بندر و النملة عفاف

اليكــم القصّه

كنت جاي من المسجد مصلي العصر وقعدت في السيب الخارجي في ربعة

((أي زاوية)) دايم نتقهوا الشاهي فيهاا وكنت مبكر ذاك اليوم شوي واشوف

نملة مبوبزة وحاطة يدهااا على عيونهاا تصيح ((مثل البزر اذا طقيتة وقعد

يصيح)) واقرب منهااا وادقق وقلت سلااامات وشفيك؟؟ ماردت علي وعطتني

ظهرهاا ((وابتلشت وشلون ابنغزهااا با اصبعي؟ واصبعي كبير عليهاا)) وانبطح

على بطني وتمددت في السيب وانغز كتفهاا بعود اسنان ((عود مبري يستخدم

لتنقيب الضروس بعد الاكل)) وقااالت نعم؟؟؟ والدموع تمشي لين التنورة حقتهاا

((شدني منظر وجههااا ودموعة الصادقة والصافية ..قلت وشفيك من انتي

؟؟قالت اناا ((عفاف)) وابنتحر مااتخبر شفاط نمل قريب؟؟ قلت لية هدي الوضع

وقولي لي السالفة يمكن اقدر اساعدك؟؟ قالت اناا حبيت واحد اسمة شافي

((شافي من النمل الاسود وعفاف من النمل الاحمر ومشهور انة اطخم ((أي حلو))

ويقدر يشيل حبة رز لحالة يعني بطل حديد)) وتقدم لأهلي ورفضوه اهلي ..

يقولون الاصول والعوايد هذاا مهوب منااا وفيناا بكره يقلب عليك..قلت معليش

انااا عوزاه يابابا ((صفقهااا كف ابوها انفكت جدايلها)) وشافي راح لهله وقال

((ابي اعرس )) قاال ابوه اخس واقطع مانبيهم الله لايبيهم هذولي خمااام ((أي

النمل الاحمر)) وراح شافي لأمه وقال بيزوجني ذا او العن امه قالت اعقل يا

الشين ومن يومها سحب نفسه شافي من الموضوع ((يعني جحد الملعون))

وطبعآ عفااف ماتدري عن انسحاب شافي ..وشرحت السالفه كلها لي وانا

منبطح طبعا ومركز معها ودموعي تنزل ((مادريت ان اهلي قاعدين كلهم

يناظرون فيني ومتغيرة لون وجيهم)) ويوم حسيت بأهلي قمت اصرفها واغني .

. ومشت عليهم ,,,

المهم واواعد عفاف بعد المغرب عند برادتنا عشان مايشوفوني اهلي واقعد

من صلاة المغرب الين الساعة 10 ووصلت ((جاية رجليه والمسافة كلها 5 امتار))

واقعد كل الليل اهدي فيها واقنعها انها تهدي بالها وماتشيل هم وان الزواج

قسمة ونصيب ((وانام وانا جالس معها وهي تروح للبيت قبل لايقومون اهلهاا))

