احللللللللللللللللللللللللى صدفه بحيااااااتي

"" الفصل الاول ""
[/size][size=21]كانت جالسه هي وأختها يسولفون وقالت : ريم : ياربيه طفشانه وما ودي أداوم بكره مليت
رغد : حتى أنا على بالك ودي أداوم يعني ...
ريم : وهي متحمسه طيب وش رايك نغيب ...
رغد : أحلفي بقووووووووه .... لو نقدر نغيب كان غبنا بس أمي رافضه من كثر غيابنا خصوصا من بعد ما وقعنا على التعهد ...
ريم : ياربيه أقولك بكره من جد مالي خلق أداوم
رغد : أمرنا لله وش نسوي ...
ريم : بتهور : طيب وش رايك ننحاش من المدرسه مثل ما سوينها من زمان
رغد : وين لا مجنونه أنسي مستحيل أعيدها مره ثانيه كفايه المره الأولي بغى يجيني جلطه من الخوف..
ريم: اقول عاد يلا اللي سواها مره يسويها مره ثانيه وياختي خلينا نفلها شوي ... تكفين رغد..
رغد بتردد: من قلبي ودي بس عقلي يقولي لا.. وانا حاسه انو بيصير شي. وخايفه ومدري وشلون وضعي.
ريم حست ان اختها بدت تتقتنع : اقول رغد تكفين وش بيصير يعني.. المره الاولى وعدت وما صار شي .. لاتصرين متشائمه كذا..
رغد: طيب خلاص اقلقتي ام راسي بس وشلون ننحاش..؟؟
ريم تفكر بحماس : شوفي . انحاش انا بوقت الفسحه.. بس اذا صار في وحده من الامهات او المدرسات بتطلع لانو دايما يجون الامهات ياخذون بناتهم وقت الفسحه واطلع معاهم قاطه. وبعد كذا انحاش وامرك واطلعك من مدرستك وانتهينا..شفتي الذكاء..
رغد بإنبهار: يلعنك.. وش هالفكره الجهنميه ولا ولد يسويها .. صحيح انها خطيره بس بنفس الوقت رهيبه وفله .. خلاص طيب اوكي.. بس لاتنسين خذي موبايلك.. وانا باخذ موبايلي عشان نتفق او اذا حصل أي شي نتصل على بعض..
ريم بفرح: اوكيه اتفقنا..
" على فكره اهل ريم رغد شوي فري عشان كذا تجرأو""

&&&&&&&&&&&&&&&&&&&&&&&&&&&&&
اعــــرفكم على عائلة ""أبو مشاري""

ابو مشاري: رجل اعمال ناجح وكبير وعنده شركه شراكه مع اخوه واخته .. قلبه حنين وطيب واغلى شي عنده عياله..
ام مشاري: مره متفتحه وما عنده قد على قوالة ريم .. حبوبه وطيبه وحنينه بس في نفس الوقت جديه..

مشاري: الولد الكبير عمره(23) سنه يدرس بالجامعه قسم حاسب حبوب وهادي وجميل بمعنى الكلمه من ناحية حدة ملامحه وجذااااااااب بشكل مو طبيعي والبنات يطيرون عيله بس ما يعطي احد وجه..... دايما في حاله..

رغد: عمرها (19) سنه بثالث ثانوي<<<رايحه فيها..حلوه وتشبه اختها ريم جذابه ومره كيوت نحيفه شوي بس مناسبها..عيونها عسليه وسيعه وشعرها لونه بندقي ..

ريم:عمرها (15)سنه بثالث متوسط بمدرسه تختلف عن مدرسه اختها رغد ....حلوه وجذابه ...بالكلام العربي يعني"تخقق" جسمها حلو وشعرها اسود وعيونها وسلع وكحيله وعربجيه وحبوبه..وتحب المغامرات..

&&&&&&&&&&&&&&&&&&&&&&&&&&&&&

رغد:يلا قومي ننام لاني خلاص مليت من وجهك عورني راسي من كثر ماتحنين علي..وبعدين عشان تستعدين لمغامره بكره..
ريم:ايه صح لازم استعد لبكره..لوووووول بروح انام..تصبحين على خير يااحلى واغلى اخت بالدنيا<<<مولله..

رنت ساعتها وصحت وهي مره متحمسه ومستعجله..
ريم: رغد.. رغد.. بسرعه قومي يلا نتأخر على المدرسه..
رغد: اقول اذلفي عن وجهي وش ذا الحماس للمدرسه.. اثرك ما نتي هينه..
ريم: اوووف . اقول قومي بلا كلام فاضي تراني مروقه لاتنكدين علي.
رغد: خلاااص قمنا يكفي حنه فوق راسي والله ذبحتيني..

خلصت ريم بسرعه ونزلت..على الفطور مع امها وابوها واخوانها..
ريم: صباح الخير يا احلى ام واب في الدنيا..
ام مشاري: صباح النور.. وش عندك اليوم مروقه..ولا بعد صاحيه بدري..
ابو مشاري: صباح النور والسرور يا حلى بنت.. بس ما قلتي لنا وش عندك اليوم..
ريم ما ردت على احد ..
مشعل :ملنا سلام..
ريم: اكيد.. صباح الخير ياحلو..
مشعل : لالا البنت صدق فيها شي اليوم ..
ريم في نفسها" عشانكم ما تدرون وش ناويه عليه""
نزل مشاري: لالا اليوم فيه شي ريم صاحيه غريبه..
ريم عصبت: وش فيكم علي.. يعني ما يصير لي اصحى بدري..
مشاري: الا يصير لك بس مو من عوايدك..
ريم ما ردت عليه...

نزلت واخيرا الست رغد وعلى طول نطت في عينها ريم..
ريم: خير ان شا الله كل هالتأخير كان ما نزلتي..
رغد وهي مالها خلق: اقول وخري عن وجهي ترى محد رايق لك..سلمت على امها وابوها واخوانها وافطرت بسرعه.. وطلعت عقب ما شيبت ريم براسها...

فـــــــــــــــــي مـــــــــــدرســــــــــــــة ريــــــــــــــــــــــــــــــــم

ريم: صباح الخير والفل والورد والياسمين..وش اخباركم بنات؟؟
ساره قامت تلمس حرارة ريم: اليوم وش شاربه .. وش ماكله. وش عندك اليوم مروقه..
ريم: اووووووه وش فيكم اليوم القاها من وين ياربي من البيت ولا المدرسه..
ساره: لا بس كنت مستغربه.مو من عوايدك..
ريم: بلاك ما تدرين وش بسوي..
ساره: وش بتسوين بعد؟؟
ريم: سر... ما راح اقوله..
ساره: اقول ريم بلا سخافه قولي ..
ريم: "نو ..وي.."
سارة بعصبيه: بتقولين ولا شلون..
ريم : خلاص بقولك بس بعدين..
ساره: اوكيه اهم شي تقولين لي..

" في الفصل"

ريم معها الدفتر وتكتب لساره : اسمعي انا اليوم ناويه اهج من المدرسه..... وتعطي الدفتر لساره.
ساره: وش تقولين انتي مجنونه.. اول شي كيف وشلون ومتى .. علميني بسرعه..
ريم:الله كل هالأسئله مره وحده خلاص انا اقولك السالفه..
" وقالت السالفه لها عشان تساعدها "
ساره: طيب تتوقعين خطتك بتنجح؟؟
ريم: ان شا الله ميه بالميه هذي خططي مو حيا الله..
ساره: ايه درينا انها خططك اللي ما ورها الا البلاوي..
ريم ميته ضحك: ليش مره بليتك بخططي؟؟
ساره: يا ما وياما . بس خليني ساكته احسن لي .. عشان ما ابكي عليك..
ريم عصبت: لا يالجاحده مسويه ما قد نفعتك بشي .. انكري بعد..
ساره: انا ما انكر.. هي مره.. او مرتين غيرهم وهقتيني بصراحه..
ريم : اقول ..اقول .. روحي عني زين..
رن جرس الفسحه طلعت ريم اول وحده طبعا مو من عوايدها ونزلت هي وصديقتها ساره ووقفوا عند الباب ينتظرون وحده من الامهات تطلع واشكالهم تحففففففففففففففه......
واخيرا جات وحده من الامهات ومعاها بنتها توها بتطلع.. ريم ما صدقت على الله ولبست العبايه بسرعه.. واطلعت واخيرا..ومن العجله نست الشنطه في المدرسه وطبعا فيها الموبايل ما أنتبهت ..
ريم : واااااااااو وأخيرا طلعت و"مشت شوي وفجأه شهقت" ... وين شنطتي .. لااااااا نسيتها بالمدرسه
ياويلي ... وش بسوي الحين المشكله فيها فلوس وموبايلي .....
وأحتارت ما تدري وش تسوي ... حتى مدرسة رغد ما أعرفها زين يقطع أم الوهقه وش أسوي ...
وكملت مشي ومشت ومشت وهي ميته خوف وقالت في نفسها كاني تذكرت موقع المدرسه من هالطريق
ومشت لحد ماوصلت وقرت على الباب (مدارس الــ............الأهليه ) نفس مدرسة رغد... ماقرت
بنين أوبنات سفحت عمتى على الدخول الباب المدرسه ... كان الباب مفتوح وما عنده حارس ودخلت
فتشت على طول كان المدرسه ازعاج وفجأه سكتوا ولا همس ... يوم لفت وجها تناظر المدرسه وتشهق ذيك الشهق
ريم : يمه أنا وين دخلت مدرسة عيال.... هالكلمه صارت تدور في راسها ... فكرت أنها ترجع وبسرعة لفت على الباب إلاجاء الحارس سكره .... وطبعا سوت لثمتها تجمعوا العيال حولها طبعا عيال ما صدقوا على الله
بنت تدخل مدرستهم حتى لوشينه تطلع حلوه بعيونهم ....
ريم في هذي اللحظه كل عظم في جسمها يرجف وعيونها غرقانه دموع من الخوف لإنهم مسوين دائره
حولها ما تسمع إلا تنطيل كلام وحش ومغازل وأي شي يجي على بالك بتسمعه <<<ما ينلامون مساكين ....
قامت تفكر وتكلم نفسها "لازم اطلع من هالورطه يارب ساعدني" .. وهي خايفه يوصل للمدير وتصير
سالفتها فضيحه ......
ريم : وهي تطالهم وبصوت مبحوح قالت :
ممكن تسمعوني شوي <<<<<محد سمعها..
ورفعت صوتها اكثر: ممكن تسمعوني شوي..
اسكتوا فجأه وقالت بدلع: انا ابغى اكبر واعقل واحد فيكم. " طبعا كلهم صاروا كبار وعاقلين " وصارت ما تسمع الا: انا..نا..انا.
ريم تطالعهم بتمعن واختارت ازين واحد فيهم<<فالتها..
ريم: تعال انت يا اللي هنا..
الولد: انا...
ريم: ايه انت ..
وراح وهو ما صدق خبر..
استخدمت ريم اسلوبها وقالت بدلع: مو انت اكبر واقل واحد ... طلعني من هالدائره..
الولد: ابشري...
قام ومسك ايدها وطلعها وريم في نفسها تقول " يمون العم" وهي ميته خوف ومسويه نفسها قويه... ووداها مكان بعيد وصاد عن الطلاب ..
ريم وهي شوي وتصيح: والله واقسم بربي اني داخله المدرسه غلط.. يعني لا تحسبني من هالبنات تراني بنت ناس وعالم وحمايل ومتربيه وانا صدق مدري وشلون جيت هنا..
قام الولد يهديها وهو ولد حبوب..:معليش حصل خير..
ريم تحس انها مرتاحه مو مره بس احسن من غيره: ممكن اطلب طلب.
الولد: اطلبي..
ابي مويه والله ريقي ناشف من الخوف.
الولد وهو متعاطف معها وحاس بالموقف اللي هي فيه: انتظري شوي..
راح الولد واتشرى المويه ورجع..:تفضلي.
ريم: مشكور اخوي وما قصرت تعبتك معاي .. وقامت تدور في جيوبها فلوس عشان تعطيه حق المويه..
الولد: وش تسوين..؟؟
ريم: ادور فلوس عشان اعطيك حق المويه..
الولد بعصبيه: خلي فلوسك لك وماله داعي انا ما سويت الا الواجب..
ريم وهي خاقه معه(خاقه=ذايبه=دايخه):لا .. مو قصدي شي بس حبيت اعطيك حقك..
الولد:اقول خلينا من هالموضوع الحين.. انتي افطرتي.؟؟
ريم: لا..
الولد: اجل استني شوي.. راح واشترى فطور لهم ورجع.. واعطاه ريم..
ريم: ليه كلفت على نفسك والله ماني مشتهيه شي..
الولد: اقول اكلي شي .. لا يغمى عليك..
ريم مازات خاقه وما قدرت تقول له لا.. اخذت السانوتش وفتحت العصير وبدت تاكل مجامله له طبعا بعد ما فكت اللثمه وتغطت بالطرحه...
وصاروا ياكلون وهو يطالعها شوي .. وياكل شوي..
ولما خلصوا ..
الولد: ممكن اعرف اسمك...
ريم وهي مطيره عيونها: خير ان شا الله عسى ما شر.. وش قالولك عني .. تراني بنت ناس ومتربيه وما عندي هالسوالف..
الولد بإرتباك: لاانا مو قصدي شي بس اسأل ...
ريم: مره ثانيه لاتأل..
الولد: طيب خلاص اسفين..
ريم: اقول انا بأي مدرسه الحين..
الولد: مدرسة ال(.........) الاهليه..
ريم وهي مركزه الاسم:نعم.. المدرسة هذي مدارسال(.....)متأكد..؟؟!!
الولد: تستهبلين مدرستي واعرفها ...
ريم تشهق ذيك الشهقه:يا ويلي ..ياويلي وانا ما لقيت ادخل الا هالمدرسه.
الولد: ليه خير وش صاير..
ريم: اخوي الصغير يدرس فيها يا ربيه وش هالمصيبه..
" على فكره ..مدرسة رغد ومشعل تحمل نفس الاسم"
الولد: هدي .. هدي شوي اخوك بأي سنه أ ي صف؟؟!!
ريم: هو بالمتوسط .. هذا أي قسم اللي احنا فيه؟؟!!
الولد: احنا بالثانوي .. وتراه مفصول عن المتوسط بالمرره.. ارتاحي..
ريم:ايه الحمد لله طمنت قلبي ..
الولد: طيب وش اسم اخوك يمكن اعرفه..
ريم: لا . والله تلعب علي .. انسى اني راح اعلمك أي شي..اقول الا انت وش اسمك..
الولد: انا اسمي سليمان

&&&&&&&&&&&&&&&&&&&&&&&&&&&&&
سليمان عمره (19) سنه بثالث ثانوي\\\\\\\\علمي.. وسيم لأبعد درجه مرره يجنن .. عيونه عسليه وناعسه تدوخ خشمه صغير وطويل .. شفايفه صغار بلون التوت.. حواجبه مرسومه رسم .. له سكسوكه هذي بالذات تطيح الطير من السما...وجسمه حلو بتميز بالثقل والرزانه والركاده. حبوب وطيوب.. يعني بإختصار كله على بعضه حلو..

&&&&&&&&&&&&&&&&&&&&&&&&&&&&&

ريم: اهاااوتقول في نفسها" يهبل واسمه سليمان مدري من وين طلع لي"
سليمان: طيب اخوك أي صف..؟؟
ريم: بثاني متوسط..
سليمان: يعني اصغر من اخوي بسنه..
ريم: وش اسم اخوك..
سليمان: محمد..
ريم: عاشت الاسامي..طيب ممكن اسأل عن عائلتك الكريمه..<<<مسويه عندها اسلوب..
سليمان وهو رافع حاجب: ايه ممكن.. اقولك بس بعد ما تقولين اسم اخوك. بون العائله..
ريم: اوكيه موافقه<< والله من اللقافه..
سليمان: انا سليمان ال(..............)
ريم: انت سليمان ال(........) وتشهق ذيك الشهقه اللي بغت تدوخ منها..
سليمان: انتي وش فيك كل شوي مروعتني.. خير وش فيها عائلتي..
ريم: عشانك ما تدري انو اخوي الكبير يعرفك.. اخوي الصغير يعرف اخوك..
سليمان : طيب حرقتي اعصلبي وش اسم اخوك.؟؟
ريم بتردد واضح: اسمه...آآآآآآآآآآآآآآآآ......آآآآآ.... مشعل..
سليمان: اقول احلفي.. واحلفي بقوه بعد.. مشعل ايش..
ريم: لا والله وش شايفني عندك تراني بنت ناس ومتربيه ولا تحسبني من هالبنات <<< هالموال حفظناه..
سليمان: والله دريت انك بنت ناس ومتريه حفظته والله حفظته...
ريم:ايه اخاف انك نسيت..
سليمان وهو يسبل لها بعونه(يرمش): ابد ما عندك نيه تقولين.
ريم وهي خاقه على عيونه: هو مشعل ...آآآآآآا..ال(.........).
سليمان: هذا اخوك عرفته....
ريم بخوف: الله يخليك . طلبتك طلب ما اطلب غيرهلا يدري اخوي اني جيت هنا الله يخليك لاهلك واحبابك.. والله ما ني ناقصه مشاكل كفايه اللي انا فيه الحين..قدروضعي .. انا الحين بمدرسةعيال . ومنحاشه من مدرستي.. عشان انحش اختي<<< ما شالله ونع الاخوه..
وناسيه شنطتي وفيها موبايلي وفلوسي.. ولا ادري كيف بطلع من هنا واهلي لو دروا بذبحوني شويه علي...
فالله يوفقك ويخليك لغاليك...استر علي وتلقى الاجر ان شا الله..
سليمان وهي كاسره خاطره:احاول..
ريموهي تنافخ:خير وش تحاول. اقولك لا تقول لاحد..ما قلت لك حاول.. اقوله ساعه موال وفي النهايه احاول..
سليمان: لا قومي طقيني احسن....كنت امزح..
ريم:ايه اشوى .. لاتعيدها مره ثانيه<<<تمون العمه..
سليمان وهو يناظر ساعته: اقول ترى ما بقى شي على نهاية الفسحه..وش بتسوين.؟؟
ريم: والله محتاره..
سليمان: طيب فكري بسرعه..
ريم وهي تفكر:.................. جتني فكره<< ام الخطط داهيه..
سليمان: خير وش الفكره..
ريم: فيه ثوب زايد..
سليمان:هههههههههه حلوه هذي فيه ثوب زايد.. من وين اجيب لك..؟
ريم: طيب... معك بدلة رياضه..
سليمان: ليش وش تبين فيها..
ريم : انت جبها وبس..
سليمان راح جاب البدله بسرعه ورجع..: الحمدلله اني جايبها
ريم : زين كذا حلو .... يله..
سليمان: شنو يله..
ريم: يله قدامي.. روح بدل ثوبك والبس البدله وجب الفانيله والسروال<<ياويلي هالبنت فاسخه الحيا مره وحده..
سليمان مطير عيونه: طيب .. ممكن اعرف وش بتسوين انتي...
ريم: انت رح وسو اللي قلت لك عليه وخلصني..
سليمان: بروح وامري لله..
" راح دورة المياه وبدل ملابسه ورجع معاه الثوب..
ريم: طيب وين البس فيه..
سليمان: روحي لدوراة المياه..
ريم وهي مطيره عيةنها: احلف بس.. تبيني ادخل دوراة المياه تستهبل انت.. تخيل لو احد نط علي من فوق الجدار وش بسوي بعمري ذيك الساعه..
سليمان هو يضحك: طيب وين بتلبسين فيه..
ريم: ولا يهمك ام الافكار والخطط معاك <<<<داهيه هالبنت..
سليمان: يله ورينا شطارتك...
ريم: اسمعني زين. انا بأفسخ العبايه وانت بتمسكه وتغطي علي وطبعا وانت برا العبايه وداير وجهك قدام فاهم..
سليمان: فاهم والله فاهم بس اخلصي بتصفر الحين..
ريم لبست السروال بدون ما تفسخ المريول وبعدين فسخت الشيال وباقي بلوزة الي تبع الشيال خلتها ولبست مالثوب عليها وعدلت لثمتها بعد ما تحوست.. وطبعا سليمان حاول يقز(يناظر) شوي بس بعد ما نفخت ريم عليه عقل...
ريم: خلصت .. اقول ما معك شماغ..
سليمان: عاد اليوم بالذات ما جبت..
ريم: طيب جب لي شماغ..
سليمان: من وين اجب لك..
ريم: اسرق لي شماغ أي واحد..
سليمان مبقق عيونه: لا والله وشايفتني..
ريم: انا ما قلت اسرق اسرق.. يعني بالكلام العربي استعاره..
سليمان: طيب بدبرها لك..
" وراح ونادى واحد من بزارين اولى ثانوي وقال له..تعال حبيبي اسحب لي شماغ أي ولد وانحاش"
الولد:خبر وش قالوا لك عني ..
سليمان:بعطيك اللي تبيه بس جب لي الحين شماغ..
الولد:مدام المسأله كذا ولا يهمك اصنع لعيونك شماغ..
سليمان:مولله ..رح يله..
"طبعا الولد سحب شماغ واحد ودز وراح لعند سليمان وعطاه الشماغ"
سليمان رجع لعند ريم:خذي دبرته لك..
ريم وهي مبسوطه:يسلمووووووووووووو زين سويت.............يلـــــــــــــه؟..
سليمان :شنو بعد يله؟..
ريم:لف عني ابي البس الشماغ..
سليمان:صد عن ريم ........وريم لبست الشماغ وتلثمت..وسفطت عبايتها والمريول وخبتهم..
لف عليها سليمان:احلى احلى حركات..
ريم : ماتلاحظ اني عطيتك وجه..
سليمان:هذا جزاي الحين..
ريم وهو كاسر خاطرها:لاموقصدي كذا..يعني لاتمون بزياده..

"رن جرس نهاية الفسحه ..وريم بدت علامات الخوف عليها"

سليمان:وش بتسوين الحين؟..
ريم:بدخل معاك الفصل وش اقعد اسوي هنا..
سليمان:يله مشينا للفصل...والله يعيناا..
"مشو ودخلوا الفصل..وكان الفصل فاضي شوي ..
ريم: وين بجلس فيه؟..
سليمان:اكيد بتجلسين ورى..
ريم: طيب اسمع قول لأصحابك اللي تعرفهم زين اني هنا..
سليمان: ناويه تفضحين نفسك انتي..
ريم:عشان يقدرون يساعدوني ويغطون علي..
سليمان: اوكيه انا راح ادبر كل شي وانتي تعالي اجلسي هنا .....وقبل ماتجلس ريم ..
قال واحد من الطلاب : سليمان من هذا اللي معك كأنه جديد..
سليمان يصرف: لاجديد ولا شي هذا واحد من اصحابي وده يحضر معاي ..تكفى نم وانت ساكت وخل اللقافه عنك..
ريم كان قلبها واقف من الخوف وخافت من الفضيحه..

"نادى سليمان اصحابه ...تركي وسعود ونواف "
&&&&&&&&&&&&&&&&&&&&&&&&&&&&&
خلوني اعرفكم عليهم..

"تركي...جميل الابعد درجه ملامحه حاده ملامح خليجيه عيونه وساع وكحيله وخشمه طويل سلت سيف ..وسكسوكته سوداء غامقه محليته زياده وجسمه روعه كان معضل شوي وهو انسان جرئ ومغازلجي بس قلبه طيب وحبوب"

"سعود مملوح .اسمر وحبوب وطيوب وهادي"

" اما نواف ابيض البشره دبدوب وهادي وحيوي(يستحي) ومرره طيب ومسالم"

&&&&&&&&&&&&&&&&&&&&&&&&&&&&&

سليمان: تعالوا ابغاكم شوي.. ودخلوا الفصل وجلسوا ..

خليني اشرح لكم الوضع..
في الاخير جالس سليمان وجنبه ريم وقدامهم تركي وسعود ونواف ..
تركي: خيروش فيك؟..
سليمان:قربوا ....بعد قربوا ..قربوا بعد..بعد اكثر..
تركي : يوووووووه اخلص وش تبي؟..
سليمان : طيب لاتنافخ اسمعوني زين وحطوني على بالكم عدل الموضوع خطير..
نواف بخوف: بسرعه قول تلفت اعصابنا..
سليمان: سمعتوا بالبنت اللي دخلت المدرسه ..
سعود:انشاءلله هذا الموضوع اللي مزعجنا عليه..
سليمان: اقول انت اسكت ..............البنت هنا في الفصل..
تركي بشهقه : وش تقول انت البنت هنا..
سليمان: اقول قصر صوتك لأرفسك هنا..
تركي: طيب وينها وينها..
سليمان : اللي جنبي ..............................وعيون الثلاثه كلهم عليها
ريم: بسم الله الرحمن الرحيم خير وشتبون؟
سعود: والله صدق هذي البنت..
نواف: تركي انت قاعد تشوف اللي اشوفه
تركي: نواف انت مستوعب بنت معانا ووراي بالضبط في الفصل..
سليمان بعصبه: اقول انت وياه جعل عيونكم تنفقع انشاء لله ارحموا البنت شوي شوي عليها..........اقول ركزوا معاي الحين ابغاكم فزعه وابيكم تساعوني وتساعدون البنت..
"شرح لهم سليمان سالفة ريم من اولها لاخرها"
ونحاول انا نغطي عليها لحد ماتصفر الحصه الاخيره اوكيه..
تركي: اقول خلها تجلس جنبي..
سعود: لاجنبي انا احسن..
نواف: اقول لا انت ولا هو تجلس جنبي انا احسن لهاااا..
ريم بعصبيه: خير شايفيني لعبه عندك انت وياه .......اقول ترى انا بنت ناس واصل ومتربيه ولا يجي على بالكم اني من هالبنات ..
سليمان يضحك لانه حافظ الموال..
اقول اسمعوني بلا هبال..الحين علينا رياضيات وخبل ومايدري وين ربي حاطه فيه فاحاولوا تعدون الحصه على خير..

