيفي على الدلة وطاسة نياقي

جب جايزة نوبل وجايزة الأوسكار
وعود على جعبتك ويش أنت لاقي ؟

حنا حصدنا جايزة طب واختار
فـ الطيب والنخوة وطيب الطراقي

منديل حرمة حطم أرقام الأسعار
وأرخص ثمن فـ الكون جثة عراقي

هذا وصل خمسة ملايين دولار
وهذي بطلقة نار والجو راقي

وترمى وتنهش لحمها كلاب الأهوار
ومنديل كوكب شرقنا وسط واقي

|[ محسن بن خاشم الروقي ]|

سلام يالجنة المليون
تكفون تكفون جيزوني

ولبوظبي كان بتروحون
معكم على الباص شيلوني .. ( لو مع ورقكم على الطبلون )

لمحمد الخير ودوني
أبغى محمد ولا تهونون .. ولا وصلتوه وطوني

( تم إجازة هذه القصيدة !!!! )

|[ سلطان بن عبدالله الشمري ]|

تولم يازبون الطايلة نبي نقمع الداكوك
نبي نرقى لقمتنا وقبتنا أبدفنها

وإذا ودك أعلمك الفخر إذا هم نسوك
من عيوني وأنا القمة لجل عينك أعاينها

أنا عبده ، أنا الأسلم ، أنا سنجاره وياخوك
الدولة ترا تفخر إليا قالوا مواطنها

تنزه يا عشير الطايلة عن عاشقين الروك (Rock)
وعارضتك الأصيلة والتليدة دوم لحنها

وإذا غثك خبل قدموا ضيفه يوم جاه الكوك (Coke)
أبي بسفهتك مطحانه هروج الخبل تطحنها

ولا تستغرب دام صوير يفتخر باللوك (Look )
عوير لا طلبك أغنية لهيفاء معه غنها

وذا الخايب رفع خشمه ،خشم جده قبل مفروك
ولا تحزن لأن نيتك صفة كنايس مع مآذنها

وش قد حلوة وإلك يا فلان وكلوز (Close)
تفرش أسنانها بسيجنال و كلوز

وحـ(جـ)ت بالانقلش أوبين وكلوز
وضعت بالطوشة وراحت عليه

يامساء الخيرات يالخشف النداوي
حضرتك أمور وتتأمر علينا

ماشي ياسيدي يهونن البلاوي
نبي نذوق المر كأنا مادرينا

لو تبي عاشق فأنا عاشق وهاوي
لو تبي ديّن فأنا من العابدينا

لو تبي نهام فأسالك حساوي
إلا ديه يابيه مامرت علينا

معليش أصلوه أنا يابيه ناوي
لأجلك أتعلم ودي الوقت ابتدينا

النهار دا إقرح وأنا بعدك بداوي
أصلو إنتا منا ياباشا وفينا

يعني محسوبك بتاع كولوه فداوي
لأجل عينـ(ن) تكرم وتكرم مدينة

واحد وواحد حبيبي كم يساوي
الوكاد اثنين شئنا أم أبينا

الوفاء دونه ترانا مانساوي
يعني لا ننسى يا حبيبي ماكلينا

|[ ماجد العتيبي ]|

الهم نار ماعطت للفرح دور
وأكبر ضررها فـ أوسط الصدر ويسار

كانت ولا باقي لها أية حضور
اليوم في صدري من أحداث الأقدار

كن الضلوع أغصان وهمومي طيور
ولا من هنا اللي ملله وقته وطار

ودام الزمن ماهو معي وافي شبور
ابستميت وكن ماصاير(ن) صار

مانيب من يشكي لناصر ومنصور
باعيش وآمالي بمعبودي كبار

لا بد مايطلع بعد هاالدجى نور
وأشوف فـ أغصاني من أفراحي أثمار

وأقول يا همي مجمل ومشكور
خليتني بأسباب أصوغ الأشعار

( بداية القصيدة شيلة بصوت رائع جداً - ماشاء الله )

|[ خالد بن عطية العنزي ]|

يامستوى علم عزيز كان تحت المستوى
بإن الرسول (صلى الله عليه وسلم) أمسى ثلاث أيام وبطنه خاوية