واذا جاء الصبح لقوني اهلي منسدح عند البرادة وقالو خير؟؟؟ اقول جيت

اشرب مويه ونمت ...يوم يومين بدو اهلي يشكون ويطلون علي ويشوفوني

اسولف ومتحمس ((تخيلو راقد وتعابير وجهي وانا اقول طيب قولي لأبوك انا

راضيه ...طيب خليني انا افهمه )) طلعت امي وقالت من انت تكلم يا الكلب؟؟

وقامت تقرأ علي ((وكل يوم بعد العصر عند شيخ وخذ انواع الدهونات والعزايم

((أي المويه المقري فيهاا)) وانا انتظر بس متى ارجع عشان اشوف الحبيبه

عفاف)) وادلي اسهر مع عفاف ونتصل على جوال شافي ومطفيه وتقعد تصيح

واحضنها ونصيح سوى قالت معد يبيني معد يبيني ((حسيت وقتها ان فيه شي

غريب يشدني لعفاف)) وصرت اشتاق لها كثير وافرح با المواعيد ((ناقص حنان

طبعا)) وانقلبت البراده غدير في عيوني اشوف الحبيبه عفاف عندها والله

واصارحها با الموضوع ((طبعا بعد مرور شهر على اختفاء شافي وفقدان الامل

في رجوعه )) وحتى هي قالت انا مرتاحه بعد لك يابندر وزاد الحب بيننا

وصرنا نسرق انفسنا ونروح عند البراده ((واذا هي بتروح لجحر احد

اقاربها حطت لي رساله تحت البراده واخذها واقعد ادور على اطراف اصابع

رجليني واخم الرسالة ((كني ارقص بالية)) وللأسف كل المده هذي امي تشوفني

وتراقب ((طبعا الرساله ماتنشاف با العين المجردة اقراها في الكليه تحت

الميكروسكوب ((يعني اصغر من حجم النمله كبر يدها)) ودائما اذا جيت اقابلها

اخذ دربيل معي عشان اشوفها ((طبعا يلعن أم الشكل منبطح على بطني وادربل

الارض)) توقعت امي اني اكلم الجن واني مجنون وكلمت امي ابوي وحجزوا لي

في مستشفى شهار با الطائف وخلصت اوراقي وانا مادريت طبعا ((كنت في

احلى مراحل حياتي غرقان في الحب واحلام مع الحبيبة عفاف)) لدرجة اننا

سمينا اولادنا اذا جو بعدين ((يعني نسيتها شافي وام شافي)) ويجي ابوي

وقاال يا بندر تكفى انا تعبان وابيك توديني للطايف ابجيب تمر ((المشكله

في الشتاء مدري وش ها التمر)) قلت سم واجي ذيك الليله واسهر معها وانا

ابودي ابوي بكره ((كانت اخر ليلة)) واسهر انا واياها لين الصبح دموع

وصياح وقصايد ...شوي واسمع البيبان تتفتح حقت البيت مع بزوغ الفجر

واحضنها ((طبعا با الدربيل كني اشوفها في شاشة لاتحسبون فيهااخرابيط

علااقه شريفه)) واوعدها اني اذا رجعت ابفاتح اهلي با الموضوع ((مادريت انهم

ودوني لشهار قبل لايعرفون اجل وشلون اذا دروا ؟؟)) وبا الفعل طلع ابوي

وكنت في الايام الاخيره اطنش الحب اعماني واتكلم مع النمله قدام اهلي طبعا

مايشوفونها و يشوفوني اكلم الارض وماسك الدربيل ((اسمعهم يسمون

ويصيحون)) بس الحب كان معميني واقوى من كل شي ومطنش الكل لاني مابي

اضيع دقيقة من عمري بدون عفاف ((خاصة ان اهلها يطلعون يجمعون اكل وهي

فاضيه كل اليوم)) يعني ظروفها صح ...((وبيني وبينكم انا اكب لأهلها رز في

اخر الفلة عشان يطولون مايجون..وبا الفعل قال ابوي يالله يابندر مشينا

ويمسك يدي وهي متعلقه في طرف ظفري وتصيح (( بنـدر )) واناا اقول

((عفاف)) وابوي مايدري وش السالفه وابوي يسحبني ويسمي واوصل الباب

وانا ادربلها ((رافعه يدينها وشفايفها تنتفض من القهر كيف ابروح واخليها))

وطلعنا..وتم تسليمي للمستشفى يوم الاحد الموافق 2900 قبل الميلاد ومن

يومها معد ادري وش صار وانا اكتب لكم الحين من المستشفى.. بندر و النملة عفاف Frown

يتبع

مرت خمس سنوات وانا في شهار قاعدن في زاوية وفارش فيها مرقدي ((أي

فراشي)) وموزّي دربيلي تحت مخدتي طبعآ كل الفترة ملبد ((أي ساكت)) ومنيب

راعي مشاكل وقبلي ((أي دايم)) اهوجس في عفااف واحتسي بيني وبين

نفسي !! هي تذكرني ولا نستني؟؟ كانت شفايفي ترتجف مع الهواجيس

((الدكاترة يحسبوني اقرأ ورد وقرآن وقالوا اكيد الرجال عقل))<<----- امحق

عقل والله من جنبهــا بندر و النملة عفاف 21

<---- العقل يمين وهو يســار

القصــــــــــه :