دخل المدرس: السلام عليكووووووووو.
الطلاب: وعليكم السلام..
ريم: مصري هههههههههههههههههههههههههههههههههههاي
سليمان يضحك : خير وش اللي يضحك؟..
ريم: انشاء لله هذا مدرسكم السبيكه (تنكه = خبل = مفهي = مايدري وين ربي حاطه فيه) ..
سليمان: من ناحية سبيكه سبيكه ..
ريم:لا احنا ما يدرسونا مصريات ..كلهم سعوديات وحلوات..
سليمان:ياحظكم ياهالبنات مدلعين..
ريم: وععععععع مادري وشلون متحملينه..
المدرس: فيه ايه ياسليمان انت واللي جنبك....شاغلك عن الدرس ايه..
سليمان: ولا شي استاذ ولا شي..
ريم هههههههههههههههههههههههههههههههههههههههههههههههههه هههااااااااي
سليمان:اقول اسكتي ترى بتفضحينا ..
ريم هههههههه وش اسوي ما اقدر مدرسكم صراحه حفله هههههههههههه
سليمان:خلاص ماودي اضحك ههههههههه ترى بيطلعني برا الفصل اسكتي ..
تركي كل شوي لاف وجهه وسعود كل ماجت فرصه لف عليها ونواف ياعمري عليه يستحي..ويااادوب خلصت الحصه اللي مابغت تخلص واول ماصفرت طلع المدرس على طول الثلاثي المرح لفوا وجيهم عليها..
ريم: اعوذ بالله من الشيطان الرجيم..
تركي: ليه شايفه جني..
سليمان: صادقه والله ماكذبت البنت ..
تركي يهمس لسليمان: اقول وش اسمها ؟
سليمان: ماقالت لي عشان اقولك..
تركي : اهاااا..
سليمان:اقول شباب وش علينا ذا الحصه ..
نواف: اتوقع دين .....وفجأه دخل طالب وبصوت عااالي شباااااااااب شباااااااااااب تفتيش تفتيش..
هنا طاح قلب ريم من الخوف ولفت على سليمان: وش اسوي والله بنفضح وبروح في ستين الف داهيه..
سليمان وهو يفكر ومحتار ومن جد خايف عليها,,:اهدي انتي الحين بسوي فكره دايم نسويها اذا كنا جايبين معانا شي خطير..
ريم: شنووو الفكره..
سليمان :اسمعي الحين هم يفتشون على اللي قدام اول وبعدين على اللي ورى اذا فتشوا على اللي قدام انا راح ابدلك مع واحد منهم ..اوكيه
ريم: طيب اخاف انكشف..
سليمان: لاتخافين لاني راح احوس الفصل حوس وراح اقول لاخوياي يساعدوني بس انتي هدي بالك شوي..
"راح سليمان قال لاصحابه عن الخطه اللي بيسويها "
تركي :اوكيه انا بتفق مع اللي قدام على اساس انو انا وانت توديها بدالي..
سليمان: اوكيه
"دخلوا لجنة التفتيش وبدوا يفتشون ...وتركي متفق مع طلاب الفصل انه جايب كاميرا فيديو وقايل لهم يحسون ترتيب الفصل ويصير الفصل زحمه"
بدا التفتيش في الصف الاول وبعدين الثاني ...وبعدها تركي اشر للطلاب يبدون يحسون الفصل ..
وسليمان بسرعه سحب ريم ووداها قدام ورجع الطالب بدالها ورى مر التفتيش على تركي وسعود ونواف وبعدين سليمان والطالب اللي معاهم ..
وتو اللجنه بتطلع..
"دخـــــــــــــــــــــــــــــــــــــــــــــــ ــــل المـــــــــــــــــــديــــــــــــــــــــــــر[/size]

"الفصل الثاني"
وتو اللجنه بتطلع دخل المدير..
المدير: السلام عليكم..
الطلاب: وعليكم السلام..
المدير فتشتوا زين
اللجنه: اكيد..
المدير: واللي قدام..
"هنا ريم كانت لافه وجهها عالجدار وميته خوف وعيونها غرقانه دموع"
اللجنه: كل شي تمام...
المدير بوجه العبوس: ايه .. زين..
وطلعوا....
تركي وسليمان ونواف وسعود بصوت واحد: اووووووووووه
وقامو كلهم عند ريم..عشان يرجعونها مكانها..سليمان صار قدامها ونواف على جنبها اليمين وسعود على اليسار وتركي وراها..
ورجعت مكانها وهي بتصيح....
ريم: واااااااااااي .. بغى يغمى علي من الخوف...
تركي: شفتو وجه المدير ههههههههههه ..
سعود: ههههههههههه أي والله شفته..
سليمان: كان ودي اقوم واتفل في وجهه ... قهرني..ههههههههه..
وبعد شوي دخل مدرس الدين..
المدرس: السلام عليكم..
الطلاب: وعليكم السلام..
ريم: لااااه الحمدلله سعودي...
سليمان: عاد هذا فله..
ريم: كيف فله..
وقعد سليمان يسولف عليها..
المدرس: سليمان.. شنو عندك اليوم مو من عوايدك تسولف بالحصه..
سليمان: لاسلامتك يا استاذ قاعد ادور دفتري<<<يقطع ام الترقيع..
المدرس: كل هالحوسه والازعاج عشان دفتر..
وكمل المدرس شرح..
ريم: صدق ما تعرف ترقع.
سليمان: اسكتي تراني مو متعود..
ريم: ههههههه شكلك دفره..
سليمان: علمي .. وش تبين بعد..
ريم: خلاص لا يطردك وبعدين ابتلش انا..
تركي لف عليهم: ورى ما تسكتون الحين<<<<<غاير..
سليمان: وش عليك انت لف وجهك بس..
رن الجرس والحمدلله عدت الحصه على خير...
ريم: والحين وش عليكم..
تركي:الحين علينا فراغ يا قلبي.
ريم: قلبت عليك دنياك ان شا الله ..اسمعني زين وحطني على بالك عدل تراني بنت ناس ومتربيه وبنت حمايل لا تحسبني من هالبنات...<<<<معلقه على هالموال خخخخخخخ .
سليمان ميت ضحك..
تركي: وش قلنا عاد..
ريم: قالت قوايلك ان شا الله .. انت وش فيك ما تعقل عني مو نا قصتك والله حاله..
تركي: اعصابك ما تسوى علينا..
سليمان: ايووووه .. زين تسوين فيه يستاهل..
سعود ونواف: كلى تهزيئه محترمه...
كلهم ميتين ضحك الا تركي..
ريم: اقول ما علينا منه .. ان شا الله انتو كذا كل يوم والله طفش..رياضيات ..فيزياء.. كيمياء..احياء..ووووووع مدري وشلون متحملين...؟؟
سليمان: شفتي عاد هذا حظنا كذا عيال العلمي مو مثل الادبي..
سعود: والله ما حد فلها الا الادبي.. تصدقين عاد وهم ثالث ثانوي ما يحضرون حصص وما يهمهم شي..
نواف: اقول اسكت ياللي مسوي نفسه دفره ما تحضر في الاسبوع الا يومين..
والكل يضحك..
تركي: اقول انتي بأي صف..
ريم: انا بثالث متوسط.
تركي: واختك.. بأي صف..
ريم: وش دراك عن اختي..
سليمان: انا اللي قايل له..
ريم: اختي بثالث ثانوي.. وزين ذكرتني فيها بأتصل عليها .. اكيد قلقانه..
تركي: حلو تناسبني....
ريم: ناسبك ابليس..قول امين .. لاتجيب طاري اختي على لسانك كفايه انا ويالله متحملتك..
تركي: واضح متحملتني...ما بقى شي ما قلتيه .. الكل ضحك....ههههههههههههههه...
ريم: سليمان .. ممكن استخدم موبايلك شوي... اتصل على اختي واطمنها اكيد قلقانه علي ..
سليمان: ابشري..دقيقه بس افتحه . وعطاها الموبايل واتصلت على اختها..
جوال رغد يهز بجنبها: وهي حاطه السماعات بأذنها ومنخشه..
رغد: الووو..
ريم: الووو هلا والله وغلا,..
رغد: مين...ريم: انا ريم ما عرفتيني..
رغد: ريم... وش هالرقم..
ريم: بلاك ما تدرين وش صار فيني...
رغد: خير وش صاير ..وش فيك خرعتيني..؟؟
ريم: مصيبه يا رغد . مصيبه..
رغد: يلا قولي خوفتيني...مسكوك المدرسه..
ريم: ياليته على كذا كان انا بخير..
رغد: ترى اذا ما تكلمتي .. بأذبحك قولي يلا..
ريم: رغد.. انا ...... انا......... في ... مدرسة.....
رغد: اقول كلمات متقاطعه...قولي بسرعه..
ريم: خلاص بقول انا في مدرسة عيال دخلتها بالغلط حسبالي مدرستك..
رغد: ايش.. وش قاعده تقولين.. لاتكذبين علي...
ريم: والله يا رغد ما اكذب عليك.. هذا اللي صار..

رغد: طيب انتي وينك وش تسوين طلعتي ولا لحد الان بالمدرسه وما فيك شي..؟؟؟
ريم: ههههههههههههههههههههه خلاص وجع كل هلاسئله؟؟ شوفي انا الحمد لله بخير .. وما فيني شي .... وللحين بالمدرسه وعندي سليمان ومعاه ان شا الله راح اكون بخير وبأيدي امينه...
رغد: وش سليمان هذا.. مجنونه انتي..؟؟؟
ريم: لو عرفتي السالفه عذرتينيى .. وبعدين هذا جواله ولا اقدر اطول وبدز لك مسج اطمنك اوكيه ..
رغد: اوكيه ... مع انو قلبي كان ناغزني..
ريم: يلا باي...
رغد: باي..
وبعد ما سكرت
ريم: مشكور سليمان.. تفضل موبايلك...
سليمان بأبتسامه: العفو...
وصارت ريم تسولف عن مغامراتها وهبالها في المدرسه<<<< انبسطت البنت..
وصار كل واحد فيهم يقول مغامراته وهباله.. ونهاية الحصه السادسه..
سليمان: اقول نواف وش علينا الحين؟؟
نواف يتذكر: اتوقع علينا فيزياء...
سليمان وهو مرتاع: فيزياء.. انت متاكد..؟؟؟
حست ريم انو فيهم شي...
ريم: ليه مرتاع.. مدرس الفيزياء وش فيه؟؟!!
سليمان: هذا المدرس عصبي هره ودقيق بالمره وكان حاقد على الطالب اللي جالسه مكانه وغير كذا انه يطلع الفصل كله يحلون تمارين على السبوره...ومستحيل احد يفكر انه يتلثم في حصته...
ريم بخوف وارتباك: يا ربييييييييه .. وش اسوي الحين خلاص انا راح افك اللثمه ...سليمان ابيك تشوف شكلي يصلح ولد ولا لأ....
سليمان بلهفه: ايه ... ايه
.. اشوف عادي..
ريم تنزل اللثمه وهي متوتره ومرتبكه ومستحيه....هاه وش رايك اصلح ولد ولالأ؟؟؟!!
سليمان يطالعا بتفحص وهو منبهر من جمالها :آآآآآآآآآآآآآآآآآآآآآآآ................
ريم استحت: اخلص علي...
سليمان: والله............وبصراحه.......................... ..ما ادري..
ريم: شنو ما تدري اخلص عطني رايك... ولا اقولك اسأل نواف...
سليمان: اوكيه............نواف ممكن شوي..
نواف: خير....
سليمان: ابغاك بخدمه..
نواف: آمر...
سليمان: ابيك تشوف البنت.. تبي تاخذ رايك بشي..
نواف: ايه وشو؟؟؟
سليمان: البنت بتفك اللثمه تبي رايك فيها تصلح ولد ولالأ؟؟!!
نواف بحماس: ايه ايه اعطيها راي وابو راي اذا بغت..
سليمان: لا ابغى رايك بس .. ما ابغى ابوه..
نواف: يلا وريني...
ريم: هيه بشويش علي تراني استحي...
نواف: يله اخلصي بسرعه...قالت ايش.. قالت استحي..
ريم تضغط على اسنانها من القهر .... بس ما ردت عليه.. وشالت اللثمه..
نواف قعد يطالعها وهو ساكت ما نطق ولا كلمه<<<<مفهي..
ريم: هيه هيه انت بسرعه عطنا رايك..من زين رايك..
نواف: ايه.. ايه.. رايي صح تبين رايي .....آآآآآآآآآآآ ما دري...
ريم: اقول انت الثاني بعد.. شنو مدري .. عطني رايك واخلص..
نواف: اقدر اقول من رايي الشخصي<<<مسوي فاهم.........انك.... ولد....خيكيري....
ريم: الحين هذا اللي طلع معك رايي ورايي الشخصي ومسوي فيها....بس مدام اني ولد يالله..
تركي لنواف: وش تبي منك..
نواف ببرود: لابس كانت بتفك اللثمه وتشوف رايي فيها...
تركي: شنو بتفك اللثمه...!!!
نواف: ايه.... فكتها لف عليها شفها.
لف عليها تركي بقووووه ..... وطير عيونه...
ريم: اعوذ بالله .. ما صدق خبر...
تركي: يطالعها وما رد عليها<<< خاق الولد..
ريم: هيه هيه... انت وين رحت ضايع لك شي بوجهي...؟؟
تركي بغرور: من زينك ومن زين وجهك...
ريم: ما اقول الا مالت عليك بس..
سليمان: اقول ما عليك منه ولا تضايقين عمرك بس..
ريم: الا وش اسوي على مكاني .. انا حاسه انو بيصير لي شي..
سليمان: ولا يهمك معك سبع<<<< واثق..
ريم: وكل شوي يزيد اعجابها فيه اكثر واكثر... رجولته واخلاقه وطريقة كلامه واسلوبه...
تركي: وش بتسوي يا سبع..
سليمان: الحين اقولك وش بأسوي ... شوف نخلي ريم تجلس بينكم..
تكي بحماس: خلاص انحلت تجلس جنبي .. واظمن لكم انو ما يصير لها شي وانا موجود.
سعود: ا احلف يا شيخ .. ولا واخلف بقوووه بعد.. وشو اللي تجلس جنبك وانا وش نا قصني..
نواف وهو مطير عيونه فيهم...: لالا... اقول ما تلاحظون انكم فالينها انت وياه ... اسمعوا البنت ما تجلس الا جنبي...
سليمان: يا حليلكم والله قررتوا.. وخططتوا على كيفكم.. اسمعوا القرار يرجع للبنت فاهمين..
لف على ريم: يله اختاري ... من تبغين تجلسين بين مين ومين؟؟؟
ريم وهي تفكر تناظرهم : ابي اجلس جنب .....آآآآآآ.... جنب وقاعده تنا ظرهم واحد واحد.. وعيونهم عليها...وسكتت من الخوف.
سليمان::يله بسرعه اختاري...
ريم: والله يخرعون وين اروح كل واحد يخرع اكثر من الثاني..
سليمان وهو يطالعهم: صادقه......بس اختاري بسرعه عشان اقولك باقي الخطه...
ريم: اختار اجلس بين..آآآآآآآنواف وآآآآ سعود..
تركي باعتراض : لا والله على كيفها هي... ما يصلح ..
سليمان: شنو اللي ما يصلح .. اقول انثبر بس.
ريم: ايوه سليمان كمل الخطه" وطنشت تركي تطنيشه محترمه"
سليمان: انا بحاول اني احل كل مسأله او تمرين يكتبه على السبوره ولو نص الاجابه على اقل..وانتي ركزي معه زين عسى تفهمين..
ريم: ليه شايفني بقره ما افهم.. صح اني داجه في الرياضيات والعلوم... بس هذا ماله دخل في السالفه ..
سليمان: انا ما قلت انك غبيه انتي اللي قلتي .. وبعدين احنا ما فهمنا عشان تجين انتي فهمين..
ونفذوا اللي قاله سليمان بسرعه قبل لايجي المدرس.........وبعد دقايق....
الدرس : السلام عليكم...
الطلاب: وعليكم السلام..
"ريم في هذي اللحظه بتموت من الخوف إلا ماتت من الخوف"
وبدا يفتش على الواجب.......... ووصل لحد طاولة نواف وفتش على دفتره..وعدى ووصل لدفتر ريم كان سليمان حال لها الواجب وخذاه..ريم واللي جنبها قلوبهم بهالوقت طاحت..
المدرس: مين هذا دفتره..
نواف : هذا دفتري..
المدرس: لاااا نواف هذاك دفترك ... انا اقول من هذا دفتره ؟؟؟
سعود: هذا دفتري...
المدرس سعود دفترك قدامك ... وتركي دفتره عنده..
"ريم طبعا ما تقدر تتكلم لان صوتها مرره نعوم وخافت تنفضح"
المدرس حط الدفتر بقوه على الطاوله وراح يكمل تفتيش ..
نواف بلقافه: استاذ ليش تسأل ...
المدرس: لا بس كنت ابي اتأكد من الطالب لان حله صح ... وفتش على واجب سليمان وراح عند السبوره..
المدرس: مين يحل الواجب....
الطلاب كلهم يشاركون معاه..
المدرس قعد يطالع فيهم .... بعدين طالع تركي وبعده سعود وبعده نواف وطالع ريم ... ريم نزلت عيونها وعرفت ان فضيحتها قربت ..... وفي النهايه اختار ...............................: سليمان يلا اطلع حل الواجب...
كلهم بصوت واحد: اووووووووووووه الحمدلله...
طلع سليمان يحل المسأله على السبوره ونسى نص الحل من الخوف مسكين ...
المدرس: شفيك سليمان مو من عوايدك ..
سليمان: سلامتك استاذ.. بس راسي يعورني شوي..
المدرس: ما تشوف شر ارجع مكانك.... وطلع طالب غير يكمل المسأله .....وعدت نصف الحصه وهم حاطين ايديهم على قلوبهم....
المدرس: يلا مبن يطلع يحل هالتمرين.... جلس يناظر الطلاب وطاح اختياره على :انت يا اللي هنا ذكرني بأسمك.... واطلع حل التمرين..
وقفت ريم وما عاد تحركت ولا تكلمت وتحس انه لراح يغمى عليها ......ساكته ما تكلمت والمدرس يستنى منها اجابه..
نواف وهو مغطي فمه بيده ومغير صوته: اسمي بندر..
المدرس: يلا بندر اطلع حل التمرين....
سليمان حاول يحل المسأله وما بقى الا الاجابه .. لفت عليه ريم وعطاها الورقه وخبتها وراحت لعند السبوره بخطوات متثاقله وكأنها بتطيح ورجولها ما تقدر تشيلها .... ووصلت واخيرا لعند السبوره .. واخذت القلم بأيد ترتجف وغطت ايديها بطرف الثوب عشان ما تبان وبدت تحل المسأله ..... وكتبت (ق)على (ح) ... ووقفت..
المدرس: يا بندر ركز هي (ق)على (ح)؟؟
ريم بون ما تتكلم مسحت وحطت(ح) على(ق) وكملت باقي المسأله وعيونها غرقانه دموع وايد تنتفض من الخوف......... ويوم الاجابه توهقت .. لفت على الطالب اللي قدام واشرت له انه يغششها ... وطلع الطالب طيوب وقالها الاجابه وكتبتها بسرعه وودها ترجع مكانها عسى تحس بالراحه ولامان ... ورجعت وهي تمشي عشان توصل لكرسيها كان الثوب طويل عليها فتعكرت .... بتطيح خلاص ريم خلاص عرفت انها انفضحت قام تركي من مكانه وبسرعه مسكها ووقفها عدل وقعدها مكانها ..
المدرس: خير بندر فيك شي ....
نواف مغير صوته: لا استاذ سلامتك ما في شي...
ريم طلعت شهقه ومن بينها دموع خوف ورهبه ووعدم الاحساس بالامان تلقاها من وين ولا وين ...من بين انها جالسه بين عيال ماتدري وش نظرتهم لها ولا على الكلام اللي ينقالها وعلى انها ما تدري بترجع بيتهم ولالأ ومن ايش ولا ايش....
حس الكل انو هالحصه كأنها عود مو راضي ينبلع ومو راضيه تخلص ساعه الا ربع كأنها سنه الاربع ..