وياحامل أعلام الجنود اللي يرتبهم لواء
لا تعامل أحلام الجنود بعينك المتماويه

أبسألك يوم السيوف بـ بدر حفارة ثوى
أبسألك يا صاحي وش كان فعل معاوية

فلو أولي الضعف استحالوا أن يصبحوا أولي قوى
ما كانت بيوت الشعر من شعرها متقاوية

النفس نفس النفس ولكن فرقها بـ المحتوى
ياليت نفسي نفس مانفسي تمنى حاوية

|[ محمد بن سعد الهجره ]|

البارحة في الحلم قابلت زيدون
زيدون ماغيره طلع في منامي

مدير مسرح شاعر الحلم مليون
اللي على المسرح يجيب الاسامي

اللي إليا أقبل تشخص لشوفه عيون
وفي إيديه ظرف شد كل الأنامي

يا مفسرين الحلم لي وش تقولون
تفسيركم نور يزيح الظلامي

وفي العلم يازيدون وأكون ممنون
وصل لأبو خالد محمد سلامي

بوح الملامح يحرج مكابر الصمت
والصبر عذره مايكفر خطاياه

على السكوت وردع الافصاح صممت
تصميم مذنب تعتبر من مزاياه

قاومت تيار اعترافي وسلمت
إن اعترافي مايحقق نواياه

كابرت لكن في المقابل تندمت
في ساعة فيها الندم من ضحاياه

أحيان ساكت واحسب إني تتمتمت
تعبير مجروح شكى من كواياه

|[ فيصل بن طواله ]|

التناكر بين خلق الله بدا
صار هذا تقل مايعرف هذاك

القتن خلت رفاقتنا عدى
والوجيه البيض تطعن في قفاك

استمع صوتي ولا ابيلك صدى
داخرن ياذيب للمرقب عواك

بح صوت العقل من طول الندى
المسا المحسوس واستخدم ذكاك

فرصة التغيير لا تذهب سدى
قبل تبدا خطوتين إرجع وراك

طيبتك مع بعض خلق الله ردى
لا تواضع وأسفل العالم رقاك

الحقيقة زيف والمصلح غدى
والنصيحة أوشكت تصبح هلاك

لا تقول إن مالي ومالك جدى
ياعزيز النفس ماينفع غناك

وش عشاك وأنت ماتلقى غدا
لا تقول إن الغداء تالي عشاك

أدري إن العافية ثوب ورداء
لكن الخوف المرض إليا اعتراك

للطموح إن مات واحدنا فدا
البلاء لا عشت ماحيـ(ن) رجاك

للعطش غيمة وللوردة ندى
والوسيلة قد تبرر مبتغاك

إنحلال المجتمع ماله مدى
ناظر أصحابك قبل تنظر عداك

الفساد بدورنا قام يحدى
أضعف الإيمان تسأل وش بلاك

النبي ( صلى الله عليه وسلم ) بدل ضلالتنا هدى
بس مايقدر إذا ما الله هداك

|[ محمد بن عبدالرحمن الجبرين ]|

صدقت والله يا أبو خالد وهي العادة
إنك تقول الصحيح ودايم تعده

برنامجـ(ن) أخذ على اللي مثله ريادة
ومن شارك بشاعر المليون من قده

صرنا من الشوق نتحرى لميعاده
حر طفش في النقيض ويحتري الهده

زايد زمانه أنواع الدعم زاده
ومحمد عظيم التواضع راهي المدة

هنـــــآ الجبرين

|[ عبدالله بن مرعي الظفيري ]|

الي بقى لي مع الأيام ..وفٌيته
والضيق لو ينهمر تشربه ودياني

ماهي كبيره علي والحزن غنيته
ولاهي غريبه اذا وقتي تحداني

كم جرح خذته من الاحباب..ضميته
وجروح قلبي زكاه لحب خلاني

مطعون؟عادي ,جفا الاقارب؟داويته
تعبان؟ حدي ,ردي هالحظ؟ خاواني

صدمه؟بسيطه ,هوان الحال؟مريته
مقرود؟ أدري , واذا حرمان؟عداني

مافاح هم لك والله ما تقهويته
و مامر حزن بغيري ما تبلاني

ياما وياما من الخذلان ..عديته
إلا بصاحب ..بعد العشره تناساني

ازريت لأنسى غيابه لين ناديته
والموت لامن تجاهلني وجافاني

وينه يجيني ..وكل عتاب كنيته
ياليت يدري بعد فرقاه وش جاني

من كنت طفل وانا أرجاه في بيته