القصة اني اوحيتهم ((أي سمعتهم)) يحتسون انهم بيطلعوني بكره وطار النوم

من عيني واتمدد على السرير واهوجس في بكره وماش اونست ((أي حسيت)) ان

ظهري يوجعني من السرير وانا اللي اذب عمري تحته وارقد بين السريرين

واغفي ((أي نمت)) وتنفتح طرف شفتي وتبدأ السعابيل تصب وتمشي ((كنك

تشوف ضحيه مذبوحه)) بندر و النملة عفاف Naplast

وكان خدي لازق في الارض واسمع ذيك اللي تصارخ

وافتح عيني اللي نصف بياضها لامسن الارض واشوف في بحيره سعابيلي شي

يتحرك وبعيد وصغير واطلع الدربيل ولقيتها دلّيل ((هذي دلال بنت خالة عفاف

كانت تجيبها معها للبراده وتسولف معنا وتسبّر لنا ((أي تراقب لنا الجو)) بندر و النملة عفاف Luved

وانا

اللي افصّخ ثيابي وخذ سباحه في سعابيلي ((ماتسمع الا تصميخ ذرعاني في

البلاط)) بندر و النملة عفاف Smich

قلت منيب رايح رجليّه مهوب ممديني خلني الحق عليها سباحه وانا اللي امسكها

بطرف ظفري واتدربا انا واياها جنب النقعه ((نقعة سعابيلي)) وقلت

سلامات؟؟؟ قالت هلا بنـدر وهي اللي تخمها بتسوه ((أي صاحت)) واقوم

ارفع الشعر عن وجهها وامسح دموعها بعود اذان وقلت بسّك بندر و النملة عفاف 8

<<--- يازينها ودي

اعيدها قالت بنــدر الحق على عفاف ابوك بيبلط البيت ((أي بيخلّيه زي

الحمامات املس)) بندر و النملة عفاف 13

<<---- هذي حدود معرفته بالبلاط قلت وتوك تجين ؟؟ خمس

سنين؟؟ قالت وش اسوي جايه رجليّه ..قلت يانذله كان استأجرتي صارور وانا

احاسبه بندر و النملة عفاف 21

<<--- اقول كل تبن بس والله واخذها على كفي وارقى على سريري

احتريهم يفتحون مكتب الاداره واقعد اخذ علوم عفاف ودلال تشيش فيني وتقول

عن الاضطهاد اللي عاشته في بيتنا عفاف والجوع اللي جاهم عقب ماسافرت

عنهم ((طبعآ كنت مزبّنهم برز اهلي عشان اصدّ بالحبيبه ويوم رحت ماتو جوع)) بندر و النملة عفاف Frown

ولا من زود القراده شرو اهلي مكنسه كهرب ((يعني انسى يلقون حبة رز))

وقالت ان عفاف تدق عليها كل ليله وتقول بنـدر اكيد مصادق قعاسي الطايف

ومعد هوب راجع كلهم مثل بعض هو وشافي ((يعني قليلين خاتمة)) بندر و النملة عفاف Biggrin

وقالت لازم تلحق عليها تراها فاهمه الموضوع غلط ماتدري انك يالضعيف لازلت

محتفظ بصورتها ومصكوكن عليك فيذا يالدبشه ومابقى من ملامح وجهك الا ربع

خدك الايسر والباقي مغطيه الشعر ((تقول بركه مفرغه ومشبّية اذا تفصخت)) بندر و النملة عفاف Ic2n2

ويوم صاواا ((أي غرد)) اول عصفور وماتشوفني الا كني وكيل مدرسة في

فسحه ((ماشي وموجة خنافري للارض ورافع كف يدي وعليها دلّيل كني اقول

عطوني ريال)) والعن ام الباب حق غرفة المدير ويضرب ويرجع على خنفرتي

واطيح سدّر ((أي غيبوبة)) ثلث ساعة.. وقوموني وقالو سلامات؟؟؟ ((طبعآ

قمت واقف ورافع كف يدي)) وقلت ابد ابمشي يالشيخ<<---انواع المونه

قال اصبر لين يجي ابوك ونطلعك !! قلت اسف ابمشي الحين الموضوع ضروري

قال سلامات وشفيك يدك توجعك؟؟؟ قلت لا معي الاهل ولازم اوديهم !! طارت

عيونه بندر و النملة عفاف Sad

وقال وينهم وامد له الدربيل وقلت دلال تغطي وثول ودربلها وقال اها

اجل تقول لي الاهل يا بنـدر ؟؟؟ قلت ايه انجز ((أي اخلص)) علي ابمشي وهو

اللي يمشي ويتصل على ابوي وانا اناظره وقال يالاخو هوّنا لعد تجي عطنا

خمس سنين ثانية الموضوع كبر!!! بندر و النملة عفاف Bored

قال ابوي افاااا؟؟ ليه؟؟ قال ولدك يحاكي

نمله !! قال ابوي اشوى نمله الله يبشرك بالخير يعني ماصار يحاتسي جن؟؟؟ بندر و النملة عفاف 6osheh