ورن جرس واخييييييييرا وطلع المدرس..
ريم هي تداري دموعها : ياويلي بغيت اروح فيها ... مدري كيف اشكرك يا تركي انقظتني من هالموقف...
تركي وهو مسوي نفسه: لاماله داعي الشكر انا ما سويت الا الواجب ... واي مواطن سعودي يسويها...
سعود: اقول ورى ما تسوقها ... فيلسوف زمانك ... وش أي مواطن سعودي يسويها..
سليمان: تصدقين عاد خفت يوم بغيتي تطحين قلت خلاص طاحت وبيطيح الشماغ ويطلع الشعر وبتنكشفين بس الحمدلله ربك ستر ..
ريم: ايه و الله الحمد لله ... الفضل لله ثم لتركي والله ماقصر الله يجزاه خير...
تركي: تسلمين والله...
نواف يله شباب خلونا نروح نصلي ......
ريم حطت اللثمه ونزلت معاهم..
تركي: ليش حطيتي اللثمه......حسافه..
ريم: اقول اذلف عن وجهي ترى مو رايقه لك كفايه اللي صار لي من شوي..
ونزلو للساحه ويوم وصلو..
سليمان لريم: انتي خلك هنا .. انا بروح اتوضأ وانتي ماله داعي تتوضين ..
ريم: اكيد ماراح اتوضأ وش شايفني غبيه ما افكر..
سليمان: لابس اذكرك ...
راحو لدوراة المياه انتو بكرامه يغسلون للصلاة وريم كانت واقفه عند الباب .. تطالع سليمان وهو يغسل كان شكله مرره حلوكان مرفع اكمامه والمويه تقطر من وجهه وريم زاد اعجابها منه زياده .. وبعد ما خلصو صلاة وكانت ريم معاهم ....طلعوا للفصل.
سليمان لنواف: اقول نوافه وش علينا الحين ...
نواف: اولا اسمي نواف مو نوافوه ثانيا كل شوي سألني عن الجدول ليه شايفني مصري ...
سليمان: لا انت دفره ما شا الله عليك.
نواف: اتوقع ... يمكن ... دين"حديث"
ريم: اقول سليمان هذي اخر حصه تراني مليت ..
سليمان: ايوه هذي اخر حصه ... وبعدين لهدرجه مليتي منا..
ريم : لا ما اقصد كذا ... لاني خلاص ابي اطلع مو قادره اتحمل أي صدمه او أي موقف..
سليمان: لالاعادي. خلاص ما عاد فيه مواقف اللي علينا الحين مصري ودلخ شوي..
ريم: اشوى طمنتني .... ورجعت لمكانها ورى...
نواف: افا ليش رحتي وخليتيني...... كذا يا الخاينه ...
" الكل صار يضحك"
سعود: تصدقين عاد بنفقدك تغير علي الجو يم جلستي جنبي بدال هالخبل نوافوه ..
ريم: حرام عليك نواف مرره طيوب وحبوب..
نواف: ايه قولي له... عاد من زينه ومن زين وجهه مدري وشلون صابر عليه..
" الكل يضحك لان نواف كان شكله مرره يضحك"
ريم: سليمان.... ممكن موبايلك ودي ادز مسج لاختي اطمنها...
سليمان: اوكيه تفضلي.....
ريم اخذت الموبايل وكتبيت رودي انا بخير حبيبتي وهذي اخر حصه ابغاك تتطمنين علي .. ولا تطلعين اذا خلص دوامك"لان دوام العيال يختلف عن دوام البنات" لاني ابيك تمريني في مدرسة مشعل.... اوكيه..
وصلت الرساله لرغد وقرتها وانصدمت انها في مدرسة مشعل بعدين استوعبت ان ريم قالت لها اني دخلت المدرسه بالغلط اكيد عشانها نفس الاسم
وبعدين دزت مسج على جوال سليمان" طمنتي الحمدلله طمنتي قلبي ... وبعدين اشكري لي سليمان مرره لاني حسيت انو من كلامك ولد ناس ومتربي ورجال بمعنى الكلمه وقولي له ان شا الله بيوصله حقه ......
وصل المسج لسليمان.... طالع الرقم : الرقم غريب مدري مين...
ريم: يمكن اختي ... ممكن اشوف..
عطاها الموبايل ..
ريم: هذا رقم اختي وقرت المسج ...... : سليمان تدري وش كاتبه تقول انك ولد ناس ومتربي ورجال بمعنى الكلمه وانو ان ش الله حقك بيوصلك ....
سليمان وهو رافع حاجب: شكلكم من طينه وحده" يقصد يوم المويه وكانت بتعطيه فلوس"
ريم: خواااات وين المشكله....هههههه
سليمان: قولي لها نفس الكلام اللي قلته لك ولا ترى بزعل...
ريم بعفويه: لالا عاد كل شي ولا زعلك ..... وبعدها انتبهت لعمرها..
سليمان قعد يطالعا بنظره هي ما فهمتها... او ما لقت اهل تفسير ... وقطع عليهم صوت المدرس..
المدرس: السلام عليكووووووو...يلا يا اولاد طلعو الحديس" يقصد الحديث"
تركي: قول سليمان وش رايك نطلع ريحته..
سليمان: لالا اعقل .. اخاف يعصب وينزلنا عند المديروالبنت تتوهق معانا..
ريم لاحظت اهتمام سليمان فيها واكيد عجبها هذا الشي وبدت تدخل الجو..." ما شالله عليه جمال واخلاق وادب وثقل ورزانه وحنون بعد .. كامل والكامل الله في سماها ... الله يخليه لاهله "....
ريم: سليمان ودي احط راسي على الطاوله احس اني خلاص بيغمى علي بأرتاح شوي...
سليمان: ايه عادي خذي راحتك..
ريم تحاول تفك الساعه لانها راح تحط راسها على ايدها .. وما عرفت تفكها وتوهقت... لف عليها سليمان
سليمان: وش فيك ..
ريم: احاول افك ساعتي بس مو راضيه تنفك معاي..
سليمان بتردد: طيب عادي اساعدك..
مدت يدها ريم لا ارادي ...وبعدها حست على عمرها بس ما قدرت ترجع ايدها سليمان مسك ايدها وهو يرتجف بيده الالى وحس فيهم بارده.. وحاول يفك الساعه بيده الثانيه بس مو راضيه...مسكت ريم ايده الثانيه عشان تبعدها وتبي تعلمه كيف تنفك.. وصار سليمان ماسك يدها الاولى وريم ماسكه يده الثانيه ... ريم قلبها بيوقف من الحيا وسليمان مرتبك معها ولا عرف وش يسوي......... لف عليه تركي..
تركي: ما شا الله عايشين الجو صراحه..
ريم على طول سحبت ايدها بس سليمان ناسي نفسه وما سكها..
تركي: ياهووووووووه .. فك البنت ... لاتكون لازقه بس..
سليمان انتبه لنفسه وبعد ايدها عنه : هاه وش تقول انت...
تركي: ما اقول الا سلامتك.. خربت عليكم الجو صح..
سليمان مرتبك ويحاول يصرف الموضوع: لابس كنت احاول افك ساعتها بس مو راضيه تنفك..
تركي: طيب وش دخل الأيد الثانيه..<<< يحب الاحراج..
سليمان: اقول قسم بالله لو ما لفيت وجهك لا يجيك كف يلف وجهك عدل ..
تركي: بصراحه الناس دايما تزعل من كلمة الحق ما ادري ليش..
سعود: خير وش صاير ..وش هالصراخ..
تركي: ابد سلامتك يا اخ سعود .. بس للاخ سليمان عايش جو رومانسي وخربت عليهم. هذي كل السالفه..
سعود بلقافه: رومااااانسي... وش صار.. سليمان شنو قالها؟؟ والبنت شنو ردت فعلها؟؟
تركي: بس بس الله يخليك لو هذا امتحان رسبت..
سعود: احمد ربك ماني مدرسك..
تركي وهو رافع ايديه : الحمد لله يارب....
صار الكل يضحك وغيرو السالفه وتركي ما جاوب سعود على اسئلته ..
ريم حاولت تفك الساعه لما انفكت واخيراوحطتها بالدرج...وبعدها حطت راسها على الدرج ... وبعد دقايق غفت غصبا عنها ..جلس سليمان يطالعا ويفكر فيها ولاحظ انو اللثمه شوي وتنفك .. وتوه بعدلها بس خاف تفهمه غلط ... فقرر انه يتركها .. طاحت اللثمه وسليمان ما قدر يبعد عيونه عنها حاول بس ما قدر كان شكلها وهي نايمه مره برئ وباين عليه التعب ورحمها .. لانو اليوم بالنسبه لها اصعب يوم بحياتها ..
كلها لحظات حست ريم بنفسها وفتحت نصف عيونها..شافت سليمان يطالعها وما حس انها صحت.. ريم استحت وكانت تبتسم من داخل ...وفتحت عيونها عشان ينتبه لها ..طاحت عينها في عينه .... على طول سليمان قام يصرف موقفه: كنت راح اصحيك لان اللثمه انفكت<<< ما يعرف يرقع..
ريم تضحك على التصريفه: ايه مشكور...
سليمان: صحيتي ما امداك...
ريم: اصلا ما ارتحت رقبتي عورتني فا قلت اصحى احسن لي...
سليمان: اهااااا.... وسوى انه كان منتبه للدرس وهوما جاب له خبر ..
الثلاثي المرح تركي ونواف وسعود .. وكانو داقينها سوالف وضحك وبعدها لفو على سليمان
تركي: احلى للي منتبه للدرس لو اني مكانك لا ادقها سوالف مع البنت لانها ما تعطي وجه من بينا الا انت..
ريم استحت بس حبت توقفه عند حده: لنت وش عليك مني ان شا الله تبيني اعطيك وجه..
تركي: احد قالك اني ميت عليك .
ريم موصله معها: سليمان خله يبعد عني ترى بقوم واذبحه..
سليمان يحاول يهدي الوضع: تركي اعقل عنها وبعدين وش عليك منها هي حرره
نواف: عشانها معطيتك وجه تقول هالكلام..
سليمان حب يغير السالفه لان ريم من جد بدت تعصب : الا سعود وش فيك ساكت ما اطربتنا بصوتك..
سعود: ابد سلامتك قاعد اتفرج على هبالكم الا تصدقين يا.......... وست الا وش انا ديك..
ريم: نادني رورو..
سعود: الا تصدقين يا رورو راح نفقدك يوم السبت احس اني تعودت عليك.
نواف: حتى انا تصدقين اليوم فله لانك فيه .. احس انه فيه مغامرات ووناسه وش رايك تجين يوم السبت ...
سليمان في نفسه" أي والله اليوم حسيت بماشاعر غريبه من يوم شفتها بس وهي موجوده ... ياولد لايكون حبتها... وهو يحاول يبعد هالفكار من راسه لالا ما اتوقع اصلا مستحيل احبها في يوم وليله أي يوم هي الفتره الي قعدتها معها ساعات ..اجل وش افسر خوفي عليها واذا تكلمت احس قلبي بيطلع من مكانه.. احس اني مبسوط والدنيا مو سايعتني من السعاده ....اخاف انو اعجاب بس.."
ريم: سليمان.. ياهووووووووه وين صار لي ساعه اناديك..
سليمان: هلا وين رحت .. معاك معاك..
ريم: معي.. وين معي بالله ونا صار لي ساعه اناديك ... كنت اقول لك وانت ماراح تفقدني يوم السبت ولا عادي.؟؟<<باعتها البنت..
سليمان: اكيد راح افقدك واشتاقلك بس امرنا لله وش نسوي .. والصراحه احس اني تعودت عليك..
وسكت عشان لو كمل بيفضح عمره.. وكمان عشان ما يحسون عليه الشباب....
ريم سألت تركي نفس الؤال عشان يكون الوضع عادي..
ريم: وانت يا تركي ولا بعدك زعلان....
تركي: ازعل انا ازعل منك... بس لاتنسين تعرفيني على اختك لاني احس انها احلى منك واسلوبها احسن منك يالعربجيه..
ريم: مسكين احلم بس احلم ولا يكون على بالك انو انا واختي من هالبنات اصحى...ترانا بنات ناس واصل ومتربين ... ولا تفكر ان ما عندنا اهل..
ضحك الكل على هالموال اللي كل شوي تعيده..
تركي: الحمدلله غيرت فيه شوي..
سعود: الله يرجك..
والكل يضحك حتى ريم توها تنبه لهذا الموال اللي تعيده عليهم كل شوي ..
ريم: احسن عشان اذكركم اخاف انكم تنسون ولا شي..
سليمان: لاتخافين حافظينه عن ظهر قلب..
وضحكو على من ظهر قلب..
نواف: ومن وين جبتها هذي .
سليمان: الله يخلي المسلسلات هههههه
وراحت الحصه كلها ضحك وفله وهوشات شويه بين ريم وتركي.. بس كان على مزح .. وريم كان ودها تجلس مع سليمان اكثر... ودها تطلع من المدرسه بأسرع وقت لانها خايفه يصير لها شي ........ وصفرت الحصه معلنه نهاية الدوام ونهاية لقاء سليمان وريم ...ونزلو للساحه ...
سعود: رورو بليز اجلسي معانا...
ريم: لاتفلها انت خلاص انا بفسخ الثوب وبرجع بنت طبيعيه .... خلاص اسمعني زين اذا لبست العبايه مو تكلمني كأنك تعرفني خلااااص انسى اني ولد...
سليمان هنا تحطم لانه توقع انه ممكن علاقته تستمر مع ريم بأي شكل من الاشكال..
بس ريم من كلامها قطعت كل خيوط الامل اللي كان موصلها ..
ريم: يله سليمان راح اعطيك ثوبك والبس عباتي ..... وكانت تقول في نفسها" معقوله ما راح اشوفه مره ثانيه والله تعودت عليه"
سليمان بحزن: يله..
ريم وسليمان راحو للمكان اللي لبست ريم فيه الثوب لانها كانت مخبيه مريولها وعبايتها فيه .. اخذت العبايه وعطتها سليمان عشان يخطيها بنفس الطريقه اللي لبست فيها .. وفسخت الثوب ولبست مريول المدرسه وبعدها عطته الثوب اخذت العبايه وتوها بتلبسها
لف عليها سليمان: طيب بتطلعين كذا قدام الطلاب اللي بالساحه..
ريم: صح والله ما فكرت.. اجل البس الثوب على المريول واذا طلعنا برا فسخته
سليمان : ما يحتاج خليه معاك ذكرى..
ريم: مشكور وما تقصر واكيد راح تكون احلى ذكرى بحياتي صح انها متعبه ومرعبه بس بتظل حلوه...
سليمان: اوكيه مشينا ....
كانوا تركي وسعود ونواف يتظرونهم برى ... ووصلو عندهم..
نواف: ما لبستي العبايه ..
ريم: خفت البسها داخل ويصي لي شي على نهاية الدوام عاد.....يعني بعد هذا كله في النهايه اتوهق .. فا قلت البسها برى احسن..
سليمان.. بحزن ما يبي ريم تروح عنه حس كأنه يعرفها من زمان : تعالي نروح مكان بعيد بسرعه عشان تلبسين عبايتك .. اوكيه
ريم: اوكيه يلا..
راحت ريم ولبست العبايه وحطت اللثمه وطلعت عليه..
سليمان: بالعبايه احلى ..
ريم: تسلم عيونك الحلوه..
سليمان صار يطالع فيها وما قدر يشيل عيونه عن عيونها وحتى ريم تطالعه تحس بعيونه كلام .. ما حاولت تفسره.. انها ميته عليه وما توقعت انه راح يميل لها..
ريم انبهت لنفسها ووخرت عينها من عينه وهوحس بعمره ... ورجعوا للشله وهم ساكتين..
تركي: ما صار كل هذا تلبسين عبايه... طولتوا..
ريم تبي تصرفه: انت وش عليك .. ياربيييييه هالولد حاشر عمره بكل شي..
تركي يناظرها بنظرات استحقار .. بس ريم مطنشته..وبعدها..
ريم: سليمان معليش اليوم صدق ازعجتك وتعبتك معاي وانا عارفه انو طلاباتي كثيره بس ممكن اخر طلب...
سليمان: لاعادي وش دعوه ترى كلها يوم في العمر نشوفك فيها تدللي انتي<<<بدى يمون الاخ..
ريم: ممكن موبايلك ابي اتصل على اختي اشوف وينها تأخرت واخاف اخوي يشوفني وبعدها صدق اروح فيها..
سليمان يطلع موبايله : تفضلي..
ريم: زاد فضلك.... واتصلت على اختها..
ريم: الووو رغد وينك.. تأخرتي.."هنا على طول تركي سمعها وسجل الاسم براسه.... بد يفكر رغد والله شكلها عذااااااااب احس انها احلى من اختها متى تجي بس واشوفها."
ريم: يا بنت الحلال .. تأخرتي يله بسرعه اخاف مشعل يشوفني وبعدها وصدق اروح فيها..وتصير فضيحتي بجلاجل.
رغد: طيب خلاص شوي واصله يلا باي..
ريم: باي.... سليمان تفضل موبايلك..مشكور.
سليمان: الحين هي وينها.
ريم: تقول انها قريبه.
سليمان: خلاص احنا بنوقف بعيد عشان محد يشك فينا..
تركي: احلى يا الحريص عليها..
ريم وهي مستحيه: اوكيه... ادري تعبتكم معاي وازعجتكم كمان..
سعود ونواف : تعبك راحه..
صار الكل يضحك لانهم قالوها مع بعض ....." ريم حست انها بتفارق اخوانها .. انو صدق في ناس نيتهم صافيه مثل ما في ناس نيتهم خبيثه. وفيه الصالح مثل ما فيه الطالح وان موكل الشباب او الرجال سوا صح الموقف اللي انحطت فيه موقف قوي وكانت ما تظمن انها تطلع من المدرسه سليمه بس سبحان الله كل شي كاتبه مثل ما كتب لها انها تطيح بين ايدين سليمان الرجال العاقل الفاهم اللي وقف معها يمكن ما نقلى كثير مثله بس موجود"
وهم كمان ما ودهم يفارقونها ويعاملونها على انها اختهم ....
راحو الشباب بعيد عنها وهي واقفه مستنده على الجدار تنتظر اختها وسليمان كان يطالعا طول الوقت ومنجذب لها وبعدها شاف شلة شباب يطالعون ريم واللي ينطل عليها كلام واللي يغازل وهي مطنشه بس سليمان ما قدر يمسك اعصابه وراح لها..
سليمان بعصبيه: ممكن تغطين عيونك .. يعني ما تشوفين الشباب يمرون من عندك ونطلون عليك كلم وانتي عندك عادي ما حركتي ساكن..
ريم بإنفعال: طيب قلي.. ماله داعي الصراخ والعصبيه..
سليمان: يعني تبين اقولك تكفين غطي عيونك عشان خاطري.. الله يخليك..
ريم وهي موصله معها: لا مو كذا فيه اسلوب ثاني اتوقع احسن من هالاسلوب وبعدين وش عليك مني لايكون ولي امري وانا ما ادري<<<من جد موصله معها..
سليمان بهدوء: الحين هذا جزاي اللي كنت خايف عليك..
ريم وهي ذايبه على هدوئه: طيب لو انك جاي ومكلمني بهدوء ما كان صار اللي صار..
سليمان: طيب خلاص اسفين .. وحقك علينا..امري بعد..
ريم غطت عيونها وطالعت سليمان:خلاص وهذا اللي تبغاه سويناه..
سليمان: كفووا والله رورو شاطره اللي تسمع الكلام..
ريم بنفسها" يا حلو رورو من لسانك" وبعدها شافت اختها رغد جايتها وعلى طول راحت لها وحضنتها ورغد احضنت ريم بقووووه تحس انها كانت بتروح منها..
رغد: خوفتيني عليك يالدوبه..
ريم: والله يا رغد ما تصدقين اللي صار لي اليوم حسيت اني راح اموت من الخوف..
رغد: بتقولي السالفه بعدين .. بس كنت قايله لك مالها داعي هالنحشه انتي اللي اصريتي الله يهداك..يله مكتوب لك يا بنت ..كل هذا وعساك تتوبين من هلافكار اللي راح توديك في ستين داهيه ..
ريم: خلاص رغد اللي فيني مكفيني..لاتزودينها علي..
رغد: الا وين سليمان ودي اسلم عليه واشكره...
ريم: شوفيه هناك .. بس اسمعيني لاتجبين له طاري فلوس وما فلوس تراه يعصب..
رغ: يله.. تعالي معاي.
ريم ورغد راحو لعندهم...
وصارت ريم تعرفهم عليها لان معلروفهم اكبر من انو بس تشكرهم.
ريم: هذا نواف..
نواف: اهلين تشرفنا بمعرفتك يا........ الا وش اناديك..
رغد: رودي..
نواف: هلا رودي تشرفنا مره ثانيه بعد التعارف..
رغد: لي الشرف.
ريم: هذا سعود..
سعود: هلا والله رودي كيفك وش اخبارك وعساك بخير؟؟
رغد: اهلين الحمد الله بخير..
ريم: وهذا تركي..
تركي وهو مطير ومركز عيونه عليها : اهلين رودي ...صراحه ما توقعتك كذا احلى من اختك هالعربجيه..
رغد: تسلم اخوي بس شكل رورو موريتك الويل عشان كذا تقول عنها عربجيه..
تركي: والله ما قصرت اختك كفت ووفت ما بقى كلمه ما قالتها لي صراحه اختك شي راعية واجب<<<يطنز.
رغد صارت تضحك على حركات اختها تعرفها زين..
تركي في نفسه" يا لبى هالضحكه يا نااس .. جنان وعونها تذبح..
ريم: واخيرا هذا سليمان..
سليمان : هلا بأخت رورو <<<<مسوي مؤدب..
رغد: اهلين اجل انت سليمان اللي مزعجتني اختي تدمح فيك ساعه<<< فضيحه..
ريم تنغز اختها: رودي ليش تحبين تبالغين وتكبرين الامور..
رغد تبي تصرف المضوع: هههههههه تعرفيني احب ابالغ..
ريم بنفسها" صدق ما تعرف ترقع"
رغد: مشكور وما قصرت وصدق اثبت انك قدها والكلام والله مو قادر يطلع معاي لانك بصراحه انقذت اختي من موقف محد يحسدها عليه ..
سليمان: والله يا رودي ما سويت الا الواجب وعاملتها كأنها اختي واكثر..
رغد: والله كلكم ما قصررتوا ...... مع السلامه .... رورو يلا مشينا...
ريم: يلا .... باي.. مع السلامه وراحت وهي تناظرهم وبالاخص سليمان..
تركي: مع السلاااااااااااامه ... ان شا الله نشوفك يا رودي واختها مره ثانيه ولا تنسونا ... مع السلااااااااااااااامه ...بااااااااااااااااااااي<<<يصارخ.
نواف : يا اخ تركي الناس راحوا ووصلوا اليت وانت للحين تودع...
سعود: يالله مشينا بس صدق راح نفقدها حتى اختها مررره طيوبه..
تركي: ايه اختها صرااااحه احس انها بنت رهيبه..ما ادري ليش...
سليمان بحزن: يله شباب كل واحد على بيته .....مشينا.....
" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــــــــزء الثاني
سليمان: ايه صح تذكرت اني نسيت اغراضي بالفصل بروح اجيبها..
تركي: ابجي معاك..
سليمان: يله..
راح سليمان وتركي للفصل ودخل سليمان يده بالدرج عشان يطلع الكتب اللي فيه وبعدها ناظر الكرسي اللي جنبه وتخيل ريم جالسه فيه وضاق صدره زياده ودخل ايده بالدرج اللي كانت جالسه فيه ريم ولقى ساعة ريم..
سليمان: تركي لقيت ساعه رورو ..
تركي: جد خليني اشوفها..
سليمان: وش تشوف؟؟
تركي: اشوف هي ماركه ولا لأ..
سليمان: والله انك فاضي..
تركي: طيب وش فيك معصب..
سليمان ارتبك: هاه..ماني معصب ولا شي..بس وش اسوي بالساعه..
تركي: خلها ذكرى معك..
سليمان: وانت صادق..
وطلعوا بعدها كل واحد راح لبيته...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&
ركبوا ريم ورغد السياره..
رغد: ريم الحين تقولين لي السالفه..
ريم بطفش: رغد تكفين تعبانه ومالي خلق اتكلم..
رغد: ما علي منك بتتكلمين يعني بتتكلمين وش يصبرني انا..
ريم: طيب معليش كملي صبرك لين اوصل البيت..
رغد: شوفي تراك قلتي لين نوصل البيت مو اذا رجعنا تسوين حركاتك..
ريم: أي بس اسكتي الحين..
ريم سندت راسها تبي ترتاح من مغامره ما خطرت على بالها..صح انها من الشخصيات اللي تحب المغامره بس مغامره عن الثانيه تفرق..
اول ما وصلوا للبيت وبدلوا ملابسهم..
ريم تطالع الثوب وتتخيل سليمان..
رغد: ممكن اعرف وش قاعده تسوين..
ريم وهي مبتسمه: رغد وش رايك بالثوب يجنن صح..
رغد تطالع الثوب: وش فيه غير احس انه عادي..
ريم: اقول اسكتي ما عندك سالفه..
وعلقت الثوب وباسته ودخلته الدولاب..
رغد ذكرت: ريم يله يله الحين تقولين لي وش صار..
ريم: طيب كملي جميلك واصبري لحد ما اقوم من النوم..
رغد: ما علي منك الحين بتقولين لي ..انا وش يصبرني لحد ما تقومين حضرتك..
ريم: اعرفك تحبين اللقافه..
رغد: هذي مو سالفه عاديه هذي سالفه خطيره واللي كانوامعك اخطر.. ما اقدر انتظر اكثر..
ريم: يله اسمعي وش صار..
"وبدت ريم تقول وش صار لها لاختها .. واختها مستغربه من جرئتها"
رغد: بصراحه وقدام الناس وبدون غرور انتي جريئه بقوه..
ريم: عشانك ما جربتي اللي جربته ..تخيلي عيال في عيال وما في ولا جنس ناعم..انتي في هذاك الموقف وش بتسوين ..اكيد راح تشغلين مخك عشان تطلعين من هالورطه..
رغد: انا بس ودي اعرف كيف من وين جتك فكرة انك تنادي واحد يطلعك من الدائره اللي كنتي فيها..
ريم: تصدقين ما ادري وشلون خطرت ببالي..
رغد: ايوه وكملي عن سليمان <<تقولها بدلع..
ريم: سليمان...آآآآه يا سليمان<<البنت تتعذب....تصدقين يا رغد ولا ما تصدقين..
رغد: قولي يا الرومنسيه..
ريم: بصراحه هذاك الرجال شي خطير..تقولين جمال وفيه .تقولين اخلاق وفيه تقولين ذوق وفيه تقولين رزه وخفة دم بعد فيه..
رغد: بس بس كثرتي على الولد..
ريم: اصبري اصبري بعد ما خلصت كلامي..تقولين ثقل فيه وعيون آآآآآه بس جنااااان كل شي كل شي فيه كامل والكامل الله<<ما شا الله
رغد: هو صح جميل واخلاق وكل شي.. بس احسك تبالغين..
ريم: لالا انا ما ابالغ والله لو انك كنتي فيه كان صدقتي..
رغد: اقول لا يكون........"وتقول بصوت رومنسي" حبيتيه..
ريم تستهبل: يمكن..
رغد: قولي والله..
ريك" لالا امزح ما ادري ..بصراحه احس اني حسيت معاه بمشاعر واحاسيس اول مره احسها..
رغد: وش حستي عشان افسر لك احساسك..
ريم: ما ابغى تفسيراتك يا الملقوفه حتى في احاسيسي داخله عرض..
رغد: انا اختك وش فيك..
ريم: هاه الحين اختي والله.. لوابغى منك شي او طلبت منك شي ما وافقتي..
رغد: اطلبي...قولي..امري..تدللي اللي تبين بس قولي..
ريم تصرف الموضوع: الاما قلت لك تركي حاط عينه عليك..
رغد تحمست: وشلون عرفتي؟؟
ريم:انو يوم قلت لسيمان اني بتصل عليك نط بوجهي تركي وقعد يسألني عنك..وش اسمها وش كبرها تشبهلك ولا احلى منك ..ووووووو..
رغد: وانتي وش قلتي له..
ريم: اكيد قلت له اني احلى منك واروع واجمل منك يا الخبله..
رغد: الخبله انتي...لا قولي الصدق عاد..
ريم: يعني وش قلت له ..قلت اعقل عن اختي ومالك شغل فيها..
رغد: لييييييه حرام عليك..
ريم بدهشه: شنو حرام عليك..توك شايفته وما عرفتيه وترحمينه..اجل لو انك عارفته وقاعده معه وش بتسوين؟؟
رغد: اصلا انا من اول ما شفته وهو خاااش مزاجي..
ريم: بلا خاش بلا طالع اعقلي تراك انتي الكبيره..
رغد: يعني لازم الكبيره تعقل والصغيره تنهبل عادي..
ريم: ايه الصغيره مرفوع عنها القلم..
رغد منقهره: ايه بلاك مجنونه يا المجنونه انقلعي عن وجهي يله انقلعي..
ريم: انا طالعه احسن من مقابل وجهك.. " وهي بتطلع " يا المجنونه < وطلعت وسكرت الباب بسرعه قبل لا تلحقها: رغد قعدت تضحك على اختها وخبالها..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان اول ما رجع للبيت وهو يفكر بريم وما قدر يشيلها من باله..
" يا الله هالبنت خذت عقلي وراحت.. بس ما شا الهم عليها جمال وادب.. بس باين عليها اخلاق.. وصح انها في بعض الاحيان احس انها فري شوي.. بس اتوقع انها مضطره سوت كذا.. بس تهبل ..تجنن.. بس ما ادري كيف بوصلها........ايه صح انا اعرف مشاري اخوها انا لازم اتقرب منه بأي طريقه.. على الاقل اكون قربت منها شوي" وبعد ما وصل لهذا الحل حط راسه ونام ويحلم احلام اليقضه<<ولا سيدتي...هئ هئ هئ خخخخخ
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ريم ورغد

على الغدا جالسه العائله..
ام مشاري: ريم..رغد لا تنسون اليوم بنروح بيت عمكم ابو ماجد مسوين عزيمه..
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
راح اعرفكم على بعائله ابو ماجد..
ابو ماجد: يشتغل في نفس شركة اخوه ابو مشاري..
ام ماجد: الام المحبه المعطاة واقرب وحده لام مشاري وكأنهم خوات..
ماجد: الولد الكبير عمره (25) سنه يشتغل مع ابوه وجميل وجذاب وثقل..
وليد: عمره(22) سنه يدرس بالجامعه"ادارة اعمال" حلو وسيم وعيونه مره حلوه والكل يتكلم عنها من جمالها .. وثقل وله هيبته بالمجالس وبس وقت المزح يفلها..ومعروف عنه انه ما يعتذر لو كان غلطان وما يترجى احد..
عبير: عمرها(21) سنه بالجامعه " قسم تاريخ" مهبوله وخفيفة دم وحبوبه وعربجيه وعجااازه وهي من ضمن شلة العرابجه "عبير – العنود –ريم- وفجر بنت عمتهم" ومن ناحية الجمال ما عليها متوسطة الجمال..
العنود: عمرها (17) سنه بثاني ثانوي مرجوجه ومهبوله وام العرابجها ولقبها ام الشباب وهي تعتبر "بويه"ومن ناحية الجمال جميييله جمال طبيعي بس ما تحب تبينه..
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
ريم: يا الله من زمان عنهم..
رغد: أي والله بصراحه اشتقت لهم..
ام مشاري: ما اوصيكم ابغاكم تصيرون جاهزين على المغرب..
رغد: ا نشا الله...

المغــــــــــــــــــــــــرب

ريم ورغد يلبسون...
ريم: رغد ما شفتي ساعتي اللي بابا جابها من لندن
رغد: لا والله ما شفتها..
ريم: يا الله ما دري وين حطيتها..
رغد: تذكري متى اخر مره لبستيها..
ريم تتذكر: اخر مره....اخر مره.....ايه صح اليوم في المدرسه ونسيتها في مدرسة سليمان..
رغد:اها اجل مدرسة سليمان ترى على فكره المدرسه لها اسم..
ريم بدلع: وش فيك غايره..كيفي مدرسة سليمان لتعليم الحب وش عليك مني وقطع عليهم صوت امهم...
ام مشاري: ريم.. رغـــد يله يا بنات صوتي راح من كثر ما ناديكم يله وهذا وانا موصيتكم...
رغد: يمه وش فيك لازم نتكشخ ونتسنع وبعدين نروح وش تبينهم يقولون عنا..
ام مشاري: ايه يله يله قدامي اشوف..
"وصلوا لبيت عمهم وكانوا البنات مع بعض والحريم مع بعض والرجال مع بعض برا"
"كانت ريم لابسه تنوره بنيه قصيره لفوق الركبه وبدي بني وفيه رسمه باللون التركواز وسندل تركواز مره نعوم"
"رغد كانت لابسه برمودا لونها ابيض وبلوزه كت اسود وكتوب عليها بالكرستال وطالعه مره كيوت"
رغد لبنت عمها: عبير حبيتي طفا موبايلي ابغى شاحن..
عبير: يا ربيه فوق والله عجزانه اروح اجيبه..
رغد: طيب عادي باروح اجيبه بس وينه وفيه..
عبير: هو في غرفة وليد..
رغد: طيب وليد موجود..
عبير: اكيد عند الرجال..
رغد: اوكيه انا رايحه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنـــــــــــــد الرجال
ماجد لاخوه وليد: وليد ..وليد قم جب العشا..
وليد: قم انت وش فيك ما تقوم عسى المانع خير..
ماجد: والله مالي خلق وقفه وزحمه وعوار راس..
وليد: يعني احد قالك اني انا لي خلق اوقف في الزحمه..
ماجد: ياخي قم خلاص لا تفشلنا يقولون رجاجيل ولا واحد منهم جاب العشا..
وليد بيأس: بروح امري لله.. جعل ربي ياخذك..
ماجد: انا اخوك تدعي علي افااا..
وليد: لا تتمصلح معي.. عطني مفتاح سيارتك ماني فاضي اطلع فوق اجيب مفتاحي..
ماجد: سيارتي بالورشه..
وليد: يوووه يعني طالع فوق طالع..
ماجد: يله بلا عجز قم..
وليد: لا تنافخ لا اهون واخليك تروح انت..
ماجد: خلاص خلاص التوبه رح يله بس ..
وليد: ايه كذا تسنع..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد كانت فوق ودخلت غرفه وليد وقعدت تدور الشاحن في الغرفه وكانت الغرفه معفووووسه ولا لقته قعدت تدوره يمين وشمال وسمعت احد يفتح الباب..
رغد وهي ما طالعت اللي دخل: عبير ما لقيته تعالي دوريه معاي.. الغرفه مره معفوسه اخوك ما ادري وشلون عايش..
وليد كان ساكت ويطالعها وفاتح فمه" وش هالمزيونه وداخله غرفتي بعد وش تبي.. بس والله من جد تهببببل وعليها جسم جنان شكلها من بنات عمي.من هذي .... معقوله تكون رغد.. والله كبرت وتغيرت . ولااا واحلوت بعد مشا الله"
رغد بعصبيه: عبير يله بسرعه تعالي وش فيـــــــــ
لفت وانصدمت باللي واقف قدامها..
رغد وهي ميته حيا: آآآآآآآآآآآآانا ...على...كنت.....الشاحن....موبايلي..
وليد حس انها مستحيه ولف وجهه عنها :شوفيه على السرير..
رغد طلعت ولا اخذت الشاحن ولا غيره..بعد ما طلعت لف وليد وما شافها وهي تطلع وناظر الشاحن في مكانه اخذه واخذ معه مفتاح السياره ونزل وراح لعند البنات..
وليد: عبـــــــير تعالي...."وراحت عنده..
عبير: خير وش تبي..
وليد: عطي الشاحن رغد..
عبير: وانت وش دراك انها تبي الشاحن...
وليد: بلا لقافه وعطيها الشاحن وانتي ساكته" وطلع"
عبير ما فهمت وش السالفه..
عبير: خذي الشاحن جابه لك وليد..
رغد ارتبكت: وليد...جابه..الشاحن..
عبير: وش سالفتكم انتم..
رغد تصرفها: لا انا كنت طالعه للغرفه وصادفته وقلت له اني ابي الشاحن ونزلت وما اخذته بس هذي السالفه..
عبير: اهاااا
رغد في نفسها" يا ربيه وش هالفشيله وش يبي يقول عني داخله غرفته واحوس فيها ولا واحش فيها بعد صدق اني ما استحي"
ريم: رغد ..رغد..رغدووووووووووه..
رغد: نعم نعم وش تبين..
ريم: صار لي ساعه اناديك وش تفكرين فيه..
رغد: وش اللقافه..
ريم: افا.. وانا اللي اقول لها كل شي ومتحمله لقافتك تقولين لي الكلام..
رغد: خلاص لا تزعجينا ..اقولك بعدين..
ريم: اهم شي انك تقولين لي..
رغد: ايه هذا اللي فالحه فيه اللقافه..
ريم: طالعه عليك..
رغد: بسم الله علي منك
ريم: اقول اقول اسكتي وللي يعافيك..
راح وليد لعند الرجال ونسى العشا من الصدمه وجلس جنب ماجد وهو فاتح فمه <<مفهي..
ماجد: خير انشا الله ورى وجهك منقلب ولونك رايح..
وليد:................
ماجد: ياهووووووه.. يا عرب اكلمك انا..
وليد: يا اخي ضف وجهك من زينك ومن زين وجهك لا تكلمني..
ماجد: خير وش قلت احترمني لا اكوفنك هنا..وش سالفتك ..طيب على الاقل سكر فمك..
وليد: هاه.. ايه...لا ...فمي..
ماجد: لاحوول انت وش شارب وين رحت كل هذا مفتاح بعدين جبت العشا..
وليد بفهاوه: العشا..اي عشا..
ماجد: لا الولد بنوديه يقرون عليه هيه انت اصحى..
وليد: انا قايم اجيب العشا احسن من مقابل خشتك مع السلامه..
ماجد: الحمدلله والشكر...صدق العقل نعمه..
وليد في السياره ورايح مع افكاره" يا الله معقوله هذي رغد مو معقول من يوم كانت صغيره وهي حلوه ويوم كبرت طلعت احلى ويني عنها من زمان خذت عقلي يا ناس من اول نظره"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــد البنات

ريم: والله بنات مشتهيه رقص وردح من زمان ما رقصت..اقول عبير قومي جيبي لنا مسجل خلينا ننبسط..
عبير: والله صادقه...خلينا نغير جو.."وراحت"
العنود: يله بنات تراني من جد تحمست وش رايكم نستهبل صح..
ريم: يله نورينا..ترى من زمان عن الهبال ... وناظرت رغد وضحكت..
رغد: ما تتوبين ابد ههههههه..
العنود: عندي فكره جهنميه..
ريم بحماس: قولي يله ترى لقافتي ما تخليني اصبر..
العنود: ولا اقول اصبري شوي احسن..
ريم: العنود بلا سخافه قولي بسرعه..
رغد: قولي لها ترى بيجيها جلطه وتموت علينا..
العنود: خلاص بقول لكم<<ما بغت.....الفكره هي......هي.......هي..
ريم: قسم بالله اذا ما تكلمتي ترى بأقوم واحوسك...اعصابي تلفت..
العنود: خلاص يمه خوفتيني..وش رايكم نلبس ثياب وشمغ ونرقص ونستهبل مثل الشباب..
ريم: يا عيييييني والله خطير هوانا اقول طالعه على مين اثري عليك..
رغد: في هذي صدقتي..
عبير: هاه بنات جبت المسجل...
العنود: عبير الله يخليك كملي معروفك وجيبي ثياب وشمغ حقت وليد وماجد..
عبير: من جد بنلبس ثياب..
العنود: ايه افرحي يله بس قومي جيبيهم..
عبير: والله توني طالعه وما راح اطلع فوق مره ثانيه..
العنود: خلاص بقوم يا السودانيه..
راحت العنود وجابت الاغراض..
ريم: يا الله وناسه ماني مصدقه..
رغد تتريق عليها: لا حبيبتي صدقي صدقي والله خبله"وتهمس لاختها"ما كفاك اللي صار اليوم...
ريم بلع: لا حبيبتي ما كفاني..
رغد: خبله من جد خبله مخ ماكوووو..
ولبسوا البنات وشغلوا المسجل وعلّو عليه اخر شي وبدا الهبال والرقص وطبعا لا يخلو من الهزا بالناس..
ريم: عبير تتذكري ولد خالتك كيف يرقص..
عبير: هههههههه تصدقين ذاك اليوم بس اضحك ما سكت ابد وركبت السياره وانا ماسكت وجا من بكره واتذكر واقعد اضحك عليه ههههه..
صراحه رقصه تحفه شي..
ريم: هههه ياريته موجود معنا عشان اضحك عليه...
عبير: ريم ريم تكفين قومي قلديه..
ريم ماصدقت خبر:من عيوني" وبدت تقلده وترقص مثله والبنات متسدحين من الضحك..
سمعت رغد الباب يندق..
رغد: عبير الباب يندق قومي شوفي مين..
عبير: بكيفهم خليه يدق لما يمل ويروح..
رغد: خير وش هالاسلوب وين عاشين..
عبير: يا اختي اللي يبي شي يدخل ولا لايدخل احسن له..واذا حابه قومي افتحي الباب انتي..
رغد: صدق ما تستحين على وجهك هذا وانا ضيفه عندكم تأمريني..
عبير:والله ما حد قالك تصيري ذربه..تبن تفتحين افتحي ما تبين كيفك.. وخليني ارقص بس..
رغد ما تحملت وراحت تشوف من عند الباب..فتحت الباب وهي لابسه الثوب ومتلثمه بالشماغ<<يا عيني على العيون..
"ملاحظه جدا هامه انهم ما يتغطون عن اقاربهم بعض الاحيان يتلثمون والبعض الاخر يتحجبون ولبسهم يكون ساتر واذا كان لك عليه شوي لبسوا عباياتهم"
رغد فتحت الباب:...................<<منصدمه
وليد:......................................<<بعد هذا منصدم..
رغد:آآآآآآ ..تبي شي انادي احد..
وليد: لا مابي شي بس ما شا الله هزيتوا البيت بمسجلكم هز..قصروا عليه شوي..
رغد: بس هذا اللي تبيه..
وليد يبي يطول السالفه:لا ابغى شي ثاني..
رغد تطالعه: وش الشي الثاني...
وليد وهو يطالع عيونها: انتي ريم ولا رغد..
رغد ملت: لا رغد..
وليد: طيب وش عندكم لابسين الشمغ والثياب لايكون بس ثيابي..
رغد تصرف: لا هذولا انا جايبتهم معي..
وليد فلها: ما شا الله متجهزه هههههههه..
رغد انقهرت: والله انا حره اسوي اللي ابي..
وليد: طيب انا ما قلت شي يزعل..
رغد وصلت معاها: تبي شي ثاني..
وليد:آآآ ايه..ابي شي ثالث..
رغد: خير...
وليد: الخير بوجهك..
رغد في نفسها" شكل الاخ مطول"
عبير تصاخ: رغد ما صار...من عند الباب..
رغد: هذا ..هذا..
قاطعها وليد: اسمعي لا تقولين لها انه انا..
رغد : وليه انشا الله..
وليد: بس كذا خذي العشا وديه المطبخ..
رغد: ما تلاحظ انك تمون بزياد علي..
وليد: بنت عمي وكيفي..
رغد: شنو كيفك احد قالك اني اشتغل في بيتكم..
وليد: لا بـــــــــ
قطعت عليهم عبير تصارخ: رغدوووه وجع انشا الله احاكيك من ساعه وما تردين علي ليش..
رغد تبي تفضحه: لا بس اخوك وليد ناشب ما ادري وش يبي..
عبير: وليد عندك خليني اقوم اوريه..
وليد: اقول الحق على عمري ازين...رغد مع السلامه..
رغد: ما شا اله يمون العم ولا بعد جرئ
ودخلت وسكرت الباب..
عبير: وش ذا النشبه..
رغد: انتي واخوك ما شا الله طينه وحده..انتي تأمريني من جهه واخوك سلامة قلبه من جهه ثانيه..
عبير: ليه وش قالك؟؟
رغد: يقول لي وبكل جرئه ودي العشا للمطبخ..
عبير تبي ترفع ضغطها: ايه عادي وش فيها..