شيبت..واثره على هالحال خلاني

حتى جناح العتب لرضاه ذليته
ماطرت بعده فرح من ذل جنحاني

ياقلب صبرك..ترى كل شي سويته
ماكان افضل من اللي كان بإمكاني

لو بي قوه على الهجران؟خليته
لوبي ذره من النكران؟يفداني

الجرح أرحم..اذا يرجع من أغليته
مجروح ؟ فدوه..ولكن صعب وحداني

من أشعار شاعر المليون في جولة الرياض 127164_01225891914

|[ خالد بن عبدالولي الكميم - اليمن ]|

يابنت شوفي جروحي والجراح طابين
ماعاد فيهن سوا آثار وهمية

آثار ترثي حكاية حب من عامين
راحت من الروح وانزاحت من النية

السن بالسن والعينين بالعينين
والحكم عندي صدر بأوراق رسمية

دامك لعبتي مع قلبي مع الحبلين
بـ أنسي أمك غرورك والانانية

وأعرفك كيف أرد الصاع بالصاعين
العنف ومن طباعي والرومانسية

من جد ببجد تالي العمر يوجد
سيف الثقافة في حشى الدهر مغمود

أنا شعاع الشمس والليل الأسود
وأنا ركود النود لا هاجت النود

وأنا امبراطور الزمان المشيد
وأنا جذور الجود للجود ياجود

وأنا أمير الفلسفة أب عن جد
وأنا الأدب والفكر وأفكار هوليود

وأنا القصيد ذي ما حروفه من أبجد
وأسطورة الشعر المغنى على العود

هذي وصوفي مال وصف الشرف حد
تسكن بجوفي كبرياء شاب مفقود

|[ ضيدان المريخي - السعودية ]|

هي حضرة الشعر بأول غيبة الملهمة
أو إنها شرهة الشاعر على مايصير

ماأدري ولكن هجوس الليلة المظلمة
على رجا شمس مابين الضحى والعصير

إن ضاق صدر الكلام وملت الترجمة
مال السؤال الكبير إلا الجواب الكبير

وين أنت يافكري اللي مايطير سهمه
إلا على صيدة ماحط فيها خشير

حرفك بصدري من البارح وله همهمه
(تسـ)ـنه على جية الهاجس برجوى بشير

تغن دام المشاعر بالغنى مفعمة
وأعرف ترا مايلج السمع غير الصفير

وإن شفت دون المدى دبك يثير كتمه
ميعادك الغيمة اللي تاليتها غدير

يامترفة ماأقول أشوفـ(تس) على خير
بس أذكر(تس) بالخير يالياسمينة

حتى لو إنـ(تس) غير وإطلالـ(تس) غير
فجر فهق لون المساء في جبينه

واللي يقول أنا هواي الغنادير
عز الله إنك صدق تملين عينه

غين تشبين الولع بالتفاكير
يافتنة الغافل عسى الله يعينه

والخاثر اللي مايجي منه تقصير
ماأدري وش اللي حال بيني وبينه

ضيفة ولـ(تس) عندي كرامة مسايير
يذبحلـ(تس) الخافق قبل تذبحينه

( شاعر قمه )

اقتباس :: |[ قرعان اليامي ]|

للشعر أقول الصوب .. وأقول كوم هير ( come here )
وأصخر بيوت الشعر .. وأطب وأختار

لا شاكر(ن) بوشن .. ولا مادح بلير
أمدحك ياراع الوفا .. نسل الأحرار

كل الشيوخ شيوخ .. وأبو خالد غير
ماكل من سمي رجل .. جاب الأخبار

أول كلامي ذكر رب المقادير
الله رب الكون عالم بالاسرار

أقولها ماهو كلام وتصاوير
الشعر نقد جنيه فضه ودينار

ماأقول أنا أحسن شاعر غيري كثير
وماأقول أنا الفايز على كل الأوار

لكن قصيدي عارف صفوة البير
والله شاهد والبشر وأهل الأنظار

وماني شاعر مبتدي توه صغير
وماني شاعر مبدع يضرب الطار

أشعر وأطالع للنجوم السوامير
وآخذ من الهاجوس والمخ الأفكار

ناري تشب ودليتيني مناحير
مزعفرات تضبط الراس محتار

( شارك للمره الثانيه )
{ مجـــاز }

love dis one

thaaaanks dear

أبيآت رآئـ ع ـة جدآ..
صح لسآنهم..