اصبر خلني ابشر امه قال ابوي يادختور اتركوا الولد تراه طيب اول عمره

مصادقن سلوقي في الحاره ويكشت هو واياه با الاسابيع.. والله ويهجّون ((أي

فتحو)) لي الباب واشوف النور واطق المرايات الشمسيه وللرياض رجليه ورافع

كفي ودلّيل متوسده الابهام يقال لك بتقلب لونها ((يعني بالمايوه يابهم))

ووصلت بيتنا ودموعي تغورق ((أي تنزل)) واشوف لون ابيض من تحت الباب

((كنه حليب مكبوب)) كان لون جلي البلاط وارن الجرس واسمع امي من اول

السيب تصايح تقول مين؟؟؟ وتوها فاتحتن الكيلون ((يعني طلع صوت طق))

واعطي الباب نفس الرفسه حقت المستشفى بس انحشت قبل لايرجع على وجهي بس الغريب مارجع الباب واناظر !! لقيت سيقان بدون جلد طالعه من تحت

الباب؟؟ وادخل واطل ورى الباب والقى وحده غريبه ماقد شفتها كل جلد

سيقانها تجمع في وجهها وصوتها تغير ((كنها واحدن يحتسي تحت كنبل ((أي

بطانيه)) واجرها واجي واحط ماطات رجلي على ماطات رجلها واسحب الجلد

((كني البس بزر هيلا هوب )) واجيب الجلد واخيطه بسيم معلاق من عند الماطات

والرجل الثانيه مثل.. ويوم خلصت والقى عيونها في رقبتها ((قعدت ارخي في

السيم لين ماوزنت فتحت خنافرها في فتحت الخنافر بالجمجمه ))واناظر واثرها

امي!!! بندر و النملة عفاف Ag

وانا اللي انطلق حاط دربيلي وازاعق انادي عفاف وهي تمشي وراي

يطلع منها صوت كنها لابسه كعب ((صوت الاسيام تحت)) وتقرأ علي واتفاجئ

بالبيت كله بلاط ومن فرحت اهلي يتغدون عليه يكبون الرز على طول على البلاط

((يلعن ام الفرحه ))

والقط الفاروع وخذ تكسر ودموع تنزل ادورها تحت الانقاض ودرت على السيب

كله احفر وللاسف مالقيت اثر.. واطمر للبراده ولقيت رساله بتاريخ قديم ((صار

لون الورقه اصفر من الزمن)) عقب ماغبت عنها بشهر وكانت حروف الكلام سايله

مع الدموع على الورقه يالله فككت حروفها وكانت تذكرني بكل لحظه في

حياتنا وانها تسمع بطنها يصاوي من الجوع وفي اخر الرساله نقطه صغيره

حمراء خفت انها نقطة دم انتحرت عقب الرساله بس يوم شمّيتها دريت انها بوسه

((صارت روج)) بندر و النملة عفاف 51

طلعت بدربيلي للشارع اصايح باسم عفاااف والناس يتحمدون الله

مشيت لبيت جدتها ((جعابه تسكن في عتبة واحد اقشر جندي اول في امن

الطرق والاخلاق دمار)) بندر و النملة عفاف Znechuceny

وجيت وسجدت عند عتبة بابه وقمت اناديها ام عبيد ام

عبيد وماسك الدربيل بيديني ((مادريت طلع العري راعي البيت وصار من زين

الحظ اسمه عبيد ويحسبني انادي امه وكمل عليها اني ساجد وادربل يحسبني

اطل من تحت الباب)) بندر و النملة عفاف Znechuceny

ومادريت الا بعصا المكنسه يمزع جنبي وارفع عيوني بالدربيل واشوف مخ؟؟

((الدربيل جاب مخه مع خنفرته)) واوخّر الدربيل ولا العصا جايه تمشي مليون على

الجهه ويسحبني ويذبني في الحياله ((كني قطو مصدوم وخشمي يرعف دم)) بندر و النملة عفاف Frown