رغد وصلت معاها: اقول انقلعي انتي واخوك النشبه تراها وصلت معاي..
عبير: ههههه يا حلوك وانتي معصبه..
رغد ما قدرت تمسك نفسها وضحكت: هههههههههههه
وكملوا البنات السهره ..رقص هبال وردح واكل<<<شي اساسي...وبعدها رجعوا لبيتهم وناموا على طول...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الخميس العصر

الساعه ثلاث ريم ورغد جالسين بالصاله عند التليفزيون..
رغد: ريم حبيبتي اختي...وش رايك تقومين وتسوين لنا كوفي نروق عليه..
ريم: قولي للخدامه..
رغد: لا الخدامه ما تعرف قومي انتي..
ريم تفكر: والله شوفي بما اني محسوبه عليك اخت وبما اني طيبه وحنونه بقوم واسوي لك..
رغد: طلعتيه من عيني قبل لا اشربه..
ريم: احسن عشان ما تتهنيني فيه..
رغد ترمي عليها الخداديه: قومي بس يا النذله..
ريم: ههههههه "وراحت المطبخ"
رغد منسجمه مع التلفزيون ورن موبايلها
........:الووووو
رغد: الووووو
.......:الاخت رودي..
رغد: ايه نعم خير اخوي..
.......: انا انا سليمان اللي بالمدرسه..
رغد: سليمان ال(.....) عرفتك هلا والله..اخوي بغيت شي..
سليمان: لا سلامتك بس حبيت ا قول ان ساعة رورو معاي لقيتها بالمدرسه..
رغد: اووه ساعة رورو معك يا عمري عليها بتموت عشانها..
سليمان: لهدرجه غاليه عليها..
رغد: واكثر..
سليمان: بس كيف راح اعطيها الساعه..
رغد:شو فانا بعطيك رقم موبايل رورو وانت تفاهم معها..
سليمان في نفسه"وجت من الله":اوكيه اختي ارسليه لي..
رغد في نفسها" لا الولد من جد مستعجل": اوكيه برسله الحين باي..
سليمان: باي..
دخلت ريم..
رغد: عندي لك خبر يا ريم بمليون..
ريم بدت اللقافه تشتغل عندها: ايه وشو؟؟؟
رغد: توقعي من المتصل علي..
ريم: مين!!
رغد: فكري....
ريم: عبير...
رغد:لا..
ريم: العنود..
رغد: كمان لا...
ريم:اجل وليد..
رغد: كمان لا..
ريم: ترى اذا ما قلتي لي بذبحك بسرررعه مين!!!
رغد: لا فكري شوي..
ريم: رغد ترى اليوم بأرتكب فيك جريمه قولي لا اذبحك..
رغد: بقول خلاص....اللي متصل هو.....هو.....هو....
ريم: قولي بسرعه تعبت..
رغد: رحمتك والله ...بقولك اللي متصل هو سليمان..
ريم نقزت من مكانها: كذااااااااابه...سليمان...مستحيل..مومصدقه كيف وشلون وليش ومتى وش قال وش قلتي له وش السالفه بسرعه تكلمي..
رغد: عمى كل هاالاسئله اقول مريني بكره..
ريم: والله ما تتحركين من مكانك لما تقولين لي كل شي و بالتفصيل الممل ..هذا سليمان يا قلبي..
رغد: بدينا....اسمعي السالفه..
"قالت لها السالفه"
ريم: وعطيته رقمي..
رغد: ايوه يا قلبي..لا تموتين علينا..المفروض تشكريني وتحبين على راسي..
ريم: والله تستاهلين..
رغد: سبحان الله يغير وما يتغير قلب ريم من العربجه والدفاشه الى الرقه والنعومه سبحانه...
ريم: عشانك ما جلستي معاه..
رغد: بصراحه ما تنلامين شايفته مزيون يقطع القلب..
ريم:آآآه بس ذكرتيني بأيام الخوالي..
رغد: الخوالي...من وين جايبتها شكلك شايفه فلم مدبلج..
ريم: تصدقين ما ادري من وين طلعت هالكلمه بس اكيد هذا تأثير سليمان طلعها..
رغد: ايه سليمان غيرك 120 درجه مئويه..
ريم: رغد تتوقعين بيتصل علي الحين..
رغد: احتمال..
ريم: ما قال لك متى بيتصل..
رغد: اثقلي يا بنت ولا تصرين مرجوجه..
ريم: والله ما اقدر..
رغد بجديه: اسمعي عاد مو يلعب بعقلك ويفر مخك فرتين وتروحين فيها..كل شي استشيريني فيه وفتحي عيونك وعقلك مو قلبك فاهمه..
ريم: ا نشا الله لا تخافين علي...

"نـــــــــهــــــــايــــــــة الـــــــــبــــــــــــــــارت"

الجزء الثـــــــــــــــــــــــالث

ريم تنتظر اتصال سليمان بفارغ الصبر مشتاقه تسمع صوته وكلماته ولحنانه وخوفه عليها ومشتاقه لشكله وجسمه وطوله وعيونه وكل شي فيه...

عنـــــــــــــــــــــــد سليمان

سليمان: واخيرا حصلت رقمك يارورو .. ياربييييييه.. ااه بس لو تدرين قد ايش اشتقتلك..والله من جد حبيتك وخذتي روحي وعقلي وقلبي بيوم واحد..ياليتك بس تدرين قد ايش وحشتيني....
"طبعا كل هذا الكلام يقوله في نفسه ووده يقوله لها..بس مستحيل يتجراء ويقولها لأنه مايدري هي تبادله نفس الشعور ولالأ"
سليمان: ابتصل عليها واتوكل على الله

"واتصل عـــــــــــــلى ريم"

ريم كانت متحمسه وماسكه موبايلها وتناظره <<<<<<<خبله.. تنتظر سليمان
يتصل عليها وكانت سارحة بعالمها ..وقطع عليها نغمة الموبايل........
ريم بخوف :أكيد هذا رقمه يمه يمه قلبي خلاص بيوقف من الخوف ..
وقالت بصوت ناعم :الوووو....
سليمان كان يتظر ها الصوت من زمان ..من جد اشتاق له:الو هلا والله وغلا..
ريم وجها احمر من الحياء:هلا فيك ..
سليمان : رورو كيفك ؟!!..
لا ريم في نفسها يا حلو رورو من فمك : الحمد الله بخير: بس ماشاء الله
تذكرت إسمي ..
"سليمان في نفسه .. ليه هو أنا نسيتك لحظه": ....أكيد راح أتذكره
لاأنك أمس معاي بالمدرسه ..
ريم : أهااا كيفك إنت وش أخبارك وكيفك تركي وسعود ونواف ..
<<<<<<<<<<الأخت طاقة الميانه مع الشباب ....
سليمان : الحمد الله بخير ويسلمون عليك ..
ريم : الله يسلمك ويسلمهم ..
سليمان : إلا رورو ترى ساعتك معي أنا قلت لأختك قالت لك
ريم: ايه قالت لي..
سليمان:طيب كيف راح اوصلها لك!!؟؟
ريم:سهله.. ولا تنسى ترى معك ام الافكار<<<<<<<واثقه
سليمان:يـله نورينا ست رورو..
ريم: شوف اروح اليوم الفيصليه ونلتقي هناك في مكان معين وتعطيني الساعه..وبس.شفت الذكاء ياشيخ..
سليمان وهو مبسوط على هبالها: ايه شفت ذكائك بسم الله عليك عبقريه..
ريم: حضرتك تتطنز علي ..
سليمان: لا حشى انا اطنز على رورو.. اصلا انا ما اقدر عليك..
ريم: ايه اشوى تسنع احسن لك..
سليمان: يمه تخوفين....
ريم : ايوه ما قلت لي وين راح نلتقي فيه..
سليمان: المكان اللي يعجبك..
ريم: ترى انا ما قلت اعزمني انا قلت وين نلتقي.
سليمان: والله عارف بس حبيت انه انتي تختارين المكان..
ريم: ايه مدامه كذا اوكيه.. وش رايك بستار بوكس الفيصليه...حلو كذا..
سليمان: اختيارك اكيد راح يكون ذوق يا اميرة الذوق..
ريم: اقول ما تلاحظ اخ سليمان انو كل شوي تزيد جرعة الكلام الحلو.. لايكون نسيت الموال عشان اذكرك فيه..
سليمان: والله حافظه وبسمعه لك ؟!! اسمعي" تراني بنت ناس واصل ومتربيه ولا تحسبني من هالبنات "
ريم:ههههههههههههههههههههههههههه شاطر عشره على عشره مع نجمه..
سليمان في نفسه"يالبى هالضحكه ياناس بتجنني فديتها:الا ماقلتي لي أي وقت؟؟؟
ريم: الوقت اللي يعجبك..
سليمان: طيب وش رايك الساعه تسعه ونص...
ريم: اوكيه ..عال العال..
سليمان: تامريني بشي
ريم: لا سلامتك..
سليمان: يله مع السلامه<<<<<<<<مابغى
ريم:مع السلامه
اول ما سكر سليمان .. ياحبي لها هالبنت خذت قلبي وعقلي وجننتني.... اقول خليني اتجهز واتكشخ من الحين

ريم:هالولد مادري وش اسوي فيه صوته عذاااااااااااااااااااب ..بغيت اخق عنده ..ياريبيييييه يجنن هالولد .. ماني قادره اصبر للساعه تسعه باروح البس واكشخ من الحين.

رغد دخلت على ريم بغرفتها: الاخت شاقه الخشه ..اكيد حبيب القلب متصل.. يله قولي وش قال وش قلتي بالتفصيل الممل ..
ريم: الا تعالي يا قلبي وياعمري ويا احلى اخت بالدنيا ... وشلون طلعت الفكره منك. انو تعطينه رقمي اخبر ان مخك مقفل ..
رغد: انا مخي مقفل الشرهه مو عليك الشرهه علي اللي ساعدتك ورحمتك وحنيت عليك.. وقلت اختي حرام تتحطم .. وفي النهايه هذا كلامك..
ريم: يابعد قلبي انتي انا بدونك وش اكون وش اساوي وش اصير..
رغد: صيري اللي تبين بس قولي وش صار..
"ريم قالت لرغد وش صار بينها وبين سليمان"
رغد: اكيد راح اروح معك..
ريم: ما يبيلها كلام .. يله قومي وتجهزي.
رغد: من الحين
ريم: ايه انا بروح من الحين..
رغد: ثقلي ثقلي يا مرجوجه وش بيقول الولد عنك البنت ماصدقت خبر من العصر رايحه..
ريم: والله متحمسه اشوفه ما كأني شايفته امس ولا دوام كامل.
رغد: الحمدالله يارب ... الله لايبلاني ولا يبلى المسلمين قولي امين..
ريم خذت المخده ورمتها على وجه رغد: اطلعي برا.. وجعل ربي يبلاك بواحد يجننك.. ان شا الله..
رغد تضحك: ابطلع ابطلع تجهزي من الحين ما اوصيك ترى سليمان بيطير منك. وطلعت وسكرت الباب ..خافت لايجيها شي اعظم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

الساعه ((9))

ريم جالسه تستنى رغد في الصاله : رغدوووووووووووه وجع ما صار تاخرت
رغد وهي نازله: أي تأخرنا .. الحين الساعه(9) والفيصليه قريبه مو بعيده..
ريم: لازم استعد نفسيا.
رغد: يله مشينا قبل لاتموتين علينا ...................وطلعوااا

في الســــــــــــــــــــــــــــــــــــــوق

سليمان كان ينتظرها من الساعه (( Cool

) <<<< الاخ مستعجل

ريم: رغد.. رغد شوفيه جالس هناك وااااااااااااااااااااي يهبل .. يجنن..
رغد: اثقلي يا الخبله فشلتينا .. وبعدين اتصلي عليه سوي نفسك ما شفتيه..
ريم: صادقه خليني اتصل عليه..

رن ......رن........سليمان: الووووووو
ريم : الو هلا والله سليمان وينك انت الحين؟؟!!!
سليمان: انا جالس استناك..
ريم: اهااا خلاص شفتك انا جايه الحين..بااااااااي.
سليمان: باي
"ريم كانت لابسه عبايتها وحاط لثمه ورغد نفس الشي"

وصلواا عند طاولة سليمان

سليمان: هلا والله برورو .... وهو يطالع فيها.
ريم: اهين... وفي نفسها"ياربيه كاشخ يجنن ناوي يجلطني هذا"
رغد: اهلين سليمان
سليمان: اهلا............تفضلو<<<<<يمون الاخ
رغد تهمس لريم : يمون العم...............لا احنا مستعجلين.
ريم: ليه وش ورانا<<<<فضيحه
رغد تنغز ريم: اسكتي انتي
سليمان: اوكيه هذي الساعه...
ريم اخذت الكيس : مشكور سليمان وما قصرت تعبناك معانا.. بس لو تدري قد ايش غاليه عندي...
سليمان: العفو ما سويت الا الواجب..
رغد: لا من جد يعطيك العافيه سليمان وجمايلك دين علينا..
سليمان: وش دعوه اي دين واي خرابيط .. انا ما سويت شي
ريم: تصدق سليمان شكلك بالبدله احلى من الثوب<<<<<<<< البنت راحت فيها
سليمان: تسلمين..عيونك الحلوه وانتي اليوم طالعه احلى..
ريم: لا يا عيوني شكلك نسيت الموال انا بنت ناس وحمايل ومتربيه وماني من هالبنات فاهم..
سليمان ميت ضحك: ما تنيسن هالموال..
ريم تضحك: انا بدون هالموال ما امشي..
سليمان في نفسه"فديت هالضحكه"
رغد: ايه عاد ترى عطلنا الرجال اكيد مشغول..
سليمان: لاما عطلتوني ولا شي وش دعوه..
رغد: حتى انا بعد مشغولين عن اذنك رورو يله مشينا..
ريم: مع السلا مه سليمان..
سليمان: مع السلامه رورو..
وفي نفسه"شكل هذي اخر مره اشوفها فيها" ومشو البنات وهو يطالعهم

ريم ورغد تمشوا شوي في الفيصليه بعدين رجعو البيت..
ريم فتحت الكيس: يالله تصدقين يا رغد .. وحشتني ساعتي يوم واحد ما قدرت اعيش بدونها..
رغد: زين انك لقيتيها..
ريم تشم الساعه: رغد تصدقين ريحتها...
رغد: وش ريحتها..
ريم: قلبي...قلبي بيوقف..
رغد: وش فيك..
ريم: ريحة عطر سليمان في الساعه..
رغد: الحمدلله والشكر يارب.. هيييه انتي تراك خبله..
ريم: ياحلو ريحته وياحلوه هوبعد..<<<<<البنت عايشه الجو..
رغد: ريم..ريم..ريــــــــــــم..
ريم:........................................
رغد: ريــــــــمــــــــوه وصمخ..
ريم:خير نعم وش تبين ..تحب تنكد عالواحد..
رغد:عدلي اسلوبك وانتي تكلميني..قلناحبي معليش..بس موتقلبين عليناا..
ريم:طيب اسفين وش فيك انتي...قدري اني اليوم شايفه سليمان..
رغد:وخير ياطير شفتيه وبعدين..الحمدلله والشكر بس..
ريم:انتي عشانك ماتحبين ماتقدرين..
رغد:لاااه اللي يسمعك يقول جوليت ..اقول انثبري بس..
ريم:تحبين تخربين عالواحد..الاوش تبين ريم ريم ساعه ....خير؟..
رغد: ايه صح نسيتيني انتي وسليمانك وش كنت ابي..
ريم:ايه اخلصي علي عشان احلم احلام اليقظه..
رغد:كنت بقولك اني بكره بروح للهنوف تجين معي..
ريم:بكره مااظن ..زي مانتي عارفه بكره جمعه والناس مشغوله وبعده دوامات وعندي اختبار وساره احتمال تجي عندي ويمكن خالتي وبنتهااا..
رغد:بس..بس عورتي راسي..وجع موجزلاهم الانباء..
ريم:لابس كنت بقولك بكره وش بيصير..
رغد:خلاص هونت مابغاك تجين معي ..
ريم:يكون احسن ..وفرتي علي..
رغد:اروح لغرفتي احسن لي من مقابل وجهك ..احلمي احلمي احلامك اليقظه..
ريم:عالاقل احلم بوجه سليمان..مو وجهك..
رغد:نامي ..نامي بس ....وطلعت وراحت لغرفتهاا..
خليني اتصل عالهنوف اقولها اني بكره بجيها..
رغد:الوو..اهلين هنوفه..
الهنوف:هلاوالله وغلا وينك ماتصلتي علي..
رغد:هلا فيك ..ابد سلامتك كنت بالفيصليه وتوني راجعه..
الهنوف:وليش ماقلتيلي اجي معاك..
رغد بتصرفها:والله ماجاعلى بالي..
الهنوف:اهاااا..
رغد:الانسيت اقولك ترى بكره بجي عندك..
الهنوف: جدوالله واخيـــرا ..الله ونااسه من جد فلللله..
رغد: يابعد عمري انتي..
الهنوف:تسلمين..
رغد:يله الحين اتركك تنامين..تصبحين على خير..
الهنوف:وانتي من اهله..
رغد: باي حبيبتي
الهنوف: باي ياقلبي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&
عنـــــــــــــــــــد سليـــــــــمان

سليمان: لامستحيل اخلي البنت تطير مني انا لازم اصادق خوها مشاري خليني اتصل عليه عالأقل اكون قريب شوي..
سليمان: الو اهلين مشاري ..
مشاري: مين.... سليمان.. هلا والله وغلا وينك ياخي من زمان عنك مغبر..
سليمان: هههههههههه والله الظروف زي ما نت عارف ..بس من جد وحشتني..
مشاري:عاد انت بعد مالك لاحس ولا خبر..
سليمان: ولا يهمك بنشب لك لين تقول هونت يا ابن الحلال اذلف عن وجهي
مشاري:لا وش دعوه انت اخوي وصديقي وعزيز وغالي
سليمان: تسلم تسلم..الا وش رايك بكره نلتقي
مشاري:اوكيه بكره نتفق وين نطلع ..
سليمان: اوكيه أإجل ما طول عليك تامرني بشي
مشاري: لاسلامتك
سليمان:مع السلامه
مشاري: مع السلامه

مشاري: يالله هالولد بصراحه ذوق واخلاق وادب ماشا الله عليه

************************************************** *******************
الجــــــمعـــــــــه"المغرب"

رغد: ريم تعالي ساعديني ابي اختار لبس بسرعه ما ابي اتا خر على الهنوف
ريم: جايه ..جايه
رغد:وش رايك البس فستان قصير ولا تنوره
ريم:انا اول البسي فستان احسن تطلعين مره نعومه
رغد:طيب اخضر ولا اسود مع ابيض
ريم: اممممممم اخضر احلى
رغد: اوكيه تسلمين يا بعد دنيتي.

رغد لبست فستان اخضر قصير لحد الركبه ومن فوق سيور ومخصر على جسمها ومن الخصر في شريطه بالذهبي ..طلعت مرره كيوت وحطت شريطه ذهبيه على شعرها وسوته "بف" ..وطالع شكلها ولا اروع.. ولبست سندل مرره نعوم ولبست حلق ذهبي وساعه ذهبيه وطلعت مــــــــــــــــــــــلاك

رغد تناظر نفسها في المرايه : صدق اني اهبل مو يا ريم
ريم: الا صدق طالعه تاخذين العقل بس لو يشوفك..........
رغد: لو يشوفني مين ..
ريم تبغى تقهرها: لو يشوفك الوليد عريس الغفله ..ما تردد لحظه عشان يخطبك...
رغدعصبت :اقول من زينه لا تذكريني فيه ...
ريم: حرااااااام عليك وش فيه وش ناقصه ..جمال واخلاق ودين وش تبغي اكثر ولا بعد يتلزق فيك..
رغد: ريم اعقلي عني ترى من جد مالي خلقك..
ريم: هههههههههههههههه يحليلها تعصب بسرعه
رغد تدور شي ترميه عليها
ريم :خلاص خلاص والله باعقل ... بس من جد انتي ملاك ..
رغد: ايه هذا الكلام اللي يفتح النفس ويشرح الخاطر....
ريم: يله تراك تاخرتي..
رغد: وانتي الصادقه...
نزلت رغد شافت مشاري يستناهااااا
مشاري: رغد ما صار كل هذا تلبسين عطلتيني
رغد:يله هذا انا جاهزه..
مشاري يطالعها: كل هالكشخه عشان صديقتك
رغد:ايه.. واذا ماسويتها عشانها اسويها عشان مين ..
مشاري:احلى يا الصديقات .
رغد: يله. يله.. امش امش هذا اللي فالح فيه انت واختك الطنازه
مشاري: هههههههههههههههه حتى ريم الخبله تتطنز عليك وش قالت؟؟
رغد: شكلك مطول خلينا نركب السياره وانا اقولك كل شي.. حبيبي انت.
مشاري : رغدوووووووه شايفتني بزر تلعبين علي ..
رغد: مين......انا.... انا... العب عليك اقول اش ترى البنت تنطرني من ساعه..
مشاري:يله......لاتنهبلين علينا

ركبوا السياره

دق موبايل مشاري
مشاري:هلا والله سليمان..كيفك .............ايوه وين نلتقي ......التحليه.........اوكيه باي

رغد: من كنت تكلم؟؟؟
مشاري: هذا سليمان(ال........) تتذكرينه..
رغد بصدمه: سليمان ...... هذا سليمان ما غيره
مشاري:ايه سليمان ليش وش فيه....
رغد بربكه:هااااااه......لا ما في شي.....بس يعني من زمان عنه...
مشاري: ايه والله من زمان عنه ...بس هو امس متصل علي وقال وده يقابلني....
رغد بخوف:ليش وش يبي منك ؟؟؟؟؟
مشاري : عادي ما يبي شي ....بس تعالي ....انتي وش قصتك؟
رغد توهقت: انا ..لا.. مافيني شي .. بس مستغربه..
مشاري: اهااااا
رغد في نفسها"لا يكون هذا يبي يقول لمشاري عن ريم ....لالا ماتوقع يسويها... يمكن ليش لا ...بس احس ان سليمان رجال فاهم وكبير وعاقل وما اتوقع انه حقير ويقول لمشاري...بس لو قال لمشاري الله يعينك ياريم وما اقول الا الله يستر من الجاي..."

وطول الطريق تفكر في اختها وخايفه عليها..
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
خلينا تنكلم عن الهنوف
(الهنوف صديقة رغد الروح بالروح من ايام التمهيدي ولحد الان مع بعض في نفس المدرسه والفصل ..
الهنوف بنت جميله وفيها شي يجذب بشخصيتها وهو اسلوبها مرررره محبوبه من الكل واللي يطالعها يحس ببرائه في عيونها )

بـــــــــعـــد دقــــــــــــــــــــا ئـــــــــــــــــــــــــــــق

وصلو بيت الهنوف

الهنوف: هلا وغلا بنور الدنيا هذي كلها ..
رغد بحيا:هلا والله وش عندك مع كلام العسل..
الهنوف: ابي اتعود على الرومنسيه شوي ..
رغد: انتي رومنسيه طول عمرك..
الهنوف: ايه هين صدقت....بس الله يسلمك على المجامله..
رغد:ههههههه يا حبي لك بس
الهنوف :تراني اذوب ههههههههه
رغد: ههههههه عادي احطك بالفريزر تجمدين<<<<<<<<بايخه خخخخخخخخخخخ
الهنوف: حلوه بس لاتعيدينها..
رغد: يعني شنو بضل واقفه عند الباب..
الهنوف: تصدقين ماهي شينه......ههههههه تراني امزح.. تفضلي البيت وصاحبة البيت تحت امرك
رغد: تسلمين وكلك ذوق...
الهنوف: وش رايك نجلس بالصاله...
رغد: اوكيه عادي ما عندي مشكله..
الهنوف: يله

وجلسوبالصاله وقعدوا يسولفون وقهوه رايحه وقهوه جايه <<<<<<<<سعوديات

الهنوف: انا بروح ياقلبي المطبخ وبجي واعتبري البيت بيتك...
رغد: ما يحتاج تذكرينني اكيد باخذ راحتي ...<<<<<مصدقه عمرها

وخذت رغد الريموت وقعدت تقلب في القنوات ولقت اغنية احمد الشريف"سهران معاك الليله" وقامت بترقص عليها لانها اغنيتها المفضله.................وسمعت صوت الباب ينفتح...توقعته ام الهنوف ....لفت على الباب وانصـــــــــــــدمـــــــــــــــــت............. .......................... ........؟؟؟؟؟؟؟؟؟؟؟؟؟؟؟؟؟؟؟؟؟

" نـــــــــهــــــــــــــــايــــــــة الـــــــــبـــــــــــــــــــــــارت

[size=21]الجــــــــــــــــــزء الـــــــرابــــــع

سمعت صوت الباب ينفتح وتوقعته ام الهنوف لفت على الباب وانصدمت..

رغد في نفسها"تـــــــــــــــــركــــــــي..
تركي قرب من عندها وماعرفها...يالله من هالملاك اللي قدامي ....يلعن العيون تذبح ولاالجسم يشق الراس شق..
تركي حب يستهبل عليها:هلا انتي من مشجعات المنتخب...<<<عشانها لابسه اخضر
رغد من الصدمه: ...........................................
تركي قعد يناظر عيونها وهي تطالعه ....هذي وش فيها تناظرني كذا اكيد معجبه فيني<<<احلى يالوااثق
رغد انتبهت لعمرها وماتدري وش تسوي اختبصت ومشت لقدام وبعدين هونت ورجعت لورى ....
وبعدين لفت على تركي وقعدت تناظر فيه ....والله انه مزيون ..بس توهقت وين اروح..
تركي وهو كاتم الضحكه: ويقول في نفسه"ياحليلها والله انها خبله .......بس تشبه وحده بس مدري من هي؟..
تركي: اقول يالسعوديه بزياده ترى المطبخ من وراك ..
رغد عصبت وتقول في نفسها "هذا بدال مايروح يقول روحي انتي..لا وجالس يناظر فيني صدق مايستحي على وجهه."
وتوها بتروح المطبخ طلعت عليها الهنوف:رغد معليش تأخرت ..............تركي وش جابك الحين وبعدين ليش واقف..
تركي مرتبك:كنت بروح آخذ لي غرض..
الهنوف بعصبيه :طيب تحرك..
تركي :خلاص هونت بطلع يلا عن اذنكم ...فرصه سعيده ياسعوديه.....وطلع..
رغد:صدق اخوك مايستحي على وجهه..قليل الادب مع احترامي لك يالهنوف ..بس من جد قاعد يطالع فيني ولا تحرك ولا حاول يلتفت يمين شمال يستحي عللى دمه شوي.....وانا ياعمري على حالي ماعاد ادري وش اسوي بنفسي ....اروح يمين بعدين ارجع اروح يسار وهو جالس يتفرج علي ويضحك ..ولابعد يهزء وفيني ويفشلني..<<<<البنت مسكت خط ..
الهنوف بصوت عالي :رغد بـــــــــــــــــــــــــــــــس..
رغد سكتت..
الهنوف تضحك :وش فيك خلاص حصل خير..
رغد:سوري الهنوف بس اخوك رفع ظغطي..
الهنوف:تركي ماتعرفينه مع البنات ماعنده تفاهم..
رغد:طيب انا في بيتكم..
الهنوف:هومايعرف انتي في بيت في سوق في مطعم كله واحد.....ماعليك منه..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي:" يالله هالبنت شويه عليها جنان تاخذ العقل والله الهنوف اختي تعرف تختار..بس من جد تشبه وحده مدري مين..بس اليوم انشالله بمسك الهنوف وتحقيق معاها لين اعرفها..بصراحه البنت لقــــطه.."
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

سليمان:اهلين مشاري..
مشاري :هلاوالله..كيفك وش الاخبار؟..
سليمان :الحمدلله بخير...بصراحه تغـــــيرت..
مشاري:احلويت صح...
سليمان: لا انتفخت..ههههههههه
مشاري:ههههههههههههههه ادري وانا قاعد احاول اخفف وزني..
سليمان:ايه الله يعين..الا اخبار اخوك مشعل؟..
مشاري:الحمدلله بخير وهو مع اخوك بنفس المدرسه صح..
سليمان:ايه مع محمد بنفس المدرسه

"وصاروا يسولفون"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

رغد رجعت للبيت...
رغد:السلام عليكم..
الكـــــل: وعليكم السلام..
ام مشاري: هلا والله برغوده..انشالله انبسطتي ..
رغد:اكيد راح انبسط مع صديقه عمري..
ام مشاري: ايه الله يخليكم لبعض...بصراحه عشره عمر من يوم كنتوا صغار وانتو صديقات..
رغد:آمـــــــــــــــــــين..
ريم: هلا والله رغدوووه..
رغد:اهلين ريمووه..
ام مشاري: بديتوا تتهاوشون..
رغد: لا يمه الحين ندلع بعض..
ريم ونتغزل في بعض..
ام مشاري:الله يرجكم اقوم اشوف ابومشاري احسن لي..
رغد:روحي شوفي حبيب القلب..
ام مشاري:هههههههه الله يقطع سوالفك يارغيد جوزي عني..ترى ماني فاضيه لك..
رغد:ههههههههههه ياحليلها امي تستحي..
ريم:اقول اقعدي سولفي علي..
رغد:قبل لا اسولف ماتلاحظين مشيعل اخوي صار لنا كم يوم موشايفينه..
ريم:وانتي الصادقه صارلي ثلاث ايام ماشفته..

