00 & جسد يحتوي روحين &00

تذكر يوم أقولك جسد يحتوي روحين

و أوعدك ما أخليك وتوعد ما تخليني ؟

أذكر يومها أشوف بالدنيا بس اثنـين ..

قلبي اللي يحبك وقلبك اللي يحويني ..

بعدها بأيام شفت إيدك تحتضن إيدين

وانصدمت يوم شفت إنها غير ايديني

سكت لجل خاطرك وقلت مرحبا بالزين

مرحبا باللي القلب لجلـه حيل كاويني

مر يوم وأسبوع وشهر وبعدها شهرين

وهو لازال مايدري بإني شفته بعيني

وأخاف إني أقوله له خاين وينجرح بعدين

وأخاف أسكت وبسكوتي صمتي حيل يشقيني

واجهته وانا أبكي والعين تحتضن العين

سألته : ليه تنسـاني ؟؟ ولا ماكنت تغليني ؟؟

سكت ولفّ عني وخبى وجهه بالإيدين ..

إللي كانت تحضني وغيرها ما تدفيني

سحبت وجهه ومسحت الدمع على الخدين

وقلت له ،، والله أحبك ولو إنك تخليني .. !

سكت فتره وقال لي : لازلتي تحبـيـن ؟؟

بعد اللي تشوفينه لا زلتي تحبـيــني ؟؟

ابتسمت وقلت أجل ماعرفت للحين

إني أحبك حيل واللي يرضيك يرضيني ..

سكت فترة وانا أعاود فرحة بقت لسنين

وتركته وتركت حبه إللي بقى فيني

وصارت الدمعـة إذاهـلت أقول أهلين

والبسمة هجرتني ونست دربها فيني ..

بعدها بأيام سمعت خبر والله شين ..

سمعت إنه مات !! وهو يطلب يلاقيني !!

ويوم إني رحت .. وصيته لي بورقـتيـن

الأولى بها إسمي كتب بدمه يغليني .. !!

والثانيه يقول فيها : " أبي أوضحلك شيـيـن "

" الأول أحبك حيل وماسكن غيرك شراييني "

" والثاني أمانهـ لا جيتي لأهلي تعزيّن "

" لا تنزل دموعك لي طلبتك لاتَبْكـِيـنِي "

" كل اللي أبيه إنك بالخير لي تدعين "

" وإنك بالشهر مره بقبري تزوريني "

" واللي أبـيـك تعرفيه ومهم إنك تعرفين "

" اللي شفتيها معي كانت بموتي تبشّرني "

" أنا اللي خليتك من كيفي عني تبعدين "

" لجل ما ينجرح قلبك بلحظة موت تحويني .. !! "

" تكفين لا تظنـين إني خنـتـك يا الغلا تكفين "

" وإذا لازلتي تحبـيـني دايم بالخير أذكريني "

سكت وقلت : ياليتني ظليت معك يازين

وشفت الموت ياخذك مني ولاكذا تخليني ..

تظنون إني نسيت أو الدمع جف بالعين ؟؟

لا والله إلين اليوم وهو معي يخاويني

لو تدور الدنيـا ولو تمر بعدها سنين

ما نسيته لو أشوف أحفادي حواليني .. !!

******************************
منقووووول

وش رايكم رووعه

مووووووو

روووووووووووووووعة

مررررررة حلوة

يسلموووو على النقل الحلو

والله لا يحرمني منك ياعـــــــســـــــــــــل

ولا منك ياقمر

يسلمووو مرورك ياحلووووو

ولا تحرميناااا من طلتك الحلوووة

بتجنن
ثاااانكس

وااااااااااااااااااو

خيااال !! من جد ابددااااع

متميزة بذوقك في انتقاء المواضيع !!!!!!

منوره القسم يا بطتي العجوز 00 & جسد يحتوي روحين &00 17779

ولوووو العفوووووووووو يابطتي............................... . .

نورك الله منوووووووووووووور.....^_*