عجبتني.. >>

مابين تطبيق السلام وبين تحديد المصير
نشعب ركايبنا و ونحداها على رد البرى

يسوقها ضرب العصا ويهجها حص الصفير
وتدبك بنا واللي على الركب يهرول مادرى

تمشي بنا والقيض يشويها مع طول المسير
وتبرك بنا في وسط سوق بين بيع ومشترى

وإليا إلتفتنا للجمل حن ورغا بعد الهدير
وحتى الصميل اللي على جنت المطيات انفرى

وحنا نحسب إنا بلغنا القصد والخير الوفير
ماندري إن الوقت وقفنا على باب الزرى

صحيح نملك مال بس احساسنا حس الفقير
واللي يواسينا صلاح الدين لا منه طرى

وصلاح مات وجاتنا الدنيا عبوس قمطرير
وحد(ن) رقد منا و الآخر مات ماذاق الكرى

نبغى الحضارة لين مركزنا طلع بعد الأخير
ولا عاد به غيره سواة اللي على الذلة ضرى

وإن كاننا مليار مسلم ما بنا صحوة ضمير
بـ أكتب نهاية أمة تعيش تحت الثرى

.....

يعطيكِ الع ـافية خلوود..
دم ـتِ

|[ سعود بن حافي العتيبي ]|

وأنا وأنا ماني ناظم وقصاد
شاعر ولي تمحيص الأبيات عادة

أنحت صخر وأشحذ همم وأقدح زناد
وأحرق جمل وأدفن بقايا الرمادة

حق النحاس النار والجمر وقاد
والجوهرة للفلترة والاعادة

أخاف من شرهة عوارف ونقاد
لا جت بصيغة عقد وإلا قلادة

هذي ثلاث سنين سرداد مرداد
ومركز حياتي ماعطاني شهادة

صارت مشاويري مشاوير كداد
عود على تكسي وعنده جلادة

حصيل مشوارين فـ الماء وفـ الزاد
ومكسب ثلاث أيام قطة عواده

أصحي وأنام ولي مع الهم ميعاد
والعذر نوم الصايم أحلى عبادة

وإليا جذبني كوب من شاي براد
و صوت للجرسون سكر زيادة

جابه وحرك سكره لين يزداد
وأشرب و(تسـ)ـني شارب شاي سادة

مرارتي بالـ(تسـ)ـبد مفعولها زاد
وأحلام عمري تستحق الإشادة

وإن ماحملها حظها حمل منطاد
شويتها فـ النار شوية جرادة

موت الصبر سنة على راس الأشهاد
لا صار مر وخارج عن الإرادة

ياجار لا تبحث خفى الجار لو جار
معك أحكمت سود الليالي وثاقي

عزفت موال السوالف على أوتار
مشاعري لكن إليا صرت هاقي

أنا بدوي يسوقني دمي الحار
ويمكن على خدك يحول طراقي

سكنت لك في منتج فايف ستار (Five Star)
وأنا بخيمة نجد بيتي رواقي

وإن (تسـ)ـان غرك ضوح شاليه الإيجار
شاليهي الخلاب نخلة وساقي

وإن (تسـ)ـان كيفك خمر من كف خمار
كيفي على الدلة وطاسة نياقي

جب جايزة نوبل وجايزة الأوسكار
وعود على جعبتك ويش أنت لاقي ؟

حنا حصدنا جايزة طب واختار
فـ الطيب والنخوة وطيب الطراقي

منديل حرمة حطم أرقام الأسعار
وأرخص ثمن فـ الكون جثة عراقي

هذا وصل خمسة ملايين دولار
وهذي بطلقة نار والجو راقي

وترمى وتنهش لحمها كلاب الأهوار
ومنديل كوكب شرقنا وسط واقي

خطيرررر

يسلموووو

صح لساااناتهم خخخخخ
يسلموو خلووودة

يسلمووو ايديكي
بس بيني و بينكن
نص الحكي مافهمتوو

مررررة أشعار خطيررررة
صح لساانهم
يسلمووووووووو

**syrian girl** كتب:: بس بيني و بينكن
نص الحكي مافهمتوو

بتتعودي مع الأيام..
ماتشوفي بنت الإمارات بدأت لهجتها تخرب معانا<< هههه..

**syrian girl** كتب:: بس بيني و بينكن
نص الحكي مافهمتوو

بنـ جدة ـت كتب:: بتتعودي مع الأيام..
ماتشوفي بنت الإمارات بدأت لهجتها تخرب معانا<< هههه..

أما أنا لاهجاتي ماحاد يغايرهااا
لووول

انا عن نفسي تحطمت من هالبرنامج بعد الفراعنه من أشعار شاعر المليون في جولة الرياض 307613

يسلم لنا هالانامل خلودي !!!

موضوع متعوب عليه بجد !!!!

لا عدمنا طلتك ياعسل .. منوووره من أشعار شاعر المليون في جولة الرياض 541569

روووعة
مشكوورة حبيبتي خلووودي

لندن جيرل
صح كلاامك و الله