دخــــــــــــــــل مشـــــعل...
ريم:حكينا بالقط جانا ينط..
مشعل يستهبل: نيو ..نيو.. وش تحشون فيني..
رغد: ابد سلامتك ..بس نقول صارلنا كم يوم ما شفناك مشتاقين لك..
مشعل: ايه اشوى..تصدقين عاد..من زمان ماشفتكم..عشان كذا ايامي سعيده..
ريم: هذا جزانا ..
مشعل: لالاامزح امزح..وش اخباركم ياخواتي..
ريم ورغد: الحمدلله ياخونااااااااا..

"وصاروا يسولفن مع بعض شوي..وبعدين طلعوا لغرفهم"

ريم: رغد ماقلتي لي وش سويتي انتي والهنوف ..
رغد: صح ماقلت لك وش صار ؟؟
ريم طبعا اشتغلت اللقافه عندها: وش صار
رغد: اليوم شفت شخص ما يخطر على بالك
ريم: مين يلا عاد بسرعه
رغدك توقعي
ريم:اممممممممممممممممممم والله ماادري قولي منو؟؟
رغد تستهبل: شفت......شفت........سليمان
ريم: سليمان!!! كذااااااااااااااااااابه
رغد: لاصديقه
ريم : سليمان ولا صديقه
رغد :لا صديق سليمان
ريم: اي واحد
رغد: اتوقع انه تركي
ريم: تركي!!
رغد: ايوه
ريم: هذا اللي اقولك حاط العين عليك
رغد حست بشعور غريب لما تذكرته:بجـــــــــــــــــد هذا اللي تقولين ..ياحليله....وسكتت.....
ريم: رغد.......رغــــــــــد........رغيــــــــــــــــ ــــــــــد
رغد: هاااااااااه
ريم: حبيته على طول
رغد: وش هالكلام حبيته وما حبيته .... اول مره اشوفه واحبه
ريم: طيب وشلون شفتيه؟؟؟
"رغد قالت لريم الموقف اللي صار لها"
ريم: اجل انخطبتي
رغد: اقول بلا سخافه
ريم: جد تراه راعي استهبالاااات
رغد: فور دمي... يا ثقل دمه
ريم: ثقيل دم بس حبوب<<<<<<<البنت عندها خبره

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

فـــــــــي بيت الهــــــــــــــــــنوف

تركي في غرفته راقد على السرير يفكر باللي شافها اليوم "ياربيه هالبنت مو راضيه تروح عن بالي ... ليه افكر فيها طول الوقت.. لايكون ياولد تعلقت فيها ..اقوول خلني اروح للهنوف واستفسر منها كل شي ؟؟!!!
راح غرفة الهنوف
تركي يدق الباب..
الهنوف : مين؟!
تركي: انا....
الهنوف :تفضل..
دخل تركي الغرفه...
الهنوف: خير وش تبغى؟؟1
تركي :الخير بوجهك حبيبتي
الهنوف:مداام السالفه فيها حبيبتي...ولا بعد جاي غرفتي اكيد فيها مصالح..
تركي:أي مصالح واي خرابيط .. يعني حرام الواحد يقعد مع اخته ويسولف شوي..
الهنوف: لا مو حرام بس خلصني ابغى انام وراي بكره مدرسه ..وزي ما نت عارف انا بثالث ثانوي..
تركي: خلاص قلتي سيرتك الذاتيه كلها..
الهنوف: اخوي.. حبيبي.. ادخل بالموضوع على طول بدون لف ودوران..
تركي: انت قاعده توصفين بيتكم..
الهنوف:ههههههاي بايخه..
تركي: الا اقول هنوفه اختي من اللي كان عندك اليوم..
الهنوف: يا اخي قول كذا من الاول .. قل انك بتسأل عن البنت.. ليه وش تبي فيها؟؟
تركي:لا بس مجرد سوال
الهنوف: انتبه وهذا انا احذرك صديقة عمري ابعد عنها..
تركي: طيب انا وش قلت اسأل عنها بس......طيب وش اسمها؟؟
الهنوف بقلة صبر: اسمها رغد..
تركي : رغد ايش؟؟
الهنوف: ليش ناوي تخطبها؟؟
تركي يبغاها تتكلم: أيـه
الهنوف بفرحه: بجد انت تتكلم ولا تمزح...
تركي: لا مو اكيد بس افكر.. يله قولي اسمها وكل شي عنها؟؟
الهنوف:اسمهارغد ال(...................) ومعي بنفس المدرسه ونفس الفصل كمان وش بعد.... وعن الوصف .. بسم الله عليك قزيتها قز... وش تبي تعرف عنها بعد؟؟؟؟
تركي: طيب عندها خوات؟
الهنوف: ايه عندها اخت وحده اسمها ريم واخوانها اثنين مشاري ومشعل.
تركي بصدمه: مشاري ال(.........) اخوها..
الهنوف: ايه ليش تعرفه؟؟
تركي على طول جا في باله رورو" سليمان قايل لي أن مشاري اخوها وان مشعل اخوها يدرس معنا بنفس المدرسه اللي ادرس فيها ..واكيد انها هي والدليل انه دلعها رورو ودلع اختها رودي وهذا الشي بحد ذاته يأكد .. بس انا لازم اتاكد زياده"
الهنوف: تروك وصمخ.........
تركي: نعم وش تبين؟؟
الهنوف : ساعه اناديك وين رحت لايكون تفكر في صديقتي تراني اغار عليها..
تركي: انتو ياذا البنات عندكم حركات مدري وش تبي.. فيه بنت تغار على بنت..
الهنوف: ايه لا يكون غاير منا ؟؟
تركي: وش علي منكم ..الا بسألك اخر سؤال؟؟
الهنوف: انت ما تلاحظ انك فاتح معي محظر تحقيق..
تركي يتطنز: ايه علميني عاد عشان اخطب صديقتك وتصيرين انتي وياها بنفس البيت وتلعبين معاها وتاكلين وتروحون السوق مع بعض... شفتي الفله..
الهنوف: قم .. قم.. قاعد تلعب علي تحسبني اصغر عيالك..
تركي: الا على طاري العيال وبعد تصرين عمه من جد فله احد يناديك عمتي الهنوف
الهنوف: ترى وصلت معي قل سؤالك واخلص؟؟
تركي: يعني مو سؤال واحد هم اثنين..
الهنوف: ايه استعجل ترى راسي بدى يصدع..
تركي: السؤال الاول... هي وش يدلعونها؟؟
الهنوف: الحين هذا سؤالك البايخ..وش لك بدلعها
تركي: انتي جاوبيني وبس..
الهنوف: يدلعونها رودي..
تركي في نفسه" اكيد انها هي ":طيب اخوها مشعل يدرس بأي مدرسه؟؟
الهنوف: اظن وعلى ما اعتقد انه بنفس مدرستك بس هو متوسط مو ثانوي..
تركي من الفرحه: يــــــــــــــــــــــــس
الهنوف: الحمد لله والشكر وش عليه مبسوط..
تركي: وش اللقافه اعوذ بالله يالبنات ما ينعطون وجه .. الشرهه مو عليك الشرهه على اللي جالس معك..
الهنوف بصدمه : ااه يالنذل اطلع برا لااقلب عليك الغرفه خذت اللي تبي وبعدين تسب فينا هاااه.. هين مره ثانيه اللي يعطيك وجه لو تموت ما حاكيتك..
تركي: عااد انا اللي ميت عليك نامي واخمدي نامت عليك طوفه يا الدافوره
الهنوف وصلت معا وقامت تصارخ: تــــــــــــــــــــــــــــــــــــــريـــــــــ ــــــــــــــك .. اطلع برى لا احرق فيك البيت..
تركي:يا حليلها تشب بسرعه..
الهنوف توها بتقوم عليه الا طلع وهو يضحك..
تركي دخل غرفته وهو يضحك على اخته الي طلع وجهها نار على طول تشب بس ما علي منها .. اجل يا رورو طلعتي ريم ويا رودي طلعتي رغد..بس رب خير من الف ميعاد اليوم احلى صدفه بحياتي ..رغد ماشا الله ايه من الجمال واخلاق بعد بس هم يمكن فري شوي بس عادي اعدلها بعدين<<<<<<<ليه سياره...
وانا اقول وين شايفها فيه ومتعب عمري تشبه احد الحمد لله طلعت تشبه اختها ريم... وينك يا سليمان متى يجي بكره عشان اقولك وش صار معاي والله البنات فـــــــــــــــله...

الجـــــــــــــــــــــــــــــــــــزء الخــــــــــــامـــــــــــــــــــــس

[size=21]ورجعوا طلاب المدارس ... كل واحد على بيته..

ريم: اوووووووف المدرسه قرف في قرف..
رغد: شويه قرف ولااااا مع هالحر تقولين كاننا في قدر كاتم..
ريم تضحك : هههههههههه حلوه هذي قدر كاتم ههههههههههههه
رغد: ريم الحمدلله وش فيك شكل جتك ضربة شمس.
ريم: لا بس تخيلت اشكالنا نغلي في القدر .......
رغد: هههههههه الحمد لله على صغر عقلك .
ريم: يا ربيه متى تجي الاجازه ونفتك..
رغد: وانتي الصادقه .. يله ماودك تبدلين ملابسك ..
ريم: لاودي اقعد شوي بعدين ابدل..
رغد: براحتك.

"طلعت رغد لغرفتها وبدلت ملابسها واخذت لها شور وبعدين انسدحت على السرير ترتاح.."
رغد: يالله مادري ليش كل ما جابوا طاري تركي .. احس بشي غريب.. بس من جد هو ملاك ياخذ العقل ..صح انه ثقيل دم شوي.. بس جماله ما يرحم ... خليني انام عساني احلم فيه<<<<< البنت داخلة جو ..
ريم جالسة عند التلفزيون :. يا الله ها القنوات ما فيها شي يفتح النفس .. أقوم أروح أبدل وأنام أحسن لأني تعبانه حدي ..
طلعت ريم غرفتها وبدلت ملابسها وانسدحت وقعدت تفكرفي سليمان ...:
يا ترى هو يفكر فيني ولا ما أهتم أصلا .. يا ترى يحبني مثل ما أنا احبه ولا مادرى عن هوى داري .. أقول عورني راسي من كثر التفكير .. وتلقينه والله مايدري عني ولا عن أم جابتني ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&

"نــــــــــــروح لـــــــــعـــــــنـــــــــد ســـــــــــــــلــــــــيــــــــــــمـــــــــــ ـان "

سليمان : أووووف هالحر ما يرحم شوي ونقلب شاورما ..
محمد : وإنت الصادق .. وخصوصا في الفصل ياخي أنكتمنا اليوم من الخياس ..
سليمان : إيه عاد .. إنتو يا المتوسطة بزارين ..
محمد : أبو سلوم .. أعقل عاد ترى ماني بزر عندك ..
سليمان يبغى ينرفزه :أنا قلت إنك بزر قلت المتوسطه بزارين ..
محمد : وأنا يعني من عيال الثانوي .. أنا من عيال المتوسطة وأفتخر ..
سليمان : أعصابك لاينط بوجهك عرق .. أقول رح غرفتك أحسن لك ..
محمد : يكون أحسن ..
سليمان : حمود .. تعال تعال أبيك شوي ..
محمد : خير ..
سليمان : حمود إنت إخوي الصغير ورحمتك وقلت حرام أقسى عليك وتنجرح ..وتزعل وبعدين تبكي عند أمك ..
محمد : الحين مناديني إنت وجهك .. عشان تقولي هالكلام ..لكن الشرهه
موعليك الشرهه على اللي يفكر يقعد معاك ..
سليمان : حمود وش فيك أمزح معاك ..
محمد: تكفى يا خفيف الدم لاتمزح مره ثانية لأني خلاص بموت من الضحك من خفة دمك ..
سليمان:ما عليش بعديها لك ..
محمد : تبي شي ولا أروح .. تراني تعبان حدي ..
سليمان : أيه أبغي .. أبي أسالك سؤال ؟!!
محمد : أسأل ؟!!
سليمان : تعرف مشعل ال...........اللي بثاني متوسط ..
محمد : إيه أعرفه ليه تسأل ؟!!
سليمان : هو مزيون .. <<<<< الولد خربها ..
محمد : وش عليك مزيون ولا لا..
سليمان : خلاص سحبنا السؤال ..
محمد : الحمد الله وشكر يارب ..و هذا أخوي الكبير وتفكيره كذا.... أجل أنا
ماينشره على بشيئ ..
سليمان : تقلع هناك ترى من جد محد رايق لك إنت وثقالة دمك ...
محمد : يكون أحسن ..
سليمان : أووووف هالولد ما ينوخذ منه لا حق ولا باطل .. أقوم أبدل أحسن
لي لأني قرفان من نفسي ...
طلع فوق وتروش وبدل ملابسة وأنسدح <<<<<<<<الكل نفس الحركه ...
سليمان : آآخ يا ريم خذيتي عقلي ورحتي ومسك موبايله وقعد يطالع رقمها ..
ودى أرسل لها رساله .. رساله وحده ما تضر "أرسل لالا ..أخاف
تزعل .. الحمد الله ليش تزعل عادي رساله ... بس بأي صفة أرسل لها ..
ياربيه أرسل ولا ما أرسل ؟!! ... أجرب أرسل رساله وحده ..وأشوف ردة فعلها
بس الخوف تحسبني قاعد العب معها .. والله يا ريم ماني العب وإني صادق بكل شي ..
بس وش بيقنعها .. شكلي برسل وأتوكل على الله ...
وأرسل لها ....
لقيت إسمك على صوتي .
لقيتك دايم قبالي ....
اشوفك حلم ..واحلم بك حقيقه يانظر عيني..
وانا واحد مشيت الدرب بديت احقق امالي...
لقيت اغلى زماني.... وانت من الدينا تكيفيني..
على فكره الشله فاقدتك<<<<<<على باله بيخفف شوي

************************************************** *****************
نروح لعند ريــــــــــــــــــــــــــــــم <<<<الله يعين

ريم سمعت نغمة الرسايل..
ريم:يا الله ظهر خير.. من هذا اللي ما عنده المروق والفاضي اللي قاعد يرسل لي تلقينه عبيروه هذي حركاتها..... اخذت الموبايل وقرت الرساله .. المرسل سليمان ..
ريم في البدايه انبسطت وبعدين صحت على عمرها ..
هذا الحين بأي حق يرسل لي الظاهر يحسبني لعبه عنده يلعب عليها.. افا يا ريم الولد يحسبك من البنات اللي بايعين انفسهم.."وخنقتها العبره" هذي اخرت سوالفك الولد راسلك رسايل حب وغرام.. ياربيه وش هالمصيبه اللي انا فيها .. " وقعدت تصيح" والله لو يدري مشاري والله يخلي راسي بمكان وجسمي بمكان ثاني.. يا ربيه كله مني ومن حركاتي البايخه.. بروح عند رغد تطلعني من هالورطه..
وطلعت من الغرفه وهي تبكي..
ودقت الباب على رغد..

رغد: يالله من هالمزعج اللي ماعنده ذوق يدق الباب الحين.. مين...
ريم وهي تبكي: رغد افتحي الباب بسرعه..
رغد: يمه... اختي.. "وراحت وفتحت الباب"
ريم دخلت الغرفه على طول ضمت رغد وهي تبكي...
رغد: يمه ريم وش فيك.. امي فيها شي.. ابوي فيه شي.. تكلمي..
ريم: لا ما فيهم شي انا اللي فيني..
رغد: يا عمري يا اختي وش فيك تبكين .. وش للي مكدر خاطرك قولي .. انا اختك..وحبيبتك. ريم تكلمي..
ريم: سليمان ... يا رغد ..سليمان..
رغد: وش فيه سليمان..؟؟
ريم: خذي الموبايل واقري..
رغد اخذت الموبايل وقرت الرساله.. وبعدها حبت تهدي اختها شوي..:الحين هذا اللي مزعلك..
ريم:ايه مفتكرني من هالبنات اللي ما يخافون ربهم.. وضايعه سمعتهم بالوحل..
رغد: ماعليك منه .. ولا تزعلين عمرك احقريه ولا تردين عليه. ولا تحسبين له حساب..
ريم: بس هو كيف وتجرا وارسل الرساله.
رغد: اكيد يبغى يشوف انتي من هالبنات ولا لأ...
ريم: هين يا سليمان اوريك..
رغد: لاتزعلين عمرك ولا تضيقين خلقك ولا تفكرين حتى بالموضوع .. طنشيه وعديها..كانه واحد ارسل رساله بالغلط.. بعد عمري انتي. والله حسافه فيه هالدموع..
ريم هدت : رغد.. انا والله من دونك ما اقدر اعيش انتي اهلي وناسي واحبابي كلهم..
رغد : وش دعوه الاخت لاختها.. تعالي معي .. نامي عندي اليوم..
ريم تبوس اختها: الله لايحرمني منك..
رغد: ولا يفرقنا عن بعض .. روحي الحين غسلي وجهك وصلي ركعتين.. واقري الاذكار.. ونامي وعيني من الله خير..
ريم ابتسمت لاختها وراحت:"والله يا رغد لو تطلبين عيوني والله فداك مو بس عيوني ..روحي بعد.. الله لايحرمني من عطفك وحنانك.. يا احلى اخت بالدنيا"

وبعدها نامت بحضن اختها وهي تحس بالامان بقربها وكأنها امها مو اختها...

بعدها ريم طنشت الرساله وماعاد فكرت في سليمان تحس انها كرهته وما تطيق تسمع سيرته...

مر الاسبوع ثقيل روتين واحد.. امس مثل اليوم مثل بكره لا جديد ولاشي مثير..
لحد ما جاء يوم الاربعاء فرحت الطلاب كأنوه عيد بالنسبه لهم ..

رغد: اوووووف ما بغى يجي الاربعاء احس انه هالاسبوع شهر..
الهنوف: وانتي الصادقه وهذا واحنا غايبين يوم الاثنين وثقيل..
رغد:ايوه وش مشروعاتكم اليوم..
الهنوف: اكيد بيجتمعون اهلي وخلاتي وعماتي بالبيت .. ؟؟
رغد: والله انا وريم مخططين نجمع البنات في بيتنا نقعد نشوف المباراة..
الهنوف: اليوم فيه مباراة..؟؟
رغد: ايه ولا بعد الهلال والنصر..
الهنوف: الله وناااااااااسه.. بس المشكله البنات اللي بعمري ما يحبون هالسوالف وهذا اللي يقهرني..
رغد: تعالي عندي والله راح تنبسطين فله وبنات..
الهنوف: والله ودي .. بس امي ما راح ترضى وصعبه اجيك واترك ضيوفنا واروح..
رغد: ايه والله صعبه وفشله بعد..
الهنوف:خلينا منهم الحين ... بشتاقلك اليومين اللي بيجون ..
رغد: تشتاقلك العافيه حبيبتي.. تسليمن والله..
الهنوف: بشريني بالنتيجه..
رغد: ابشري ان شا الله الهلال 7 والنصر صفر.
الهنوف: عاد هذي قويه .. قولي 2-0 ايه ممكن اصدق..
رغد: لا ابغاهم كلهم ياسر القحطاني وسامي الجابر ونواف التمياط..
الهنوف: ومحمد الشلهوب و بعد طارق التايب وتفاريس..
رغد: خلاص من بقيتي..
الهنوف: هههههههه بس من جد شكل المباراة مشوقه..
رغد: صادقه والله...

"" وبعدها كل وحده راحت على بيتها""

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

عــــنـــــــــــــــــــــــــد ريــــــــــــــــــــــــــــــــم

ريم: سوير تعالي عندي اليوم.
ساره: اولا معاك الانسه ساره مو سوير .ثانبا وش عندكم اليوم..
ريم: والله يا انسه سوير .. عندنا جمعة بنات نشوف مباراة الهلال والنصر..
ساره: اهااااااا. بصراحه افكر..
ريم: اقول تعالي بلا سخافه ..
ساره: لا معليش ريوم... ما اقدر اليوم بنطلع مزرعتنا .
ريم: وانتوا كل ويك إند تروحون مزرعتكم غيروا شوي...
ساره:تعرفين عاد الشياب لازم يقابلون الغنم والرعيه..
ريم: هههههههههاي حلوه هذي الرعيه..
ساره: ولا يهمك الاسبوع الجاي عندك.
ريم: انا ما صدقت يجي هالاسبوع عشان استنى الاسبوع الجاي..

"" وكملوا سوالف لحد ما صوت على كل وحده .. وكل وحده راحت على بيتها""

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

عـــــــــــــــنــــــــــــد سليمان وتركي

تركي : ابو سلوم اليوم وش مخططاتك..
سليمان: والله انا اليوم معزوم..
تركي: ومن اللي عازمك..
سليمان: واحـد
تركي: ادري انه واحد اجل وحده..
سليمان: مشاري..
تركي مصدوم: بتروح مع مشاري..!!!
سليمان: ايه وش فيها ؟؟!!
تركي: طيب في البيت ولابرى..
سليمان: لافي بيتهم..
تركي:. صدق انك اناني ليش ما تاخذني معك عسى اشوف حرمتي..
سليمان: وانت كل شي تبي تصير معي..صدق انك نشبه.
تركي: افااااااا وهذا وانا صديقك..
سليمان: صديقي على عيني وراسي بس الرجال ما عزمك وش اسوي انا..
تركي: صح. بس لازم تعرفني عليه ..ما يصلح انت تروح وانا ما اروح..
سليمان: والله افكر..
تركي: ابو سلوم عاد ما يحتاج لها تفكير وش عاد.. ترها بس تخليني يوم اجي معك واقابله واتعرف عليه ما هي صعبه..
سليمان: بما انك نسيبي فا اخليك تجي معي مو مشكله بس مو اليوم.
تركي: كفو والله ابو سلوم . كل هذا متحمله عشان خاطر رغد جعل ربي يخليها لي ..<<<الاخوان مخططين وجاهزين
سليمان: ويخلي ريم لي<<< قاط معه
تركي وسليمان مع بعض: امــــــين يارب العالمين...

"" وبعدها ضحكوا ...وراح كل واحد على بيته""

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

فــــــــــــــــــــي بيت ابومـــــــــــــــــشاري

رغد :اتصلتي على البنات..
ريم: ايه اتصلت على عبير وقالت اوكيه بجي انا والعنود. واتصلت على بيت عمتي وكلمت فجروقالت بتجي هي ونوف..
رغد : اوكيه كذا حلو ... يله خلينا ننام...
&&&&&&&&&&&&&&&&&&&&&&&&&&&&&&&&&&&&&&&&&&&
خليني اعرفكم على عمة رغد وريم"" أم فواز""

ام فواز: عمتهم وهي اصغر اخوانها وهي البنت الوحيده ولها نصيب من الشركه..
ابو فوز: ولد عم ام فواز وهو اللي يدير نصيبها.
فواز: الولد الكبير عمره (30) سنه متزوج وعنده .. ولد اسمه عبد الرحمن عمره(5) سنوات .. وبنت اسمها شهد عمرها سنتين..
بدور: زوجة فواز وهي تقرب له من بعيد..
طلال: عمره(23)سنه يدرس بالجامعه.. جميل بمعنى الكلمه..وهو اجمل اخوانه وخواته ما خذ الزين كله ... وغير الطول والرزه والجمال والجسم...كله على بعضه جونااااااااااااااااااااااان..
فجر : هي اكبر البنات عمرها(17) سنه بنت حبوبه وطيوبه وبالنسبه للجمال يقولون عنها مملوحه..
نوف: عمرها( 16)سنه بنوته دلوعه وفيها غرور شوي وتعتبر بعد طلال من الجمال..
لين: هي اخر العنقود عمرها(13) سنه البنت المدلله وما يرد لها طلب واللي يشوفها وده ياكلها من برائتها وجمالها الطفولي..
]

&&&&&&&&&&&&&&&&&&&&&&&&&&&&&&&&&&&&&&&&&&&

الــــــــــــــــمـــــــــغــــــــــــرب

صحو ريم ورغد من النوم..
رغد: ريومه تعالي دوري لي لبس البسه..
ريم: البسي أي شي..
رغد: شنو أي شي.
ريم: اممممممممم البسي سبورت..
رغد: سبورت .... حلووووووو .. مشكوره يا حلى اخت..
ريم: ماله داعي الشكر...

لبست رغد برمودا جينز وبلوزه سماوي كت مكتوب علها باللون الازرق<<<لزوم التشجيع
وحطت شريطه سماوي لى شعرها وسندل ازرق وطلعت ولا احلى...

ريم لبست برمودا جينز فيها رسومات بالفوشي... وبلوزه فوشيا ربط على الرقبه.. وتقريبا نص الظهر طالع وعليه رسومات رالفضي.. ولبست سندل ربط وسوت شعرها كيرلي.. وطلعت مرره كيوت..

ونزلو جهزوا الاغراض .. من الاكل والتسالي وتجهيز الصاله<<< عشان التشجيع والصراخ

وصلوا البنات.. وفتحت الباب رغد وجنبها ريم..
رغد : هلا والله بنات عمي..
عبير: هلا فيك يا قلبي..
العنود تغني: يا هلا بالمقبلين<<<<<الاخت تشتغل طقاقه..
رغد:ههههههههههه الله يرجك تفضلي..
عبير: رويم متى ان شا الله المباراة..
ريم: استحي على وجهك سلمي بالاول بعدين اسألي. . وبعدين اسمي رورو.. بعدها سكتت تذكرت سليمان..
رغد لاحظتها وقامت تضيع السالفه: اقول بنات من تتوقعون يفوز .؟؟
العنود: اكيد ما يبيلها النصر اكيد..
رغد: وووووووووووووووع الله يلوع كبدك ... ان شا الله الهلال..
العنود: مالت عليك انتي ..
ريم: اقول لا زعيم الا الزعيم
عبير: ايوه لا زعيم الا الزعيم..
ريم: عاشت بنت عمي..

وبعدها وصلو بنات عمتهم ام فواز..
فجر: يا اهل البيت وينكم؟!!
رغد: هلا والله باللي حظر..
فجر: تسلمين يا عمري..
رغد: الا وين خواتك...
نوف: هذا احنا جايين لا تخافين ما نفوت المباراة والفله..
رغد: حياك البيت بيتك..وين ليونه..
لين: هااااااااي
رغد: هلا والله بالدلوعه . ترى مشعل يستناك..
لين استحت: صدق...!!
رغد: ايه صدق..
ريم:هههههههههه ما بقى الا البزارين يحبون..
عبير: وانتي الصادقه..
فجر: احنا الكبار ما حبينا .. وهالبزارين والمراهقين حب وغراميات..
لين: لا تتطنزون علي تراني فا همتكم..
دخل مشعل..
لين صار وجهها احمر: أهلين مشعل ..
مشعل : أهلين لين ... كيفك ...
فجر : مشاء الله ساحب علينا ...مشيعل مالنا سلام ..
مشعل انتبه : الا.. وسلم عليهم ...
لين : شعولي تعال نلعب بلاستيشن ...
مشعل : يله مشينا ...
الكل يطالعهم ... وبعدها انفجروا ضحك....
رغد : بزارين آخر زمن ...
عبير : إلامراهقين آخر زمن ....
ريم : بصراحه أخوي ما ينلام ...ليونه تهبل اسم الله عليها ودي أقوم أكلها ...
فجر : حتى أخوك بسم الله عليه آيه من الجمال ... وأختي ما تنلام ...
نوف : ايه ايه ماتنلام ...
رغد : أكيد يشبه لي ...
العنود : وش جاب القمر للشمس ...
رغد عصبت : من كلمك إنتي ؟!!!..

