يقول: شوي وعقلي يطير :=(

هادي المشكلة حكاية على لسان ولد ويمكن تساعدوه

يقول هالولد انه بحياته ما اتخيل شي اسمه حب وخرابيط وكان يعتبره ضحك على العقول وكلام فاضي وضياعة وقت بحكم انه جدي وعملي ومتعلم مثقف

وعدت الأيام واخونا عايش حياته بأمان الله وزي عادته يسولف على الماسنجر وهالمره مع بنت سولف ومره ثانية رجع وسولف معها ومره ثالثة رجع وسولف معها ورابعه وخامسه واسبوع واثنين ولا هوا مقتنع مية بالمية انو هادي اللي فيها كل المواصفات اللي يبغاها من غير ما يشوفها ولا يكلممها بس من الكيبورد والشاشة

المهم فكر وفكر واستخار ربنا وطلب رقم بيتها واعطى الرقم لأمه وقلها شوفي هالجماعة عندهم بنت انشالله تكون مناسبة
طبعا امه انفجعت اشبو الولد قبل كم شهر كانو بحاولو فيه وهو رافض ويقول مو وقتو ودحين فجاة صار وقتو ايش الحكاية

المهم اتصلت امو على اهل البنت وبدات اول عقبة اختلاف الجنسية والموافقة الحكومة مطلوبة واعتذرت ام البنت لام الولد وقفلو السماعة وراحت الأم تقول لولدها انو مافي نصيب وانو في بنت ثانية وانو كمان الجماعة دلوني على بنات طيبيبن بس الولد كأنو ابليس ركبو مره تانية وقال خلاص انسوا الموضوع

يوم واتنين وتلاتة والموضوع ما بيطلع من راسه بفكر يمين ويسار وبيلقى نفسو مع أول يوترن بياخدو ويرجع لنفس العائلة ونفس البنت

الولد قرر انو هالمره بنفسو يتكلم مع أبو البنت واتصل عليه وعرفو بنفسو وطلب الأب انه يقابل الولد (الشاب أو العريس خخخخخ) ....

وفعلا زارهم هالولد في بيتهم واتعرف على الأب واتكلمو واتعرفوا على بعض وكان لقاء ايجابي وكل شي تمام بس مشكلة الجنسية لسى ما اتحلت
وبدل ما كان الولد بيسوي يوترن كل شوية قبل ما يقابل ابو البنت صار الرجال كأنه في دوار بلف وبيرجع وما بغير مساره وبقي الحال على ماهو عليه

الولد يقول انه مو شرط تكون حلوة او مو حلوة او يكلمها او ما يكلمها بس اعجابه باهل البنت وبالتربية والأخلاق الموجودة عندهم بالاضافة للي عرفه وحلله في البنت من خلال الانترنت ومشاركاتها وكلامهم السابق على الماسنجر خلاه يعرف ويتأكد انها طلبه واتجاهل تماما كل المشاكل اللي قد تكون موجودة بسبب اجراءات تنظيمية حكومية

ومرت الأيام وعدت وبدا يضيع ويتوه بافكاره هالولد
يحاول ينسى ويتجاهل ويبدأ رحلة بحث من الصفر لكن مو قادر يرجع للصفر لأنه أساسا مو قادر يخرج من الدوار اللي بلف فيه ويرجع لعائلة هالبنت
اتخيل احيانا إنه هذا هو الحب اللي كان مسوي فيها أبو راس كبير وعاقل ويتكبر عليه. بس كيف يكون حب بدون نظرة ولا صوت مجرد مراسلة معقولة !!!!. صحيح قابل ابو البنت واتعرف عليه لكن صاحبة الشأن مستورة في بيت أبوها ولا لمحها بنظرة

طيب ان كان مو حب ايش يسميه طيب ايش يعني وجودها وعشعشتها في مخه ما تفارقه وين ما راح يسرح ويفكر فيها

طيب ليش مو قادر يرجع يشوف غيرها مو هوا زي اي واحد بيخطبوله اهله بشوفو ويشوف هوا وحده واتنين وتلاتة وعشرة الين يتزوج وحده ايش معنى هالبنت وقفت عندها الطاحونة

واحد وواحدين وثلاث واحدات وصارو مية واحد والف ومليون واحد ولسى أبوالواحدات بتزيد موافقته وقناعته التامه إنها الانسانه اللي يسعدها ويعيش لسعادتها وهي اللي تسعده وتعيش بقربه

وين علمه ووين ثقافته وكبر عقله ووين شهادته الجامعية ووعيه ايش اللي خلاه راكض ورا أمل يمكن ما يتجاوز مقداره الفاصلة العشرية من المائة معقوله يكون الحب بهالصورة وهالطريقة ولا هو مراهقة متاخره لشاب عمره ربع قرن ولا هوا واعي وعارف ايش بسوي وايش الصح ووين سعادته وبيمشي على خيرته واحساسه ويبحث عن الربع الثاني من قرن عمره معها

أول مره يقول انه عرف ليش الشعراء يتكلموا كثير عن القمر وخصوصا اللي ما شاف منهم محبوبه او شاف رمش عينه من فتحة النقاب