واقعد في غيبوبه اسبوع بدون اكل وشرب ويبست مرة ((غديت كني صندقه

حمام مفكوكه ومذبوبه كني ليحان مجمعه))المهم ويصادف في هالارض بيت نمل

ويسّخر الله لي بزرين نمل ورديين ((أي لونهم وردي)) ولابسين طواقي وش

ملحهم ودك تجرعهم وحتسيهم فية لتغه وواحدن منهم له غمازات ((من زود الملح)) بندر و النملة عفاف 25

ورحموني ودلو كل يوم يسرقون من مستودعهم جراد ويجون لي ويدسونه في

افمي با ابرة خياطه ((وانا لازلت في غيبوبه)) وكل يوم الهم في هالجراد لين

ماربعت ((غديت تسني ضب متروكن في خريم)) وقمت ودربلتهم وتشكرتهم

((المشكلة صارو يأكلوني ابو حليمه يجمعونه من حرمله في البرحة)) وحسيت

انهم كل من لي بهالدنيا وصرت ارقد في هالبراحة جنب الجخر وما افارقهم ابد

ويجي ذاك اليوم واقوم على ذاك الصوت اللي يطلع من بيت النمل وحده تقول

لؤي ((لؤي هذا ابو غمازات)) تعال وانا امك خذ غداء الرجال ((اللي هو انا)) بندر و النملة عفاف Frown

وتدور بي الدنيا وتنزل دموعي ويقمط قلبي واحس كني نازلن من دحديره

بسرعه ((يعني خفت قلبي)) بندر و النملة عفاف Smile35

وامسك لؤي مع كتفه وقلت تعال من هذي؟؟؟ قال

هذي مغا مغا <<--- يقالك جبتها الحين بلتغه ((يعني ماما))

وقلت وعيوني تدمع وش اسمها؟؟ قال مغما عفاف!!! وانا اللي انشل في محلي

ودموعي قامت تسورب لين ما انحقن ((أي امتلى)) سري وفي نفس الوقت

سمعتها تقول يااللولو ((اللولو اخت زوجها)) ابروح للدكان ابشري حلاوه ابشيل

شعر ذرعاني وسيقاني ابو لؤي يقول انه بيجي الليله بندر و النملة عفاف Biggrin

وانا اللي اقمز مابيها تشوفني ومابي اضيع مستقبل هالبزران اللي ماخلوني

ووقفو جنبي في محنتي ومابي اكون ماضي تعيشه بحاضرها<<-- قسم بالله

كلام كبير ياكذا الحب يابلا بندر و النملة عفاف Wink

مدري فلا ?

وهي اللي تطلع واشوفها تلف في الطرحه واقز جبهتها وعيونها في الارض

مابعد رفعت السواه وانا اللي اغطي وجهي بيديني واركض لاتعرفني واطلع

بالغلط على الخط وانا مغطي عيوني ويلقطني راعي كدلك مع جنبي ((عرفوه

برقم اللوحه طابع في تسلوتي((أي كليتي)) بندر و النملة عفاف Ic2n2

الــصــدمـــه :

وصل كلام من مصدر موثوق ان عفاف قالت لبنت جخر جيرانهم فكني الله من

شاافي الاسود... ومن بنـدر الهيس الاربد... ورزقني بهالقعسي اللبناني

الامرد ((اي بدون شعر)).. :
بندر و النملة عفاف 25

ملاحظـــــه :

حب ادميــّه وأن مالقيت صارح لك طوفريه ((الطوفريه اللي يجاب فيها الشاهي

والبيالات للي يحتسون روسي) بندر و النملة عفاف 111

للأمانة: المصدر! بنـــــدر !
vbmenu_register("postmenu_2183620", true);

منتديات قلوب

هههههههههههههههههههههه

والله تححححححححححححححححححفة
مسكين بندوووري
دا جزاااؤوو بعد ماتعذب عشان عفاف خخخخخخخ

ههههههههههههههههه
والله فطستيني ضحك
يسلمووو

ههههههههههههههههههههه
وربي تحفففففة
من جدده هذاا و الله شيييي

بس بدي برناامج ترجمة خليجي - سوري << بدال عربي - انكليزي
خخخخخخخخ

يععععععععععععععع
ههههههههههههههههههههههه,,
الحمدلله و االشكر,,