وبعدها سمعوا صوت المعلق المبارة يتكلم :أهلا وسهلا أعزائي المشاهدين ... اليوم راح نشوف مباراة مشوقة بين فريقين قوووين الهلال زعيم آسيا والنصر العالمي ...
رغد: بنات بدأت المبارات ...
عبير : هلال ... هلال ...... هووووه .......هوووووووه...
فجر : هلاليات .... وووووووع .....
العنود : وأخيرا لقيت أحد بصفي ...
ريم : عبيروه تصارخين ترى تونا ما بعد بدوااااا ...
عبير : لا عشان أحمسك ...
ريم : يا حليلك يا بنت عمي والله إنك خبله ...
عبير تصارخ بعناد : هلال هلال .... هوه ..... هوه .... ياسر ....... ياسر ....... هوه هوه .....
ريم : رغد بروح أجيب البوب كورن والببسي والشيبسات ...
رغد : أوكيه وتعالي بسرعة عشان مايفوتك شي ....
عبير تصارخ : يــــــــــــــــــــــاســـــــــر ... يهبل يهبل يا ناس ...
العنود : وجع فقعتي طبلة أذني ...
فجر : من زينه عاد .... سعد الحارثي أحلى ...
العنود : سعد آآه ياسعد يهبل ...
رغد وعبير : صدق ما عندكم ذووووووووق ......
وضحكوا مع بعض ... هههههههههههههههههه .....
وبعدها جابوا صورة سعد الحارثي ....
قامت العنود تصارخ : سعودي ....سعودي ... أحبك والله أحبك ....
فجر: هيه انتي اغار ههههههههههههههههه
وبدت المباراة والبنات انقسموا فريقين:
فريق مشجعات الهلال وفريق مشجعات النصر
مشجعات الهلال:رغد- ريم- عبير..
مشجعات النصر: العنود-فجر
ونوف عنصريه اللي يفوز تكون معه...
والبنات صراخ وصياح وتشجيع وطقاق على خفيف...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

فــــــــــــــــي مـجـلـــــــــــــــس الرجــــــــــــــــــــــال

كان فيه سليمان ومشاري.. قاعدين يسولفون . وفجأه سمعوا صراخ..
مشاري: خير انا شا الله وش فيهم؟؟!!!
سليمان: رح لايكون صاير فيهم شي..
راح مشاري عند باب الصاله ودق الباب ..محد فتح..ولافي امل يسمعونه .. قام يخبط الباب بقووه..
ونوف: رغد شكله في احد يدق الباب..
رغد: لا شكلك تتوهمين.. البيت ما فيه احد..
نوف: يمكن..
وبعدها سمعوا صوت دق جااااااامد
نوف: والله الباب يندق..
رغد: بروح اتأكد
راحت رغد وكانت بتفتح الباب وبعدين خافت.. وبعدها رجعت: لااا يمه خايفه يكون حرامي..
راحت للبنات..
رغد: بنات اسمعوني شوي..
الكل لف عليها..: خير..
رغد: تعالوا معي خايفه في احد يدق الباب.
عبير: يمكن اخوك مشاري!!!؟؟
رغد: لا البيت ما فيه احد
البنات بدا الخوف يتسلل لقلوبهم.. قاموا كلهم .. وكل وحده خذت معها شي.. اللي خذت قوطي بيبسي.. ولا اللي خذت ملعقه.. ولا اللي خذت اباجوره..<<<< دلع بنات..
ووقفوا عند الباب .. ورغد فتحت الباب بشويش .. وتو البنات بشنون الهجوم.. الا مشاري يطالعهم ومطير عيونه...
مشاري: هيه .. هيه. لحظه لحظه انا مشاري..
البنات طاحت وجيهم من الفشيله...ولا بعد مسوين انفسهم اقويا.. وبعدها راحوا وهم يضحكون على اشكالهم. وما بقى الا رغد..
رغد: خير.. نعم.. خوفتنا على الفاضي.
مشاري: والله انتو اللي خوفتوني.. انتم واشكالم.. كل وحده مطيره عيونها.. وحوش مو بنات..لو انه حرامي كان اعتزل السرق من زماااااااااان..
رغد: طيب اخلص خير وش تبغى..
مشاري: والله كنت خايف عليكم.. بس ما شا الله عليكم تخوفون بلد..وما ينخاف عليكم..
رغد: قول لا اله الا الله .. بسم الله علينا.
مشاري: اسمعيني عاد.. قصروا اصواتكم.. صراخكم واصل الشارع اللي ورانا..
رغد: ان شا الله طلابات ثانيه استاذ مشاري..
مشاري: سلامتك.. بس سلمي لي على الصعايده اللي معك.
رغد:يوصل..

وراح مشاري عند سليمان..
سليمان: خير عسى ما فيهم شي..<<<<< خايف على ريم..
مشاري: لا الحمد لله والشكر يتابعون مباراة ومتحمسين..
سليمان .. تخيل ريم وهبالها: ههههههههههه يا حليلهم..
مشاري قعد يطالعه شوي .... وبعدين كملوا سواليفهم....

؟************************************************* ************
عند الــــــــــــــــــبنـــــــــــات

عبير: والله كرت والله كرت..
رغد: وشوكرت.. اسمه اوت موكرت..
عبير: اللي هو بس مفروض الكوره معنا ..
العنود: حره.. حره.. حره.. موتي قهر
عبير: اهم شي الفوز...
العنود: ايه نشوف..
وبعد دقايق سجل ياسر القحطاني الهدف الاول..
ريم ورغد وعبيرونوف:هـــــــــــــــــــــــــــــــــــــــ ـــــــــــــــــــــــيه..هيـــــــــــــــــــــ ــــــــــــــــــــــــــــــــه ياسر ياسر.. ياسر ياسر ..
عبير: اموت عليه يا ناس يا فنان يا شاطر يا قناص..
ريم تبوس التلفزيون : احبك والله احبك..
رغد تنطط: ويلوموني فيك ويلوموني في القناص.. وقاموا يحضنون بعض فرحانين..
العنود: عادي نجيب التعادل..
فجر: الحين بتشوفون سعد وش بيسوي..؟؟
عبير : اقول لقطوا وجيهكم بس..<<<<<حشى عيال مو بنات..
ريم تبي تقهرهم:يا حبيبي يا ياسر والله يجنن مو مثل بعض الناس ...
رغد: صانع الاهداف ياسر اكيد ما يضيع فرص مثل اللي عند غيرنا..
العنود وفجر موصله معاهم.....
وبعد دقايق سجل سعد الحارثي الهدف..
العنود: شفتوا قلت لكم سعود ما يضيعها..
فجر: سعودي حبيب قلبي..
نوف: والله جابها..نصر.. نصر.نصر..
لفوا عليها ريم ورغد وعبير
رغد: هيه انتي نويف مو انتي هلاليه...
نوف: انا لا من قال .. انا عنصر محايد اللي يسجل افرح معاه عشان ما يضيق صدري<<ياي على الدلع..
عبير: لا يالذكيه. خليك مثلي مخلصه..
نوف: مسويه فيها..
وكل وحده صارت تحر الثانيه لحد ما خلص الشوط الاول بالتعادل.
رغد: احمدو ربكم رحمناكم وتعادلتوا مع الزعيم.
العنود: الا ما قدرتوا تسجلون قلتوا رحمناكم .. اصلا احنا اللي رحمناكم.. وخفنا على مشاعركم عشانكم الزعيم..حرام تنصدمون بفريقكم .. قلنا نخليها للشوط الثاني..
فجر: صادقه بنت خالي.
ريم: اقول بنات خلينا نرجع بنات عم حبوبات لما يبدأ الشوط الثاني..
رغد: يكون احسن..
البنات ايدو الفكره ورجعوا لجوهم الطبيعي. قهوه وحلا .و قهوه رايحه وقهوه جايه مع البيبسي والعصير كل شي عندهم عادي. وقعدوايسولفون .. لحد ما بدى الشوط الثاني.. وفي منتصف الشوط الثاني. سجل طارق التايب هدف..
رغد وريم وعبير ونوف: هـــــــــــــــــــــــــــــــــــــــــــــــــ ـــــــــــــــــــــــــــــــــــــيه
هلاليه ودقوا لي تحيه..
رغد: اعشقك يا هلال ..
ريم: امووت عليك يا طارق..
عبير: يهبل يا ناس مبدع والله فنان..
نوف: هلاليه وافتخر..
لفوا عليها فجر والعنود..
فجر: انتي يا المنافقه اثبتي على شي..
العنود: صيري نصراويه ما تخسرين..
نوف: والله الحين هلاليه يمكن بعد دقايق اصير نصراويه عادي ما عندي مشاكل اهم شي مع الفريق الفايز...
واتنهت المباراة بفوز الهلال 2-1 ""مبروك للهلال""
العنود: اووف وش ضيقة الصدر هذي.
فجر: ودي ارجع البيت واقعد ابكي..
رغد ارحمتهم: اقول بنات خلونا نفلها وننسى المباراة ..
ريم: خلونا نغير جو..
عبير: صادقه والله ..
العنود: رغد و لا ريم قولو لاخوكم يطلعنا بمناسبة الفوز..
ريم: صادقه خليني اقوله يمكن يوافق . ادعوا لي.
رغد: انشبي في حلقه لحد ما يوافق..
ريم: ابشري ما راح اطلع لما يوافق..
عبير: وين السايق..
رغد: مع امي..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــــــــــــــــــــــــــد الرجـــــــــــــــــــــــــــــال

مشاري: ابو سلوم عن اذنك بروح اجيب الشاي ..خذ راحتك ترى البيت بيتك..
سليمان: اذنك معك..
مشاري: اكيد اذني معي.. معلقه في راسي..خخخخخخخخخخ
سليمان: ههههههههههههههههاي حلوه بس لا تعيدها..
مشاري: يله انا رايح..
سيلمان: تفضل..

بعد ثواني دخلت ريم المجلس وكان معها موبايلها.. كانت تمشي وهي ترسل لساره رساله تبشرها بفوز الهلال .. سليمان يطالع اللي داخله وكانت لاهيه موبايلها وما نتبهت له..
وصار يطالعها عدل بيغى يتأكد هي ريم ولا اختها رغد.. سليمان ارتفعت حرارته ودقات قلبه يسمعها اللي برى البيت.. لانها مرره حلوه..
ريم ما زالت تنا ظر موبايلها وما ناظرت اللي قدامها..وصلت حوالي نصف المجلس: مشاري ترى البنات يبون يطلعون يتمشون شوي بمناسبة فوزالهــــــــــــــــــــــــــــــ...........
رفعت راسها وطالعت اللي قدامها وما صدقت عيونها ... سليمان .. سليمان في بيتهم وش جابه ارتفعت حرارتها تحس انه بيغمى عليها وقعدت تطالعه تشوف عيونه تحس انو فيهم كلام حاولت تبعد عيونها عن عيونه بس ما قدرت.. سليمان كان يطالعها ووده يقول لها اني مشتاق لك حيل صار لي اسبوع ماشفتك حتى رساله ما ارسلتي.. وكأن ريم قرت افكاره وتقول في نفسها" لو انك يا سليمان ما ارسلت الرساله . ليش طحت من عيني ليش.. كان ودها تبكي.. تصرخ.. تضربه.. بس ما قدرت .. وقطع تفكيرها صوت سليمان..
سليمان: ريم كيفك..؟؟؟!!
ريم في نفسها " كيف عرف اسمي .. وما قدرت ترد لسانها ما قدر يجمع كلمتين على بعض. وعيونها كانت غرقانه دموع .. استوعبت انو لو دخل مشاري والله بيذبحها لفت بسرعه وطلعت وقبل لاتوصل الباب لفت على سليمان وكان في عيونها نظرات عتاب.. سليمان.. فهم نظرتها بس ما عرف ليش العتاب وش سوى ما درى انه برسالته عذب ضمير ريم ولا خلاها تعرف النوم ولا الراحه من التفكير وطلعت..
سليمان:ليش يا ريم رحتي ولا رديتي علي ولا تكلمتي كنت مشتاق لصوتك ولدلعك ولهمسك ولضحكتك ليش تحرميني منهم. وبعد لحظات دخل مشاري عليه وقعد يسولوف بس سليمان ما كان باله معاه ابدا كان مع ريم.. ريم وبس..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم طلعت من المجلس وعيونها مليانه دموع وتحاول انها ما تبكي ولا تنزل منها دمعه. بس ما اقدرت تمنع دموعها .. نزلت دمعتين فيهم جرح والم ومسحتهم بسرعه .. جت لعندها رغد...

رغد : ريم بشري وش قال مشاري؟
ريم طالعت رغد وما تكلمت...
رغد: ريوم وش فيك وش قالك مشاري؟؟؟؟!!!!
ريم: لامو مشاري.............سليمان..
رغد بصدمه: سليمان...
ريم: ايه..
رغد: وش جابه للبيت..
ريم: ما ادري .. مادري عن شي...
رغد عرفت ان اختها منهاره من داخل: خلاص.. خلاص هدي انتي الحين بعدين اعرف السالفه.. واقولك سالفه.. نسيت اقولها لك بس الحين خلينا نروح للبنات وبعدين نتفاهم..
ريم: ابطلع فوق شوي وأنزل..
رغد: اوكـــي

رغد راحت للبنات وقالت لهم ان مشاري عنده ضيوف.. كملو البنات السهره...

وبعدها كل وحده راحت على بيتا.......[/size]

[size=21]نــــــــــــــــــــهــــــــــــــــــايـــة الـــــــــــــــبــــــــــــــــــــــــــارت[/size

الجـــــــــــــــــــــــــــــــــــزء الـــــــــــــســـــــــــــــــادس

بعد ما راح الكل على بيته ... طلعت رغد لغرفة ريم .. تبي تعرف وش سالفتها..
رغد: ريومه نايمه حبيبتي..
ريم: لا.. صاحيه .. بس راحوا البنات..
رغد: ايوه راحوا ..
ريم: سألو عني..؟؟
رغد: الا سألو عنك وقلت ان بطنك يعورك شوي.
ريم: زين سويتي..
رغد: ايوه .. خلينا منهم الحين.. وقولي لي وش صار..وش فيه سليمان..
" قالت ريم لرغد السالفه واللي صار معها مع سليمان"
رغد: اللي ما يستحي على وجهه يسألك بعين قويه"رغد تقلد صوته" كيفك ريم؟؟؟
ريومه حبيبتي عشان خاطري لا تضايقين عمرك ولا تكدرين خاطرك والله يضيق صدري لما اشوفك زعلانه..
ريم: والله مو بيدي.. قهرني يا رغد قهرني..
رغد : انسيه..... انسي انك في يوم شفتيه..
ريم بتردد: رغد.... ودي اقولك شي...
رغد بكل حنيه.: قولي بعد دنيتي انتي..
ريم: لما شفت عيون سليمان حسيت بشي غريب حسيت بمشاعر غريبه.. حسيت انه صادق .. بس في بعض الاحيان احس ان مشاعري مختلطه ومو فاهمه شي..
رغد:ايو كملي...
ريم: احس انه يحبني وانه ما يكذب.. ومواقفه معاي تثبت هذا الشي.. تتوقعين يوم ارسل الرساله كان صادق في مشاعره ولا حاب يلعب علي...
رغد: شوفي يا قلبي بقولك كلمتين وحطيهم على بالك زين..اول شي عن المشاعر اللي حستيها يمكن الولد صادق في مشاعره ويمكن يكذب.
وثاني شي انه مهما صار ومهما حاول فيك .... ما ترسلين له او تكلمينه ... وانتبهي على هذا الشي وانا احذرك.. اهلنا اعطونا الثقه والاحترام وعطونا كل شي يمكن عند البنات الثانيات مفقود .. فا حرام نضيع ثقتهم ونحط سمعتهم في الوحل عشان غلطه او زله راح تندمين عليها طول عمرك...واذا كان يبغاك يجي يطلبك رسمي وبعدها حلال انتي وياه سوي اللي تبين بس مو يلعب بعقلك ويستغل صغر سنك مع انه باين انه رجال والنعم فيه... بس الشيطان شاطر...
ريم: كلامك ان شا الله بعيوني..
رغد: ايه هذي اختي بعد دنياي كلها..
ريم ابتسمت : الله لايحرمني منك..
رغد: ولا منك بعد .. يله عاد لاتقلبينها حزن ودموع..
ريم: ابشري .. بس تعالي .. كنتي راح تقولين لي سالفه وش هي..؟
رغد: سبحان الله .. اللقافه فيك فطره..
ريم: هذي شغلتي..
رغد: ايه كنت بقولك ان سليمان هو اللي اتصل على مشاري .. تتذكري يوم رحت للهنوف .
ريم: ايوه..
رغد: ايه في هذا اليوم اتصل عليه والتقوا في التحليه .. وكان مشاري يقول لي انه من زمان ما كلمه...
ريم: اهاااااااا... بس وشلون طرى على باله مشاري..
رغد: والله علمي علمك..
"ريم دخلت جو مع نفسها"
رغد: ريــــم....ريــــــــــــــــــــــــــــم ..
ريم: وجع.. وجع.. خير... تراني مو مستغنيه عن اذني..
رغد: وش تفكرين فيه..
ريم: وش عليك..
رغد:بدينا..
ريم:وش رايك تروحين تنومين احسن..
رغد: ايه والله اني دايخه حدي...
ريم: يله روحي غرفتك وتصبحين على خير..
رغد: والله ما تستحين على وجهك ... طيب جامليني شوي.. قولي لي نامي عندي..
ريم: انا صريحه وما احب المجاملات ..
رغد: اقول.. نامي.. نامي يا الصريحه..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

عنـــــــــــــــــد سليمـــــــــــــان

سليمان: ليش يا ريم كنتي تناظريني كذا..وش كنتي تقصدين بنظرتك... يمكن تقصد الرساله..... الا اكيد كانت تقصد الرساله...انا الغبي يا ليتني ما ارسلت.... البنت باين عليها الحزن...كله مني ومن تفكيري الغبي ... اصلا ما كان له داعي رسايل والله ماله داعي.. هي باين عليها حساسه.... وشكلي جرحتها وجرحت مشاعرها ... اكيد لاني بأي صفه ارسل لها .. طول عمري ... ***.. ***... ***.....

سليمان حاس بتأنيب الضمير اللي ذبحه وما قدر ينام ... لما طلع نور الشمس ويادوب غفت عينه..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

فــي بـــــــيــــــــت ابــــو مشـــــــــاري

ابو مشاري: وينكم يابنات ماشفتكم من زمان..
رغد:زي منت عارف يبه مدارس ودوامات وتعب ..وانابثالث ثانوي..
ابو مشاي: ايه الله يوفقكم انشاءلله..
ام مشاري:آمــــيــن..الا وش اخبار البنات امس؟..
ريم:والله يمه امس وناسه وفله بصراحه....
مشاري: اكيد فالينها ....صراخكم واصل للحاره اللي جنبنا..
رغد: ليش غاير..
مشاري:تكفين وش عليه اغار..
مشعل:الا يا ريم من فاز امس..
مشاري: ليش ما تابعت المباراة..
ريم: وين يتابع المباراة وفيه لين ما تخليه يتنفس..
مشاري: امس فيه لين يا حليلها..
مشعل: اصلا انتي وش عليك مني..
ريم: احنا البنات شايفين المبارة وانت الولد لاهي مع حبيبة القلب..
مشاري: ليش انتو عادين انفسكم بنات انتو صعايده شويه عليكم..
"ريم تذكرت اشالكهم امس وقعدت تضحك"
ام مشاري: وش فيهم بناتي يهبلون كل الرقه والنعومه فيهم.. وبعدين على المباراة عادي شوف الغرب عندهم الحرمه مو تابع الاتلعب عادي..<<<<<الام خطيره..
مشاري: يا ليته على كذا كان زين ... شي اعظم خليني ساكت احسن لي..
رغد تبي تغير السالفه عشان ما يفشلهم قدام اهلهم ..:الا اليوم يمه تراني راح اعزم الهنوف في بيتنا..
ام مشاري: حياها الله بأي وقت هذي الهنوف..مو أي وحده..
مشاري: ودي اشوف هالهنوف اللي مزعجينا فيها ..كل كلمه والثانيه الهنوف والهنوف..
رغد: هذي روحي الثانيه..
مشاري: احلى يا الرومانسيات.
ريم: ايه هذا ولا شي من رومانسياتها هي وصديقتها..
رغد: ليه غايره منها.
ريم: مسكينه اغار..
ابو مشاري: الحمد لله شبعت..
ام مشاري: زين كذا خليتو ابوكم يقوم من الغدا..
ابو مشاري: ام مشاري خليهم على راحتهم انا ما عندي غيرهم..
رغد تبوس راس ابوها: الله يخليك لنا يبه ولا يحرمنا منك..
ريم وقامت تبوس راس ابوها: آمين..
رغد: يا حبك لتقليد..
ريم: ابوي وانا حره بكيفي..
ابو مشاري: انا لكم الثنتين...
مشاري: واحنا يبه لنا الله..
ابو مشاري: والله معزتكم وحده..
ام مشاري: اجل انا المنسيه..
ابو مشاري.: عاد انتي الكل في الكل...
رغد: احلى يا يمه .. احلى يبه على الرومانسيات انا ما اقدر..
ريم: تبغونا نروح عشان تاخذون راحتكم..
ام مشاري استحت: اجلسوا بس كملوا اكل وانتو ساكتين..
صار الكل يضحك على امهم المستحيه...

عند ريم ورغد
العصر بعد الغدا...
رغد: ابقوم اتصل على الهنوف ..
ريم: ليه انتي عندك غيرها...
رغد: يا ربيه هالبنت بتذبحني بلقافتها..
ريم: اتصلي على صديقتك وانتي ساكته..
رغد اتصلت على الهنوف...
رغد: الووووووو.... هلا الهنوف
الهنوف: هلا والله بهالصوت وصاحبة الصوت.
رغد: تسليمين يا قلبي..
الهنوف: ايوه.. كيفك..وش اخبارك..
رغد: الحمد لله بخير وانتي كيفك..
الهنوف: الحمد لله بخير يا قلبي..
رغد: اكيد راح تجين عندي اليوم....
الهنوف: ايه ان شا الله انا قلت لامي ووافقت بس بقى تركي اقوله وان شا الله يوافق ..
رغد سمعت طاري تركي ضاعت علومها: ايه تركي...قلتي تركي...
الهنوف: رغد.... وش فيك ....قلت تركي..
رغد: ايه زين خلاص قولي له وردي علي...
الهنوف : اوكيه قلبي..
رغد: تامرين على شي عمري..
الهنوف: سلامة روحك..
رغد: بااااااااي
الهنوف: بااااااي..
دخل تركي شاف الهنوف تكلم .... ولما خلصت....
تركي: مين كنتي تكلمين ..
الهنوف: اكلم صديقتي..
تركي: احلفي.... ادري انها صديقتك ...من هي..<<<يبي يتأكد انها رغد..
الهنوف: هذي رغد...
تركي بس سمع اسمها تلخبط كيانه: ايه وش اخبارها...
الهنوف بصدمه: خير وش هالسؤال ما تلاحظ انك تمون على صديقتي ..مو كفايه اللي سويته يوم جات عندي....
تركي: عادي انا وش سويت ..قلت لك وش اخبارها ...ما قلت بكلمها..
الهنوف: صدق انك ما تستحي على وجهك..
تركي: عاد احترمي نفسك ..تراك ما تنعطين وجه ..
الهنوف تذكرت الطلعه وقامت تتمصلح:تروك اخوي لاتزعل..
تركي: سبحان الله المصالح تغير اللي ما يتغير .. وش تبغي..
الهنوف: طلب صغير بالمرررررررره...
تركي: هنيف اخلصي علي ..
الهنوف: امممممممممم.......اليوم صديقتي عازمتني..
تركي: وانتي من متى تروحين صديقاتك..هاااااه..
الهنوف: مو أي صديقه هذي رغد اللي عازمتني ...
تركي : رغد...
الهنوف: ايه..
تركي: بما انها رغد واحس انها بنت عاقله ومؤدبه وفي نفسه" وذابحتني" راح اخليك تروحين لها ..
الهنوف: يا بعد قلبي انت خلني اروح ابشرها ...
راحت الهنوف تتصل على رغد..
رغد: هلا والله ...
الهنوف: يا هلا والله وغلا برغد دنياي..
رغد: بشري...
الهنوف: لا الحمد لله وافق......والتفتت تدور تركي لقته ملصق اذنه بالسماعه
الهنوف: رغوده حبيبتي لحظه شوي...............هيه انت خير...
تركي منسجم مع الصوت..
الهنوف تدفه: تريك بعد عن وجهي ...
تركي: يا حبك للنذاله ..........وراح..
الهنوف: معليش رغد ....
رغد:لا عادي بس وش فيك..؟؟
الهنوف: تريك ملصق اذنه بالسماعه ما خلاني اتكلم ..
رغد قعدت تضحك وما سكتت... تضحك ليش ما تدري .... بس تخيلت تركي قامت تضحك....
الهنوف: رغد خلاص عاد يكفي ضحك..
رغد: هههههههههه معليش هههههههه الهنوف ههههههههه والله بطني ههههههههههههه ما قدرههههههههههههه..
الهنوف: اجل بسكر حبيبتي وانتي اضحكي لما يأذن....
رغد : لاتتأخرين بس ههههههههههههه
الهنوف: ان شا الله مع السلامه...
رغد سكرت السماعه وما زلت تضحك: يا حليله والله ...
ريم واللقافه ماكله قلبها : على ايش هالضحك ... الحمد لله والشكر... ومنهو اللي يا حليله...
رغد: تركي ملصق اذنه بالسماعه..
ريم: طيب وهذا اللي مضحكك..
رغد: ايه ههههههههه
ريم: الحمد لله والشكر على العقل.. صدق من قال اكبرهم اهبلهم ...
رغد جاتها حالة الضحك .. تضحك على كل شي : هههههههههههههههه
ريم: رغيد عاد خلاص ما صار...
رغد تضحك ما سكه خط......
ريم: اوووووووف ترى مليت من جد..
رغد تحاول تسكت وخذت نفس: اووووووووووه .........بس تخيلت شكله رجعت تضحك.
ريم: اقوم لأمي احسن لي ............يا المجنونه...
رغد في نفسها" مجنونه بحبه"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فـــــــــــي بيت الهنوف

