يا يمه اليوم انا راحل بلا ها الدمع عالخدين

بسم الله








***....يا يمه اليوم انا راحل بلا ها الدمع عالخدين...***


اشوف الكل يودعني ولكن بينهم تبقين
يا يمه امسحي دموعك عيونك لا تبكيها

يا يمه هذي القسمة وقدر قدعرفنا زين
ياخذ ارواح من حوله ويوديها لباريها

يا يمه اليوم انا راحل بلا ها الدمع عالخدين
ترى روحي تودعني بحالك ذا تشديها

ابي يمه تضميني كما طفل على الإيدين
ابي فحضنك تخليني إلين الروح اخليها

وبوسة راس تكفيني ومسحة إيد عالهدبين
اغمض فيهم عيوني يا آخر وجه يضويها

يا يمه وش بقى ليا وانا عالموت ليشبرين
وروحي تغتسل مني ابي ببسمة تنشريها

وخلي عنك كله الناس..عيونك ترتمي لا وين؟؟
تصرخي بينهم ياكيف روحي لي ترديها

علامك كل مايقولوا "خلاص هديه "ماترضين
ولا قالوا لك الرحمة بكيتي إلين قلتيها

وكتفي تهزه ايدينك بنبضات الأمل ترجين
عساها تنبض بقلبي وتحيي روح راعيها

خلاص اليوم ودعيني ومسحي دموع هذي العين
واذا غلطاتي في حقك كثيرة اليوم انسيها

يا يمه قولي لأخواني وصية حقهم بعدين
ترى رضاك يغنيهم عن الدنيا ومافيها

ووصيهم يطيعونك بقولة " ايه ..نعم..وانزين"
اقسم بهذي اللحظه حياتك صعب نوفيها

ابي بإيدك تغسليني ياجنة تحت هالرجلين
عسى بإيدينك اتطهر من ذنوب ومساويها

يا يمه الحين كفنيني وقبليني اذا تكفين
واذا فيني سقط دمعك لفيني ولفيها

اشوف الكل يودعني ولكن بينهم تبقين
يا يمه امسحي دموعك عيونك لا تبكيها









.::منقووول::.

من جد قصيدة مؤثرة
مشكورة أختي

والله قصيدة محزنه للغايه وتؤثر بالواحد




تسلمين يا قلبي على هيك مواضيع مميزة ..

منورة القسم والله


تقبلي مروري


مشرفة القسم

اخخخ..
من جد تحزن.
مشكوورة خيتووو..

يالله ع الكلااااااااااااااام

شي يقطع القلبـ ...............................


يسلموو ياعسل

وربي ان شاء الله يكسبنا رضى الواالدين .................


امين يارب ....