يبغاكم تساعدوه ودلوه يمكن انتو بنات تقدرو تفتحو عيونه على شي هوا مو شايفو هل معقول انه ممكن يقدر يشوف غيرها وهو بقول مستحيل خلاص حصل مراده وما عاد يبغى غيره ولا هو بيمشي صح على أمل هالفاصلة العشرية مو اكثر وهو مقتنع ان لو ما اتحققت هالفاصلة العشرية حتكون النتيجة قاسية عليه ولازم يتحملها مادام انه قرر واختارها من بين هالبنات كلهم ومو قادر يرجع للآن من الصفر ويشوف غيرها لأنه قرر انه يصبر وينتظر عدت سنوات حتى تستقر ظروف عائلة البنت ويحاول يتقدم مره أخرى لانو ظروفهم الحالية بغض النظر عن باقي المعوقات لا تسمح ولازم يصبر على الأقل سنتين عشان يتحقق هالأمل الضئيل اذا ربنا اراد له انه يتحقق هالأمل

معليش طولت عليكم بس ....
ايش تنصحوه؟؟

امممممم,,
أولا مشكورة أختي ع الثقة و إن شاء الله بنساعد هالولد الي مادري إيش يقربك خخخ,,

اسمعي,,
الصراحة أنا أحس إنه لازم ينسى البنت,,
يعني أولا الموافقة زي ماسمعت إنها صعبة و تاخد وقت,,
و بعدين زي ماقال الولد مارح يقدرو يتقابلو قبل سنتين و هالوقت كثير و ممكن ينسو بعض فيه صح و لا؟؟,,

بس فيه شي مافهمتو؟
كيف يدلوه على ناس قرايبهم؟
و هوا -كما فهمت من جنسية مادري إيش هيا و قرايب البنت رح يكونو من نفس جنسيتها,,
يعني رح يواجهو نفس المشكلة و لا؟؟؟

لي رجعة

اممممم
صراحة أحس رأيي من رأي خلوودة
يعني أولا كلها معرفة عالنت
يعني زي ماعرفها بيعرف غيرها

تانيا أصلا ظروف البنت حاليا ماتسمح

تالتا الموافقة إذا قصدك إنو الولد مو سعودي و البنت سعودية؟؟
فأنا أحس إن السالفة أصلا صعبة شوي

و من ناحية الموافقة فكمان هيا صعبة

و الصراحة أحس أحسن شي ينساها

و زي ماعرفها بيعرف غيرها

و الواحد مايعرف وين الخير

oh my god
this man has a really sad story

god help him

but even though
i think that this wont work
i mean ummm
its complicated

شكرا عل الردود

بس هوا يبغى حل يقول انو النسيان هادا هرب من المشكلة مو حل لها

هوا مشكلتو انو يبغاها وبكل حواسه مشغول فيها والمشكلة انو كيف يتزوجها اليوم قبل بكره وأما لما ينساها حيكون هوا بيهرب من المشكلة لأنو حصل الانسانه المناسبة له ومن أول مشكلة هرب وما حل المشكلة عشان يكون يستاهلها

مش مشكلتو انو يتزوجها أو لأ

يعني تعريف المشكلة : كيف يقدر يتزوجها؟
مو ايش يقرر لأنو هوا قرر

اهااا,,
يعني قصدك الولد خلاص يباها هيا و مارح يتزوج غيرها أبدا؟؟ حتى لو حصل أحسن منها أو حتى لو ماقدر يوصلها؟؟

بس أختي هذا أحسو صعب شوي
لأنو هوا مو متأكد إنو رح يتزوجها هيا بالذات
و صعب يحط في راسو هادي القناعة
و بعدين إذا ماقدر يوصلها رح تكونلو صدمة

ايوه زي مو مكتوب فوق انو كل ما بفكر خلاص يشوف غيرها بيرجع بيلقى نفسو بيختارها هيا

ومن ناحية الصدمة قلتلو كدا بس بقول انو من وقت ما قرر يكمل هالطريق كلو عارف انو لازم يتحل نهايتو مهما كانت بس ما يغى يستسلم من بدري ولسى املو في الله كبير

اممم..
أنا أحس أحسن شي و بغض النظر عن المعوقات..
يتركو الكلام دحين و يوكلو أمرهم..
و بعدين سنتين الواحد مو ضامن عمرو و مايعرف إيش ممكن يصير صح و لا؟!

و أنا بالنسبة لي ماحب أفكر كتير في قصة محددة..
يعني ممكن من الآن لسنتين يتناسو السالفة و بعدين إذا جاء وقتها يشوفو إيش يصير..
و لو فيه نصيب بينهم مابيطير و لو مافي نصيب مابيوصلو لبعض لو طاروو..>> يجي خخخ

و مشكوورة مس مشكلة و إن شاء الله نكون نفعنا بأجوبتنا المتواضعة..

شكرا لكم كلكم على الردود

من جد أنا أحس كلام بنت جدة صح
يعني مو نسيان دائم >> نسيان مؤقت

لأن أصلا مستحيل الي يحب ينسى نسيان دائم
و لا تنسو تصميمي >>


خخخخخخ