الهنوف في غرفتها محتاره....
الهنوف: ياربيه محتاره ما ادري وش البس..؟؟
ام تركي دخلت على الهنوف: هلا هنوفه حبيبتي لبستي..
الهنوف: والله يا ماما محتاره ما ادري وش البس...؟؟
ام تركي: اجل خليني اساعدك...
الهنوف : يله
%%%%%%%%%%%%%%%%%%%%%%%%%%%%%%%%%%%%%%%%%
واخيرا لبست فستان فوشي وفيه ابيض واورنج قصير لفوق الركبه... ولبست تحته برمودا ابيض وداخله فيه الوان الفوشي وشوي اورنج ..ولبست سندل مرررره نعوم فيه كرستالات فوشي ....وكان شعرها الفراوله وحطت كرستاله في شعرها على جنب فوشيه...وطلعت اخر حلاوه ....وحطت ميك اب مرررره نعوم ..وطلعت ولا باربي...
%%%%%%%%%%%%%%%%%%%%%%%%%%%%%%%%%%%%%%%%
ام تركي: بسم عليك طالعه تهبلين...
الهنوف: من انولدت وانا اهبل بس محد ملاحظ...
ام تركي: اللي ما يلاحظ عمي...
الهنوف: تسليمن يا احلى ام...
ونزلت لعند تركي...
الهنوف: تركي رح قل للسايق يوصلني...
تركي: وليش السايق .... انا اوصلك...
الهنوف تلمس حرارة تركي: متأكد انت مو تمزح...
تركي: ايه متأكد وش فيها اخو يوصل اخته بعد هذي فيها شي..
الهنوف : لا ما فيها شي بس اول مره تسويها...
تركي في نفسه" ان شا الله ان شا لله اشوفها"
الهنوف: تركي......تركي......
تركي: هلا
الهنوف: يله تأخرنا ..
تركي: يلا........
"على فكره ابو تركي دايما مسافر مشغول ولاهي في شغله ويزورهم في السنه مره وام تركي متحمله كل شي عشان عيالها ومدلعه الهنوف عشان ما تحس بفراغ لان ابوها مو موجود"
في الطريق........
تركي: ما ودك تاخذين معك شي...
الهنوف بصدمه: وش هالذرابه والادب اللي نازل عليك...
تركي: طول عمري ذرب وذويق وراعي واجب..
الهنوف تتطنز: بسم الله عليك .. لاتعلم احد اخاف يصكك بعين ...
تركي: هنيف عن السماجه واخلصي تبين ولالأ
الهنوف: ايه ليش لأ ما دامه على حسابك..
تركي:"كل شي يرخص عشان الغاليه" وبعدها ابتسم.....
الهنوف: الحمد لله على ايش تبتسم..
تركي: لابس تخيلتك طايحه من الدور السابع ...
الهنوف": جعلك ما ني قايله ..... استغفر يا النذل...
تركي: هههههه والله لو تصير .... بجد بصير شكلك تحفه....
الهنوف: سوق وانت ساكت واللي يعافيك...
تركي: هذا المحل اسمه اوبرا ..حلو..
الهنوف: هذا ما عليه .. واختار شي سنع...
تركي: تامرين امر..............ونزل...
الهنوف : هالولد فيه شي بس لازم اعرفه..
وبعدها بدقايق وصلو لبيت رغد وكان تركي حاط سيارته عند المدخل وعسى يقز شي....نزلت الهنوف ورنت الجرس فتحت الخدامه الباب كله... ورغد كانت واقفه قباله.... تركي ما صدق على الله وفتح الشباك عشان يشوف زين ... طاحت عيونه بعيون رغد وتركي ابتسم ابتسامه تعذذذذذذذذذذذذذذذذب ... رغد هنا خلاص تحس ان بطنها يعورها وحرارة جسمها مرتفعه ودقات قلبها وصلو المليون ..
الهنوف تطالع رغد وبعدها تطالع تركي وترجع تطالع رغد وبعدها تركي ..لما حست انهم طولوها وهي قصيره سكرت الباب.....
تركي: والله من النذالة يا هنيف......بس والله تهبل تجنن هالبنت مو طبيعيه فوق الخيال فيها شي يجذب بقووووووه ....وحرك سيارته وهو مبسوط..
رغد: هلا والله هنوفه تو ما نور البيت..
الهنوف: توك تتذكريني ساعه واقفه عند الباب..
رغد تفشلت: لاساعه ولا شي...
الهنوف:تناظرين اخوي ما شلتي عينك هبلتي فيه صار مسبوه... ترى ما كان عنده نيه يجيبني اليوم الا يوم درى انه انتي..
رغد ابتسمت:اهم شي جابك..
الهنوف: اهااااا ... الحين عرفت سبب انه صاير ذويق وراعي واجب اثرك لاعبه في عقله..
رغد:الهنوف وش هالكلام وانا وش دخلني فيه..
الهنوف: من شافك هذيك المره وهو مسبه طيرتي عقل اخوي..
رغد: هههههههه شكل ودك تقعدين برا يله تفضلي..
الهنوف: زاد فضلك... تصدقين اشتقتلك..
رغد: مسرع امس شايفتك في المدرسه ..
الهنوف: ولو اشتقت لك..
رغد:عمري انتي.... وش رايك نطلع فوق ونفلها....
الهنوف: براحتك..
رغد: اوكيه ... انتي اطلعي فوق وانا راح الحقك...
الهنوف : اوكيه..
طلعت الهنوف فوق وقعدت تطالع الغرف... الحين هي ما قالت لي أي غرفه.. بس شكلها هذي وراحت الغرفه وهي مستعجله وفتحت الباب بقووووووه......
وانصدمت من اللي شافته.............
شافت مشاري لابس وكاشخ وقاعد عند المرايه يتعطر ومالف عليها ولا حاول يشوف من عند الباب لانه على باله انها ياريم او رغد...
مشاري : ريم .. ما شفتــــــــــــــــــــــــ ولف وجهه...........
الهنوف تطالعه ومنبهره بجماله وما قدرت تتحرك رجولها ما تساعدها جماله مخليها ثابته......
مشاري ما قدر يشيل عينه من عليها كان شكلها ساحر وجذاب فيها شي يسحر موطبيعي وجمال خيالي وبرئ ...
مشاري ابتسم ابتسامه تعذذذذذب وتذوووووب الصخر...
الهنوف" ولا بعد يبتسم الظاهر ناوي يوديني المقبره ...."طالعت جسمه" ولا بعد الجسم خيالي"
مشاري"هالبنت فيها شي مو طبيعي وعليها عيون تقطع القلب ..بس غريبه ما تحركت من مكانها بس احسن لي خليني اكحل عيوني بجمالها ..سبحان ربي اللي خلقها..."
الهنوف انتبهت على عمرها وما مكان ودها تتحرك بس استحت على وجها وسكرت الباب ومشت بسرعه ولقت بوجهها رغد...
رغد: الهنوف خير وش فيك طايره ولونك مخطوف..
الهنوف: لابس كأني سمعت صوت رجال فوق...
رغد: ايه نسيت اقولك مشاري فوق..
الهنوف في نفسها" هذا مشاري يا حلوه ويا حلو اسمه.."
رغد: الهنوف وين رحتي..
الهنوف: حبيبتي معاك..
رغد: يله خلينا نطلع للغرفه..
النوف : يله...
طلعوا فوق وعيون الهنوف على باب غرفة مشاري ودخلو غرفة رغد...
رغد: هنوفه بعد قلبي اقعدي شوي وبرجع..بروح اشوف مشاري واقوله انك فيه عشان مايدخل غرفتي اوكيه .. ترى ما راح اطول..
الهنوف في نفسها" شافني وحفظني وخلص": ايوه خذي راحتك..
دخلت رغد غرفة مشاري... مشاري طالع الباب تخيل انها هي<<<حلى كل شوي..
رغد: مشاري انتبه ترى صديقتي بغرفتي..
مشاري: من صديقتك..
رغد: يعني ما عندي الا صديقه وحده واللي هي الهنوف..
مشاري: هذي الهنوف اللي......"توه بيقول اللي دخلت بس انتبه على عمره"
رغد: اللي ايش..
مشاري يصرف: لا كنت بقول اللي ازعجتينا فيها..
رغد: ايه عندك مانع ..
مشاري: لا حياها الله بأي وقت واذا ما شالها البيت تشيلها عيونا..
رغد تطالعه منصدمه: شكلك قاعد اليوم بالشمس كثير .. اروح عند هنوفتي احسن لي..
مشاري في نفسه" والله عندك ذوق يا رغدوه صديقتك صراحه شي يفتح النفس"
ونزل وطلع....
رغد رجعت للهنوف: معليش تأخرت..
الهنوف : لا عادي خذي راحتك ... الا وين ريم..؟؟
رغد: الحين جايه لاتخافين ما تحب تفوت شي..
الهنوف: ايه يا حليلها..
دخلت ريم: هااااي هنوفه...
الهنوف: هاي ريومه كيفك...
ريم : الحمدلله بخير بس خليتي اختي تهلوس فيك..
الهنوف: رغووووده بعد قلبي والله...
ريم :انتو ما تملون من الرومانسيات ..
الهنوف: لاااااااا
رغد: اتركيها ما عليك منها غايره..
ريم: عشان صديقتها فيه تكبرت علينا..بس خليها تروح اوريك......
الهنوف: ما راح اروح بنام عندكم عناد..
ريم: امزح حياك الله أي واذا بتامين عندي ما عندي أي مانع..
رغد: صديقتي ابعدي عنها..
ريم: احلى ياللي تغار..
رغد: هذي هنوفه مو حيا الله..
ريم: يا حليلكم بس..
وكملو السهره ....سوالف وضحك وشوي على خفيف هوشات بس انبسطوا وفلوها وطبعا وشي اكيد لاتخلو من الرقص والحش....

" نـــــــــهــــــــــــــــايــــــــة الـــــــــبـــــــــــارت"[/size][/align]

احللللللللللللللللللللللللى صدفه بحيااااااتي User_offline

الجـــــــــــــــــــــــــــــــــــــــزء الــــــــــســـــــــــــــــــــابــــــــــع

بعد ما طلعت الهنوف من عند رغد....
ريم: يا حليلها الهنوف بصراحه اليوم طالعه قمر ..اسم الله عليها..
رغد: إيه والله اليوم بصراحة طالعه خطيرة..
ريم: إن شا الله تكونين أنتي وياها بالجامعه مع بعض..
رغد: الله يسمع منك .... وهذا اللي مخوفني انو ما نكون مع بعض..
ريم: تفاءلوا بالخير تجدوه..
رغد: ما قلت لك ... فاتك شي خطير...
ريم: وشو اللي فاتني ؟؟؟ ومتى وشلون وكيف ... علميني بسرعه..
رغد: سبحان الله ...دايما مرجوجه ياختي خففي لقافه شوي..
ريم: ما اقدر صار طبع فيني ... بس تكلمي بسرعه..
رغد: تخيلي اليوم تركي شافني..
ريم: بسم الله متى شافك ..
رغد: يوم جاء ينزل الهنوف ..الخدامه فتحت الباب كله وصرت انا بوجهه..
ريم: واكيد ما كلفتي على نفسك وتعبتي عمرك وبعدتي عن الباب..
رغد: كنت بأسويها بس ما قدرت يهبل.. يهبل يا ريم ولا وكاشخ وسكسوكته مكثرها طالع شكله توب..
ريم على طول جاء على بالها سليمان: اهااااااااااااا..............
رغد حست فيها: ريم حبيبتي وش فيك..
ريم: ما فيني شي كملي..
رغد: وش اكمل خلصت السالفه..
ريم: صدق ما عليش ما نتبهت .. بروح انام تعبانه حدي..
رغد ضاق صدرها على اختها لانها تعلقت بواحد ما تدري وش مشاعره تجهها وهي توها صغيره وما تستاهل
ريم وبخاطر مكسور: تصبحين على خير..
رغد: وانتي من اهله..

راحت ريم لغرفتها ونسدحت على السرير ...آآآخ يا سليمان كنت من يوم يجبون طاريك افرح .. والحين من اسمع أي شي يذكرني فيك يضيق صدري...بس والله حبيتك من كل قلبي...واتمنى من كل قلبي ان تكون ضنوني كلها خطا وان اللي حسيته بعيونك هو الصح.. يارب ...يارب...ابغى الحقيقه ... ابغى لو نور بسيط بوسط الظلام اللي انا عايشته...ابغى بس ..بس حبل اتعلق فيه.. ابي ذرة امل من حياة كلها يأس ... يارب... يارب..ونامت ودمعتها على خدها وترتجي ان سليمان يحبها لانها ما تقدر تعيش بدونه ..

فـي بيــــــــــت الهنوفــــــــــــــــــــــــ

" حبت اقول شي ان الهنوف وتركي توأم بس ما يتشابهون اكيد ومتنا قضين في كل شي.."

كانت الهنوف وامها جالسين بالصاله...
ام تركي: هاه .. حبيبتي ان شا الله انبسطتي عند رغوده..
الهنوف: والله انبسطنا وفليناها بصراحه اختها رورو تهبل فله...
ام تركي: وهي بأي سنه..
الهنوف: هي بثالث متوسط...
ام تركي: ما شا الله .....الله يخليها لاهلها..
الهنوف: امين ..
دخــــــــل تركي...
تركي: احلى سلام لأحلى موجودين..
ام تركي: هلا والله بوليدي
تركي: هلا يمه وشلونك وش اخبارك..
ام تركي: بخير دامك بخير..
تركي: اهلين بأختي الهنوف وش فيك ساكته انبلع لسانك..
الهنوف: تركي اذا بتستخف دمك خلني اقوم احسن لي..
تركي: لا خلاص اجلسي بأسكت ..
الهنوف جلست تبغى تفضحه عند امه يعني جلست شر:ايه صح تركي نسيت اقولك ..وش عندك اليوم اليوم تقز صديقتي قز...
تركي يصرف الموضوع: انا.........متى..؟؟
ام تركي: وش السالفه .. اخوك وش فيه وش مسوي ...
الهنوف: يمه ابد سلامتك ...بس تركي قعد يطالع صديقتي رغد لما حفظها ولو اقوله ارسمها رسمها..
ام تركي: تركي الكلام اللي تقوله اختك صح...
تركي: يمه ما عليك منها احقريها ...عاد من زينها هي وصديقتها<<والله العكس..
ام تركي: اسمعني زين...ياتركي انت ما ترضى احد يطالع بأختك وشلون عاد بنات الناس .. ولا اقرب الناس لاختك اللي ما تعتبرنا غير اهلها وما تعتبر الهنوف الا اختها الثانيه..
تركي: يمه ما طالعت احد..الهنوف تبالغ..
الهنوف: يمه يعني ما تعرفين سوالف ولدك ما هي جديده..
تركي: انتي اسكتي ولا والله لا اقوم واعلمك الادب..
الهنوف سوت اللي براسها: انا طالعه فوق .........يمه تصبحين على خير<<<<نذله..
ام تركي: وانتي من اهله ...... وتغطي زين لا يحوشك برد..
تركي: يمه أي برد واللي يعافيك ... الدنيا تطبخ من الحر..
ام تركي: ولو اخاف على صحة اختك ...
تركي: انا المنسي بالسالفه..
ام تركي: انت اترك سوالفك وانا احطك بعيوني..
تركي معصب: انا طالع .......تصبحين على خير...
ام تركي: وانت من اهله ..... الله يهديك ياوليدي .... وتجوز عن هالحركات اللي مالها داعي..

عنــــــــــــــــــــــــــــــــد مــــــــشـــــــــــــاري

مشاري منسدح على السرير ويفكر: الهنوف ... حبيت هالاسم وصاحبة الاسم ... شكل البنت فله رومانسيه مو مثل اللي عندنا<<<الولد متعقد..
ولا وباين عليها نعومه .. وعيونها احس فيها لغز ...من البراءة اللي فيها...انا لازم افاتح امي بالموضوع ...كل يوم تحن على راسي تزوج تزوج ..الحين اخليها تخطبلي من بكرا<<< الاخ مستعجل..
انا الحمد لله ادرس واشتغل مع ابوي في الشركه وما قاصرني شي .. بس اخاف تقول دراسه وما دراسه ومو الحين او ما افكر بالزواج..بنات هالايام دلعهم زايد..بس ان شا الله انها مو منهم ..."وقعد مشاري يفكر طول الليل لحد ما استقرت الفكره براسه وبعدها نام"

عــــــــصـــــــر الجمعه

ريم تكلم ساره..
ساره : سمعتي بالخبر..
ريم: لا ما سمعت شي..
ساره: الرياض كلها درت معقوله ريم ما تدري..
ريم: ساره اخلصي شنو...
ساره: فيه مؤتمر بينعقد في الرياض وعطونا اجازه يومين يوم الثلاثاء والاربعاء ...ومع الخميس والجمعه صاروا اربع ايام..
ريم والدنيا مو سايعتها من الفرح: قولي والله....الله من جد وناسه ياااااااااااااااي فله..
ساره: ايه ترى بس الرياض اللي فيها الاجازه..
ريم: بصراحه مساكين الباقي بس اهم شي ان هالاسبوع نصه اجازه..
ساره: ايه عاد خططوا عليه صح..
ريم: لاتنسين دائما وابدا معك ام الافكار..
ساره: لا ما نسى ابد..
ريم: والله والله وناسه ..بروح ابشر رغد...
ساره :اجل يله ما اطول عليك مع السلامه واشوفك بكره ان شا الله ..
ريم: ايه ان شا الله .. مع السلامه ..

وراحت ريم على طول عند رغد..
ريم: رغد.. رغد..بسرعه بسرعه..
رغد: خير وش فيك؟؟
ريم: سمعتي بالخبر..
رغد: أي خبر؟؟
ريم: خبر الاجازه..
رغد: ايه توني مسكره من الهنوف تبشرني..
ريم: والله فله وش نخطط عليه..
رغد: الهنوف ما شا الله عليهم بيروحون الشرقيه..
ريم: الشرقيه... والله فكره..
رغد: وشو اللي والله فكره..
ريم: نروح الشرقيه احسن من الرياض ومنها سفره..
رغد: والله وناسه اهم شي اكون مع صديقتي..
ريم: وانتي هذا اللي هامك ... صديقتك واخوها..
رغد: يا اللي ما تستحين على وجهك عيب تقولين هالكلام لاختك الكبيره..
ريم: يعني تلعبين على نفسك انك ما تحبينه او حتى ما تفكرين فيه..
رغد صارت تفكر انها احتمال تشوف تركي وعاااااااااااااااااااااااشت الجو....
ريم: رغد....رغد...... لا البنت راحت فيها لروح لامي احسن لي ... واقولها عن مخططاتي..
رغد ما زالت تفكر بعمق...<<< اهم شي بعمق..

ام مشاري: والله ما ادري يا ريم قولي لابوك ومشاري..
ريم: يمه والله الشرقيه فله ووناسه وكل الناس بيرحون لها ... وخلينا نروح احنا وعمتي وعمي وخالتي بعد..
ام مشاري: ابقول لابوك ونشوف..
ريم: يمه حاولي فيه وان شا الله بيوافق..
ريم مسكت التليفون وبدت نشرة الاخبار..<<<<ام هلال...
ريم: ايوه عبيرمثل ما قلت لك قولي لابوك لحد ما يوافق..
عبير: والله لو نروح من جد بنبسط ..
ريم: اكيد ما يبغالها . بس ما اوصيك حاولي حاولي ولا تخلي اليأس يتغلب عليك..<< تأثير الحماس
عيبر:وينى فيه في معركه..
ريم: ههههههه المهم انا بروح اكلم البقيه مع السلامه..
عبير: مع السلامه..
@@@@@@@@@@@@@@@@@@@@@@@@@@@@@@@@@@@
ريم: فجر مثل ما وصيتك..
فجر: لا توصين حريص اصلا امي ما يبليها شي على طول بتوافق..
ريم: المهم علميني بأخر المستجدات..
فجر: اوكي...
&&&&&&&&&&&&&&&&&&&&&&&&&&&&&&&&&&&&&&&&&&&

الحين راح اعرفكم على خالتهم..
ام فيصل: هي اخت ام مشاري الوحيده وما عنها الا بنت وحده وولد واحد..
ابوفيصل: رجل اعمال كبير ومشهور وتستفيد منه شركة ابو مشاري وابو ماجد..
فيصل: الولد الوحيد مثل ما قلت عمره (20) سنه بالجامعه..وسيم لابعد درجه اسمر وسماره يذبح وجذاب وعيونه سود وكحيله وطويل ومايل لنحف شوي ..بس السكسوكه ما يبلها كلام محليته وطالع ولا احلى..
شجون: دلوعة امها وابوها واخوها<<<من بقى..
عمرها(17)سنه ...تشبه فيصل بس ملامحها ناعمه واكثرشي ما خذه العيون الكحيله ..حبوبه وطيوبه بس فيها دلع شوي...

&&&&&&&&&&&&&&&&&&&&&&&&&&&&&&&&&&&&&&&&&&&&
ريم: هلا شجون..
شجون: اهلين ريومه..
ريم: وش اخباركم.
شجون : الحمد لله..
ريم: اكيد سمعتي بالخبر.
شجون: تقصدين الاجازه..
ريم: ايوه عليك نور..
شجون: ليش وش فيها..
ريم: احنا خططنا نروح الشرقيه..
شجون: من جد اجل احنا معاكم..
ريم: اوكيه قولي لخالتي واتفقي معاهم عشان نروح مع بعض ...اوكيه..
شجون: اكيد...اوكيه ما يبلها كلام..يله باي..
ريم: باي..

ريم رجعت لعند رغد بغرفتها وما زالت رغد بنفس الوضعيه اللي تركتها فيها ..
ريم: الحمد لله على العقل صدق البنت خبله........رغد....رغد..
رغد: هااااه .....نعم....خير..
ريم: الخير بوجهك ....هيه انتي اصحي ....اصحي..
رغد: ليه شايفتني نايمه..
ريم: تدرين صار لك نص ساعه وانتي على هالحااال ..
رغد: اخلصي وش تبين ...تراك قطعتي حبل افكاري..
ريم: طيب لزقيه ههههههههههههههههههاي ..
رغد: هه هه هه بايخه يا الباخيه..
ريم: المهم انا كلمت امي وبيت عمي وبيت عمتي وبيت خالتي عن الشرقيه..
رغد: الله االله مسرع ما صدقتي خبر ما شا الله عليك المفروض تصرين صحفيه..
ريم: بسم الله علي من عيونك..
رغد: ما شا الله عليك..
ريم: ايه كنت اقولك خلينا نجهزالاغراض الحين عشان الحماس..
رغد:طيب قلتي لابوي..
ريم: خلاص انا قلت لاعمامي اكيد بيوافق وانا اقول نمشي الاثنين احسن..
رغد: وانتي على كيفك بتمشين الرجال.
ريم: ايوه انا ريم عن عشرة رجال..
رغد: ايه واضح عليك..
ريم: ونغيب من المدرسه الاحد عشان نستعد للرحله..
رغد: حرام وش بقيتي السبت كمليها وخلصي نفسك..
ريم: ودي بس ابي اشوف سارونه واودعها..
رغد: ايه زين فكرتي فيها..
ريم: خلينا ننزل عند امي..
رغد: يله..
ونزلو تحت لعند امهم بالصاله ولقوا ابوهم ومشاري ومشعل..
ريم: هااااااااي..
رغد: هاااااااااااااااي..
ابو مشاري: وش هاي ..قولو السلام عليكم..
ريم: ان شا الله يبه من عيوني المره الثانيه..
مشعل:يبه ما تعرف على قولتهم حركات بنات..
رغد تهمس لامها: يمه قلتي لابوي عن موضوع الشرقيه..
ام مشاري: ايه قلت له وبعدين دقوا عليه اعمامك وقالوا موافقين..
رغد: ايه زين الحمد لله......................ريم..ريم..
ريم: خير..
رغد: ترى اعمامي وافقوا واتصلوا على ابوي .. وابو وافق..
ريم: واااااااااااااي ونااااااسه..
مشاري: اجل يبه بنروح الشرقيه.
ابو مشاري: ايه ان شا الله..
ريم: بابا ودنا نمشي يوم الاثنين..
ابو مشاري : والدوامات والشركه..
ريم: بابا عادي خذوا اجازه..
ابو مشاري: هاه مشاري وش رايك..
مشاري: والله يبه الشركه مستقره وعادي لو نروح من يوم الاثنين..
ابو مشاري: اجل الاثنين الاثنين..
رغد وريم: يــــــــــــــــــــــــــــس...
مشاري : قلتوا لاعمامي وخالتي..
ام مشاري: ايه ريم ما قصرت ما بقت احد الا وقالت له..
مشاري: ايه عاد ريم واللقافه ونشر الاخبار تلقينها..
ريم حاقرته وما ردت عليه..
مشاري دق موبايله: عن اذنكم..
ابو مشاري: اذنك معك..
مشاري: الو هلا سليمان..
ريم سمعت سليمان ذبت اذنها عنده
سليمان: هلا والله كيفك؟؟
مشاري: والله الحمد لله بخير .
سليمان: الحين وش عندك..
مشاري: ابد قاعد مع الاهل..
سليمان: اجل اشغلتك.
مشاري:: لاعادي....اسمع الاهل بيروحون الشرقيه تخاويني..
سليمان:والله ما ادري..
مشاري: عادي انت والاهل وخل الاهل يتعرفون على بعض..
ريم سمعت بس ان مشاري قال تخاوينا الشرقيه وقلبها تحس انه بيطلع من مكانه ..
مشاري: اجل استشير الاهل ورد علي..
سليمان: اوكيه خلاص تامرني بشي ..
مشاري: سلامتك ...مع السلامه..
سليمان: مع السلامه..
ورجع مشاري لعند اهله..
ام مشاري: اجل هذا سليمان...
مشاري: ايوه وقلت له يجي ومعه اهله معنا للشرقيه..
ام مشاري: زين سويت خلينا نتعرف على اهله شكلهم ناس اجاويد..
ريم ما تحملت انهم يتكلمون عن سليمان ..وقامت لان عيونها بتفضحها وكانت خانقتها العبره مشتاقه لسليمان وفرحانه وضايق صدرها بنفس الوقت.......وقامت ولحقتها رغد....................
رغد:ريم وش فيك؟؟
ريم: يعني ما سمعتي انه بيروح معنا للشرقيه ..
رغد: طيب وش فيها..؟؟
ريم: انا ما اقدر اتحمل ..
رغد:هذا الشي بيكون من صالحك عشان تعرفين وش مشاعره..
ريم قعدت تفكر: صح انا لازم اعرف وش اخرتها معك يا سلمان ولازم اصفي اللي بينا ..
رغد: المهم لاتتعبين نفسك من التفكير كل شي مع الايام بيوضح ....
ريم: ان شا الله ..................
نهااااااااااااااااااااااااااية البااااااااااااااارت

الــجــــــــــــــــــــــزء الـــثـــــــــــامـــــــــــــــن

صبـــــــــــــــــــــــــــــــــاح السبــــــــــــــــــــــــت

في مدرسة ريم..

ساره: اهلين رورو..
ريم: اهلين سارونه..
ساره: مبروك مقدما على الاجازه..
ريم: الله يبارك فيك .. ما تصدقين قد ايش فرحت فيها...وخلتنا نفتك من المدرسه شوي..
ساره: عاد انتي والمدرسه بينكم حرب طاحنه..
ريم: ههههههههههههه حلوه هذي طاحنه..
ساره:ايه وش قررتوا تسون فيها..
ريم:قررنا نروح الشرقيه ..احنا وعمتي وعمي وخالتي..
ساره: ما شا الله عليكم .. والله وناسه وخصوصا اذا كانت جمعه..
ريم: اكيد.....وانتو؟؟؟
ساره:يعني ما تعرفين الوالد بيودنا المزرعه نقعد نقابل بعض وبس..
ريم: ايه الله يعين....الا ليش ما تجين معانا..؟؟
ساره: صاحيه انتي ...ابوي لو اقوله بنام عندكم ليله وحده سوا فيني شاورما ..اجل لو اقوله بسافر معاكم بيربطني بحزام كله قنابل ويفجر فيني...
ريم: بصراحه ابوك مرره خطير..
ساره: ايه وش عللى بالك الامور سهله...
ريم: ما علينا من ابوك الحين ....سارونه جد با شتاقلك.."وخنقتها العبره"<<<<البنت حساسه ام دميعه..
ساره وتخنقها العبره الثانيه:وانتي بعد بتوحشيني انا ما اقدر اصبر عنك يوم وشلون عاد اسبوع كامل..
ريم ضمت ساره وقعدت تبكي....
ساره وهي تصيح: خلاص لانقلبها محزنه ...يلا كلها اسبوع ان شا الله وراجعه بالسلامه.....يلا نمشي شوفي الاداريات يطالعونا..
وكملو يومهم يودعون بعض وصياح وسوالف <<<<ما ادري وش بيسون في اجازة الصيف...
************************************************** *************

في مدرسة رغد....
رغد: هنوفه ابشرك..
الهنوف: هاه بشريني..
رغد: بنروح معاكم الشرقيه ....وراكم وراكم...
الهنوف: جد والله ...الله يبشرك بالخير ..ما تصدقين فرحتي الحين تسوى مليون دولار..
رغد: بس هذا اللي قدرتي عليه..
الهنوف: واذا بغيتي مليون ين ..
رغد: هذي بعديها لك..
الهنوف: ان شا الله نلتقي.
رغد: اكيد راح اكلم امي وامك واخليهم يقعدون مع بعض بالغصب مو بالطيب..
الهنوف:هههههه زين تسوين فيهم..
رغد: يالله يا الهنوف ما ني قادره اصدق ان بروح مع بعض..
الهنوف: حتى انا.........وقامت وضمت رغد....
""ومر اليوم وناسه وهبال ومخططات للسفره.. طبعا الهنوف تفكر في مشاري اللي اخذ قلبها جماله ..ورغد تفكر بتركي اللي جذبها بجرئته"

مشاري يكلم سليمان......
مشاري: هلا سليمان..
سليمان: هلا والله بميشووو..
مشاري: هاه بشر بتمشون معنا..
سليمان: ايو خلاص انا كلمت الاهل وافقوا....اصلا ما صدقوا خبر..
مشاري: حلو ....اجل نمشي الاثنين...
سليمان: الاثنين....الاثنين.
مشاري: تامرني بشي يا الحبيب.
سليمان: سلامتك يا الطيب..
مشاري:مع السلامه..
سليمان: مع السلامه..
&&&&&&&&&&&&&&&&&&&&&&&&&&&&&&&&&&&&&&&&&&&&
اعرفكم بعائلة سليمان...
ام سليمان:هي المسؤله عن عيالها بعد وفاة ابوهم وربتهم وكبرتهم لحد ماصار يعتمد عليهم<<<<ونعم الام والله..
نجلا: الاخت الكبيره ومتزوجه وعمرها (25)سنه..
مها : في الجامعه سنه اولى بنت طيوبه لابعد درجه تدخل القلب على طول..
سليمان: غني عن التعريف...
محمد: بثالث متوسط يشبه سليمان كثير بس سليمان احلى منه..
عبد الله: عمره ثلاث سنوات ..اخر العنقود...
&&&&&&&&&&&&&&&&&&&&&&&&&&&&&&&&&&&&&&&&&&&&

يوم الاحـــــــــــــــــــــــــد

جا اليوم المنتظر.. ريم ورغد كانوا يرتبون الاغراض للرحله..
ريم: اخذ هذي البلوزه..
رغد: خذيها...
ريم: طيب وهذي..
رغد: ياربيه يا ريم خذي اللي تبين...
ريم: رغد لا تصيرين بايخه والله محتاره..
رغد: في ايش محتاره ...في اللبس ولا في سليمان..
ريم: والله في الاثنين....
رغد: خليك من التفكير واللي كاتبه ربك بيصير وخلي الايام تجيك ولا تسبقين الاحداث..
ريم: باحاول...
وكملو ترتيب لحد ما خلصو وتجهزو عشان من الفجر راح يمشون واقولكم من العوائل اللي راح تمشي "عائلة ابو مشاري...عائلة ابو ماجد...عائلة ابو فواز...عائلة ابو فيصل...وعائلة سليمان..وعائلة تركي.."<<<<ما شا الله يا كثرهم..

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
فجر الاثنين

مشى الكل بسيارته وكانوا ورى بعض....
راح اوصف لكم حالة كل شخص يهمنا امره...
ريم كانت تحاول تشوف سليمان..
سليمان كمان كان يحول يشوف ريم...
تركي كان مبسوط يوم عرف انهم راح يكونوا مع اهل رغد وقعد يحاول يقز بس ما قدر لانه كان يسوق..
ورغد نفس الحاله ..
الهنوف كانت طول الوقت تطالع في مشاري..وخصوصا انهم كانو جنب بعض..
مشاري كان يستحي انه يطالع سيارة صديقه فا ما لف وجهه..
عبير كانت تطالع سيارة طلال ...اللي كان لحاله..
العنود كمان كانت تطالع سيارة طلال .......الخوات يحبون نفس الشخص وكل وحده ما تدري عن الثانيه ...
واكيد ما راح ننسى لين لانها راكبه مع مشعل في السياره فما راح تتعب نفسها وتناظر لانها لاصقه جنبه وتلعب معاه جيم بوي وتأكل مشعل شيبس<<<<مراهقين اخر زمن..
وليد ما راح ننساه لانه ما كان عنده نيه يروح الشرقيه الا بس يوم عرف انو رغد وعمه بيرحون معاهم .وقرر يجي معاهم...
فيصل يحب فجر من كانوا صغار وكان دايما يشوفهم في بيت ابو مشاري ..بس فجر ما تدري عن هوى داره فكان يحاول يشوفها بس ما قدر لانها ما عطته وجه...

************************************************** *********
في سيارة ابو مشاري...

ابو مشاري اتصل على اخوه ابو ماجد..
ابو مشاري: هلا والله ابو ما جد ....وش رايك ناخذ كلنا شاليه واحد..
ابو ماجد: والله ونعم الراي..اريح من الفنادق واوسع صدر...
ابومشاري: اجل خلاص كلم الباقي وخبرهم..
ابو ماجد: خلاص فمان الله..
ابو مشاري: فمان الكريم...

"وقفوا عند اخر محطه على طريق الدمام"
عبير تتصل على رغد...
عبير: هلا والله ..رغد تعالوا انتي وريم معنا في السياره ..
رغد: لحظه بسأل ريم............ريم تقول عبير تعالوا معنا في السياره..
ريم: ايه والله طفشت ..
رغد: ايوه عبير خلاص احنا جاينكم...
عبير بفرحه: يلا بسرعه..
رغد: يمه بنروح سيارة عمي اوكيه..
ام مشاري: اوكيه روحوا..
نزلوريم ورغد وكانت سيارة سليمان واقفه بين السيارتين مرت ريم من عند السياره وهي عارفه انها سيارة سليمان بس ما لفت وجهها وكان قلبها شابكينه على خط 220 يدق بقوه وبسرعه جنونيه..
سليمان اول ما شاف ريم صار قلبه يدق بسرعه وقاعد يطالع عيون ريم لانه جد مشتاق لها ..ومرت ريم من عنده ولا لفت عليه وهذا اللي زاد همه على هم...
رغد ركبة سيارة عمها وكانت جمس..وركبت بالمرتبه الاخيره..
رغد: هلا والله عبوره..
عبير: هلا والله فيكم تو ما نورت السياره...
رغد:منوره بأهلها..
عبير:اجل وين ريم..
ريم: وصلت ست الحسن والدلال..
عبير: ايه واضح .. اركبي وانتي ساكته..
رغد: وشلونك خالتي..
ام ماجد: بخير الله يسلمك وشلونك انتي وامك ؟
رغد: الحمد لله بخير..
العنود نطت عليهم في المرتبه الاخره..
ريم: وجع يا الدوبا ...
العنود: مسكينه البنات في المدرسه ما ينادوني الا الرشيقه..
ريم: تلاقينهم من الوزن الثقيل..
والكل يضحك"هههههههههههههههههههههه
"وكملو الطريق ضحك وسوالف ورقص..."
ونسيت شي خطير كل سياره لاتخلو من الحب والفصفص واكيد القهوه والشاي<<<<كوفي مو سياره...
********************************************
وصلوالشاليه كان كبيييييييييييييييير بالمرررررررره وكان فيه قسم رجال بغرف النوم حقته...والوسط كان فيه ملعب كبير وهو الفاصل بين القسمين وبعده قسم الحريم بغرف نومه كمان....وكل العوائل نزلت من السيارات وبدى ترتيب الاغراض والسلام على بعض وخصوصا فيه عوائل ما تعرف بعض وبدى التعارف وكل ناس راحوا لقسمهم....
البنات بدا عندهم مهمة استكشاف المكان...
عبير: والله وناسه يهبل الشاليه مرره جنان..
نوف: والله خطير..
ريم: صراحه شي..
رغد: مررره نايس..
فجر: روووعه..
شجون: خيالي..
العنود تناظر كل وحده : الحمد لله والشكر صدق بنات مو شايفين خير..
عبير: احلفي بس يا بنت العز...
وقاموا البنات يضحكون..
"على فكره البنات لحالهم والحريم لحال"
ريم تناظر اخت سليمان مها: الا انتي بأي سنه..
مها: انا اول سنه بالجامعه..
ريم: ايه ما شا الله ...... وقامت تهمس لرغد: والله فيها من سليمان..
رغد: ايه فيها بس سليمان احلى...
ريم: باين عليها حبوبه..
رغد: ايه واضح..
مها: وانتي يا ريم..
ريم: انا بثالث متوسط..
مها: ايه ما شا الله ... وانتي يا رغد..
رغد: انا اخر سنه ....ثالث ثانوي..
مها: ما شا الله .. باين انو ريم كأنها كبرك مو اصغر بكثير..
رغد: ايوه كل الناس يحسبونا قد بعض...
ريم: احسن ان يبان اني كبيره ولا صغيره..
"وكملو البنات سوالف وتعارف عشان يمنون على بعض"

********************************************

عند العيـــــــــــــــــــــال

ماجد: والله الشاليه فله ..من صاحبة الفكره..
وليد: والله هي وحده من بنات عمي بس اتوقع انها رغد..
ماجد: وش معنى رغد..
وليد: انا قلت اتوقع..
ماجد يطالع وليد بنظرة شك: اكيد..
وليد يحاول انه ما يطالع ماجد: وشو الاكيد....
طلال:عيال وش رايكم نسوي حركات..
وليد: حلوه هذي حركات....يعني مثل ايش؟؟
طلال: نركب دبابات ...نلعب كوره ....نسبح في البحر...يعني..
وليد: وش رايكم نلعب كوره بعد شوي..
فيصل انا أأيد فكرة وليد..
ماجد: خلاص نقول للعيال..

************************************************** *

عند البنــــــــــــــــــــــــــــــــــــــــــــــ ـات

العنود :بنات بلا حيا بلا خرابيط وش رايكم نسوي حركات<<<<ما خذتها من طلال تعرفون الحب وما يسوي..
ريم: مثل ايش..
العنود: خلينا نجيب المسجل ونرقص ونستهبل ..
ريم: والله فكره يله..
جات لين: بنات .بنات.. العيال يلعبون كوره..
العنود وعبير: جـــــــــــد<<<<عشان الحبيب..
ريم ورغد: صـــــــــــــدق<<والله هبلات..
لين: والله والله .. ومشعل بيلعب معاهم..
البنات يضحكون عليها...
ريم: ما شا الله ما قد شفت بنت بجرئتك..
رغد: اقول بنات خلينا نروح نشجع بس..
البنات:يـــــــــــــــــــــــــلآ

**********************************************

عند العــــيـــــــــــــــــــــــــــــــال

العيال انقسموا فريقين
الفريق الاول: مشاري-مشعل- وليد- ماجد-سليمان.....
الفريق الثاني: تركي- فواز – طلال – فيصل- محمد...

وبدا اللعب....

كانوا البنات صافين على جنب يطالعونهم...
والعيال لما شافوا البنات قام كل واحد يسوي حركات ويعنني اعرف العب...

وبدا اللعب مشاري اخذ الكوره وناولها لمشعل ..
على طول ريم صرخت: ايوا مشاري ايوا مشـــــــــــــــــــــــــاري...
رغد: على ايش كل هذا..
ريم: لا بس كانت معه الكوره....
رغد: اقول اخمدي..
خذى الكوره مشعل وناولها لسليمان تقدم لما وصل لتركي .. وتركي على طول حاول ياخذ الكوره .. وكسره ما درى واخذ الكوره من سليمان... وسليمان طاح على ظهره طيحه اليمه وقويه..
ريم فزت من مكانها وصرخت: ســــــــــــــــــــــــــــليمان....
رغد سكتتها: وين انتي يا المجنونه وين رايحه..
ريم: حرام سليمان طاح اكيد الحين متعور..
رغد: تبين تفضحين نفسك عند البنات اهجدي بس..
ريم:كله من تركي النذل ...
رغد: عاد مو تحطين اللوم على تركي..
قربت الهنوف من عندهم: ذا التركي ما يعرف يلعب ويكسر الناس..
ريم كان ودها تقول طلعي اخوك لا اذبحه بس سكتت...

قربوا العيال من سليمان...
الكل: هاه ...سلامات...
سليمان: كملو..كملو..ما صار فيني شي..
مشاري: سليمان....اكيد....
سليمان: اكيد.....وتريك وش هاللعب عندك...
تركي: والله ما دريت "وهمس له" يا النسيب..
سليمان لف على ريم وشافها تطالعه وحس انها خايفه عليه فقام على طول عشان ما يخوفها زياده.. ورجع يلعب...صح انه تألمه شوي بس كمل لعب..
جات هجمه للفريق الثاني وكانت الكوره مع طلال ..طلال عدى بمشعل وبعدها مشاري وبعدها بالحارس اللي كان ماجد وسجل الهدف....
قاموا العنود وعبير ونوف وشجون يصارخون:هيـــــــــــــه هيـــــــــــــــه...
وقام طلال يوزع بوسات للبنات وعبير والعنود عاشوا الجو وكل وحده تحس ان البوسه لها....

وبعد دقايق..

اخذ مشعل الكوره وناولها لمشاري ومن مشاري لسليمان ومنه لمشاري مره ثانيه وعلى طول للمرمى وسجل هدف...........
قامت ريم ورغد والهنوف والبنات يصارخون.:مشــــــــــــــــــــــــاري..........مش ـــــــــــــــــــــاري..
ريم: والله تهبل يا مشاري والله تهبل واللي معك..

سليمان ميز الصوت وكمل ودرى انها بدت ترضى عليه ...ولعب بنشاط<<اكيد ريم بالنسبه له باور هاورس...
*******************************************

عند الحــــــــــــــــــــــــــــــــــريم

ام مشاري: والله انا أأيد ان الحرمه تسوق السياره ليش لا....حالنا حال الناس<<<المره متفتحه..
ام فيصل: وانا راي من راي ام مشاري المره لازم يكون لها حريتها الشخصيه<<<<خوات
ام ماجد: والله انا اقول للاشياء الضروريه يمكن....بس البنات ما راح يخلونها للاشياء الضروريه...بيصير حالهم حال العيال...
ام فواز: واالله ما ورى السواقه الا المشاكل..
ام الهنوف: وانا راي من راي ام فواز..
ام سليمان: والله كل شي في الحياة فيه الشي الصح وفيه الخطأ والهادي الله ..
ام مشاري: وانا اتفق مع ام سليمان....بس لازم يكون فيه حريه شوي...
"وكملوا الحريم سواليفهم ونقاشاتهم.."

***********************************************
نرجع لجو الحماس

البنات صراخ وهواش وكأنهم هم اللي يلعبون ..... والعيال يوم سمعوا صراخهم علا وقفوا لعب.....وقعدوا يطالعونهم...

ريم: ايه هين ان ما فزنا عليكم ما اكون انا ريم بنت ابوي..
العنود: ايه هين ابد.... ان ما وريناكم اللعب..على بالكم كل مره تفوزون<<<تقصد يوم الهلال..
رغد: هدو... يا بنات هدو شوي...
العنود: قسم بالله ان ما سكتي يا رويم والله لاأأدبك واربيك..
ريم:يمه خوفتيني مسويه فيها..

طبعا بقية البنات صافين على جنب لانهم يعرفون العنود وريم اذا عصبوا ما يعرفون لا امهم ولا ابوهم...

جاء مشاري لعندهم ومعه وليد....وليد طبعا جاي عشان يستغل الفرصه ويشوف رغد...
مشاري: خير يا ريم..
ريم تطالعه مستغربه وتقول " كانوا يلعبون من شوي ليش وقفوا ":شف هذي اللي شايفه نفسها مدري على ايش..
العنود: مشاري الله يعافيك ..ادب اختك ولا للأدبها انا...
مشاري: خلاص انتو بنات عم عيب اللي تسووونه
ريم: قلها..قلها...تقول انهم بيفوزن علينا<<<بصراحه السبب مره خطير
العنود: هين بنشوف النتيجه واذا فزنا عليكم والله لا اكفخك تكفيخ.
مشاري: ريم ..العنود...خلاص عاد احنا العيال اللي نلعب ما سوينا حركاتكم..

سليمان كان يطالع ريم وعاجبته لانها قويه وما سكتت..
تركي: يا الحبيب اكلت البنت بعيونك ..بق لي شوي..
سليمان: والله من جد فاضي..شوف ما شا الله عليها قويه ما سكتت عن حقها..

فيصل كان يطالع فجر وحركاتها ويحس انها غير البنت وانها ما تشبه احد<<على قولة المثل القرد في عين امه غزال..

وليد عايش الجو وراح لعند رغد ووقف جنبها...
رغد ما انتبهت له لانها لاهيه مع اختها..
وليد: احم...احم....هلا رغد...
رغد لفت تطالع من يكلمها....يوم شافته لفت وجهها على طول...
رغد في نفسها" صدق ما يستحي وعند اخواني بعد":هلا..
وليد: كيفك وش اخبارك..
رغد"والله يمون بزياده":بخيـــــر
وليد: وين من زمان ما شفناكم..
رغد لفت عليه وتوها بتصارخ عليه بس شافت عيونه سكتت لانه كان يطالعها بنظرات غريبه: والله الظروف اشغلتنا شوي..
وليد يوم لفت عليه انبسط:ايه وش اللي شاغلكم عنا <<<يقصد نفسه..
رغد تبي توقفه عند حده: وليد لو سمحت ابعد عني ما تشوف اختي تتهاوش مع اختك.. وانت واقف..
وليد بثقه: تبيني اوقفهم...
رغد: يله ورنا...
وليد راح لعندهم وصرخ بأعلى صوته :خير انتي وياها..
سكتوا ريم والعنود بسرعه ونزلو روسهم..
وليد وما زال يصارخ: وش هالحركات البايخه انتو بنات عم وماله داعي الهواش يـــــــــــــــــله كل وحده تحب راس الثانيه..
ريم تطالع العنود...والعنود تطالع ريم ...وتقدموا وحضنو بعض ووما سوها الا خوف من الوليد...
وليد ابتسم وقعد يطالع رغد..
مشاري: والله حليتها وينك من زمان...
وليد: البنات ما ينفع معهم الا العين الحمراء ...الا وحده بس..
مشاري: ومن هي تعيسة الحظ هذي..
وليد: موشغلك ...يله كل واحد على فريقه..

راح وليد عند رغد: شفتي قلت لك لا تشيلين هم وانا موجود ....وكمل طريقه..
رغد تطالعه بصدمه: وش قصته هذا وش يبغى مني الحين....اول مره يتكلم وليد معاي بالطريقه هذي...
جات ريم عند رغد: شفتي ما بقى الا هذا يصارخ علينا..
رغد: صادق والله لوعتي كبدي انتي وياها..
ريم: عشانه خطيب الغفله تدافعي عنه..
رغد: اقول اسكتي زين..

رجعوا مشاري والوليد لعندالعيال...
سليمان: احلى يا الوليد وش هالقوه اللي نزلت عليك..
وليد: احم ..احم...انا الوحيد اللي يعرف للبنات..
تركي كان منقهر منه لانه شافه يكلم رغد بس سكت لانه ما يقدر يقول شي ..
فيصل: ماخذ في نفسك مقلب..
"الكل يضحك على وليد وحركاته"
خلص الشوط الاول تعادل1-1 وبعدها اخذو بريك..

العنود: ريم خلاص ما صار شي ...والله من الحماس قعدت اصارخ..
ريم رحمتها: خلاص عنوده...رجعنا حبايب....وحضنوا بعض<<<<بنات بسرعه يزعلون وبسرعه يرضون...
البنات:هووووووووووه...واخيرا كذا اشكالكم احلى.
سليمان كان يطالع ريم وتمنى انه يكون مكان العنود..
العنود: يله بنات خلونا نرجع ونشغل المسجل ونرقص...
ريم: يله..
وراحوا البنات وبدو يرقصون والمسجل كان عالي والعيال يسمعون صوت المسجل ..
فواز: يالله يا حظهم البنات...
ماجد: شويه هم اللي فالينها يجون عندنا واحنا ما نجي عندهم..
وكان الكل منقهر منهم...
ريم كانت ترقص وبعدحا جابت عبايتها وقامت ترقص بالعبايه والبنات قلدوها وقاموا يستهبلون ورغد تصور..
ريم ذكرت ولد خالة عبير والعنود..
ريم: تكفين العنود قلدي ولد خالتك..
العنود: حرام عليك كل مره ترقصين تقلدينه..
ريم: والله يهبل ..يلا خلينا نضحك شوي..
العنود قامت تقلده .... والبنات فاقعين ضحك...
*****************************************

تركي لسليمان: يا حلو ضحك البنات كذا ههههههه مو احنا الرجال هع هع هع هع
سليمان: أي الله وانت الصادق وخصوصا زوجتي ضحكتها عذااااب..
تركي: حتى حرمتي ضحكتها تجيب الجلطه على طول..
وقعدوا يضحكون على انفسهم لان كل واحد مخطط على كيفه...

***************************************
ناخذ لفه على عشاقنا المراهقين...

لين: شعول بصراحه لعبك مره حلو..
مشعل: والله انتي الحلوه...
لين مستحيه:ههههههه وانا اقول ليش احبك <<<<البنت رايحه فيها..
مشعل : والله انا اللي اموت فيك وعشان عيونك ابسجل هدف..
لين: والله ....تسلم يا قلبي..
مشعل: هههههههه صدقيني غيرك ما راح اخذ..
لين:حتى انا اوعدك غيرك ما راح اخذ....
وكملوا رومنسيه لاحلى حب برئ في الكون.....

******************************************

ورجعوا العيال للشوط الثاني...
وجوا البنات بعد ما قالت لهم لين...
بدا الشوط الثاني هجمات ما في اهداف...لحد ما اخذ ماجد الكوره وتقدم وعدى بفواز وبعده فيصل وناولها لمشاري ومن مشاري لسليمان وتقدم لحد ما صار قدامه تركي ناولها لمشعل عشان ما عنده احد وتقدم مشعل لحد ما صار قدامه محمد ...حاول محمد يا خذ الكوره منه بس مشعل قدر يناور فيه وسجل الهدف وراح على طول لعند لين وشالها ولين كانت مبسوطه .. والبنات حاسدينها على حبها اللي ما خبته وكان الكل يدري عنه ..وما يستحون منه وبنفس الوقت برئ وصادق...

العيال يضحكون على حركة مشعل ..
محمد: والله منت بسهل يا مشيعل..
مشعل: وش على بالك هذي حبيبتي..
محمد: احلى .. احلى انا ما اقدر على الحب..
والبنات ميتين ضحك..
نوف: لين يا اللي ما تستحسن على وجهك وشلون تخلين مشعل يشيلك..
لين: عادي حبيب يشيل حبيبته فيها شي..
فجر: تحسب نفسها في امريكا..
رغد: خلوهم ينبسطون..
لين: اصلا مشعل قايل لي انه بيسجل الهدف لعيوني...
البنات يصارخون: احلى احلى يا مشيعل اجل الهدف لعيون لين..
العيال يضحكون ومشعل استحى..
مشاري: اجل لعيونها....حركاات..
مشعل: وش فيكم الوضع عادي ولا غيرانين..
مشاري: لا الله يهنيك..
وكملو الشوط والنهايه فاز الفريق الاول 2-1

رجعوا البنات وكانوا هلكانين من الطريق وارقص والمبارات .. راحوا لغرفهم وعلى طول ناموا الا ريم ورغد والهنوف..

الهنوف: رغوده حبيبتي والله فيني النوم..
رغد:طيب انا مافيني نوم..
الهنوف: كيفك انا بنام..
رغد:براحتك..
ريم: رغد ماجاني نوم وش اسوي..
رغد: حتى انا ماجاني وطفشاااااااانه
ريم: تقومين نتمشى شوي عند البحر..
رغد: اخاف امي تعصب علينا ..لانو الوقت متأخر..
ريم:محد داري انشاءلله وناخذ جوالاتنا معناا..
رغد:اوكيه يلــــه..
ريم :يله..

"طلعوا عند البحر برى الشاليه..

سليمان: تروك تقوم معي..
تركي:والله مالي خلق..
سليمان: تكفى قوووم..
تركي: ترى ربع ساعه وبعدها برجع..
سليمان :اوكيه يله
تركي: يله.......وطلعوا

"كانوا ريم ورغد يتمشون ويسولفون.."..
ريم: تصدقين يارغد اليوم لما شفت سليمان احس انو حبي رجع له..
رغد:ليه وانتي كرهتيه كل هالكلام اللي كنتي تقولينه كان من ورى قلبك مو من قلبك..
ريم: صادقه..كنت العب على.......................................<<سكتت..
رغد: وش فيك؟..
ريم: فيه احد من العيال طالع..
رغد: لايكون مشاري..
ريم: والله هيئة الجسم مو هيئة مشاري كأنه......<<وسكتت..
رغد كانت تحاول تطالع: هم اثنين مو واحد..
ريم: اتوقع.......اتوقع انه سليمان..
رغد:سليمان:لالا ماتوقع..
ريم: والله قلبي مايكذبني واكيد اللي معه تركي..
رغد قلبها يدق: كـــذااابه .....والله فشله..
ريم :خلينا نمشي كأننا مو شايفينهم..
رغد: اوكيه..

سليمان: تروك اقول فيه بنتين هناااااااك..
تركي: يمكن من الشاليه اللي جنبنا..
سليمان:والله احس اني اعرف هالأشكال..
تركي: تصدق حتى انا عندي نفس الإحساس..

سليمان يسرررع وبدى يلاحظ شوي ..: تروووك.. تروووك شكلهم حريمناا على قولتك..
تركي: احــــــــــــــلف..والله فللللله اشوف زوجتي وعند البحر بعد..
سليمان: امش وانت ساكت لحد مايكلمونااا فاهم..
تركي: مااقدر اشوف رغد قلبي واسكت وما اكلمهاا خصوصا انو اليوم شايف ولد عمهاا يكلمها وانا لا قهررر..
سليمان: اسمع اللي اقوله وانتهينااا..
تركي: امش ..امش.. خلنا نشوف اخرتها معك..

"وصاروا يمشون لحد ماصار بينهم مسااااااافه بسيطه"

نهاااااااااااااية البااااااااااااااااااااارت

الـــــــــجزء الــــــتـــاســــــــــــع

[size=21]سليمان كان يطالع بريم...وريم ما قدرت تبعد عيونها عن سليمان وتحس ان بطنها يعورها وقلبها شوي وتلقاه بيدها من كثر ما يدق وغير الحراره اللي تحسها طالعه من عيون سليمان...وتركي كان يطالع رغد ويبتسم لها ..ورغد ميته حيا وتطالعه شوي وتنزل عيونها شوي....
سليمان تقدم عند ريم.....وريم بعدت شوي عن رغد وقربت لعنده...
سليمان ياخذ نفس وتكلم:رورو..
ريم في نفسها .." يالله اشتقت لأسمي من لسانك"..:هلا...
سليمان: ترى والله ما كنت اقصد شي يوم ارسلت الرساله ..وما كنت ادري انها راح تزعلك...والله واالله واحلف بالقران يا رورو اذا حبيتي ...صدقيني ما كان ودي اجرح مشاعرك او اخليك تحسين بأي شي يضايقك....تكفين صدقيني..
ريم خنقتها العبره وهي تشوف سليمان يترجاها وباين عليه انه يحبها:طيب ليش ارسلتها؟؟
سليمان بتردد:والله كان ودي......ودي اعبر عن مشاعري بس...كان ودي تعرفين ان حياتي بدونك ولا شي...
ريم انصدمت اول مره سليمان يكلمها بالجرئه هذي:.................
سليمان لاحظ سكوتها:ريم اذا وجودي يزعجك ترى امشي عنك واوعدك ما تشوفيني مره ثانيه..
ريم قالتها بسرعه: لااااااااااا......"وسكتت"
سليمان ابتسم: يعني انتي راضيه علينا..
ريم كانت تبغى علاقتهم ما تتعدى الحدود لانها تتعتبر حرام:اسمع يا سليمان انا اعدك مثل اخوي واكثر...
سليمان بحزن: مثل اخوك..
ريم: ايوه مثل اخوي ولا شكلك نسيت الموال...
سليمان يضحك ويقول في نفسه"العوض ولا القطيعه" : خلاص مثل اخوك ...مثل اخوك..
%%%%%%%%%%%%%%%%%%%%%%%%%%%%%%%%%
نروح عند تركي ورغد

تركي كان كل شوي يقرب خطوه... ورغد تبعد خطوه..تركي يقرب ورغد تبعد لحد ما مل منها..
تركي: الحين انا اقرب شوي وانتي تبعدين اكثر..
رغد ضحكت:هههههههههههههه
تركي في نفسه"يا قلبي اللي بيموت من هالضحكه":رغد كيفك وش اخبارك؟؟
رغد:انا.؟؟..............بخير..
تركي: ليه فيه غيرك<<<الرومانسيه على جنب.
رغد:يا خي انت اسلوبك دفش دايم..
تركي: اسلوبي هذا يطيرون عليه البنات..
رغد بغيره:ليه انت تعرف بنات.
تركي: كنت اعرف... بس من يوم دخلت وحده بحياتي تركتهم كلهم...
رغد تبي تعرف من هي:ومن هالوحده هذي..
تركي يبي يرفع ضغطها: لو تشوفينها يا رغد تموتين عليها .. فيها من الجمال كله ومن الزين كله والملح كله..
رغد منقهره:بس بس كثرت عليها..
تركي:والله لو اقعد اوصفها من هنا لما بكره ما وفيتها حقها..
رغد: خلاص عرفنا انها حلوه....طيب لهدرجه تحبها ...غريبه الهنوف ما قالت لي انك تحب..
تركي: هنيف هذي وش يعرفها.... والبنت اللي اقولك عنها مو احبها الا اموت على الارض اللي تمشي عليها..
رغد: ايه ما شا الله ..الله يهنيكم"رغد في نفسها"حرام فقدت الامل فيه حسافه عليها كل هالجمال وتلاقي اللي يحبها اشين خلق الله"
تركي:وش فيك سكتي ما ودك تعرفين من هي؟؟
رغد"بعد يبغاني اعرف من هي عشان اموت بحسرتي":لااااا
تركي:خليني اقولك عشان تكوني واسطه بينا..
رغد: غصب اعرفها ما ابي يا اخي..
تركي:لا بقولك غصب ...اللي احبها ......ما بيني وبينها الا خطوتين..شوفي...."تقدم خطوه".....هذي وحده..."وتقدم خطوه ثانيه"...وهذي اثنين والزين واقف قدامي..
رغد استحت وتحس انها خلاص بيغمى عليهامن الخوف وتحس ان الضغط عندها يرتفع وينخفض وحرارة جسمها نار الله الموقده وصارت ايدها بارده من الخوف والحيا...
تركي قرب منها ..خلاص ما كان بينهم الا مسافة شعره وحده...ومسك ايدها...رغد تناظر يده بيدها ويده كانت دافيه وايدها بااارده..
تركي: ليش ايدك بارده..؟؟
رغد سحبت ايدها ومشت وخلته..
تركي يصارخ: رغوووووده...رغوووده تعالي الله يخليك..

نرجع لعند سليمان وريم..
ريم شافت تركي يصارخ وينادي رغد: يلا سلوم اختي راحت وانا بروح يلا بااااي..
سلميان: باااي وفي نفسه"يا قلبي"
ومشت وخلته....لف سليمان على تركي..
سليمان: يعني لازم تخلي اختها تهج.
تركي:والله احرجتها المسكينه..
سليمتن: اكيد المسكينه..انت ماورك الا البلاوي..
تركي: تعال وقولي وش صار..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&
عند رغد وريم..
كانت كل وحده عايشه احلامها الورديه..
رغد: ما تصدقين يا ريم قد ايش حسيت بأشياء غريبه لما مسك ايدي..
ريم: والله ما يستحي..وما اجرأ منه الا انتي وهذا وانتي قدوتي..
رغد: اقول ريمووووه ترى مو انا اللي معطيته ايدي هو اللي مسكها وبعدين سحبتها على طول..
ريم:هههههههههههه عشان كذا انحشتي..
رغد:ايه استحيت بعد الحركه اللي سواها اقعد..
ريم: صادقه..
رغد: حتى انتي مشا الله الولد عبر لك عن مشاعره..
ريم: سليمان.........اااااااااااه يا حبي له..
رغد: ايه الله يخليكم لبعض ويخلينا انا وتركي بعد..
ريم:آميــــــــــــــــــــن ..يلا خلينا ننام عشان احلم في سليمان..
رغد:حتى انا عشان ما انسى وجهه..
ريم: والحركه بعد..
رغد تضحك: ولا يهمك والحركه بعد..
ريم: يا اللي ما تستحين ..مبسوطه هاه..
رغد وهي تضحك: نامي..نامي.. والله تعبانه الاشياء الموشقه كثيره وذكريني اقولك بكره سالفه..
ريم:وش سالفته وعن مين ومتى صارت..
رغد: ريم اقولك بكره..
ريم: وانا وش يصبرني؟؟
رغد: فكري في سليمان وتنسن ابو السالفه..
ريم:صادقه<<لأول مره تفك اللقافه ..اكيد عشان الغالين..
وبعدها ناموا احلى نومه بحياتهم...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&
صــــــــــــــبــــــــــــــــــاح يــوم الثلاثــــــــاء

صحوا الحريم والرجال.....والبنات والشباب نايمين..
ام مشاري:ام فواز ما صحوا البنات..
ام فواز:لا والله نايمين..
ام الهنوف:خليهم حرام تلاقينهم سهرانين..
ام فيصل:ايه والله حرام..
ام سليمان:خلينا نسوي الفطور للرجال ولنا ونخلي للبنات والعيال لين يصحون..
ام ماجد:ايه كذا حلو..
" وقعدوا الحريم يفطرون ويسولفون...."
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&
عـــــــــــــنـــــــــد الرجــــــــــــــال

ابو مشاري: الا يا ابو ماجد وش اخر اخبار الاسهم..
ابو ماجد: على حطت ايدك السوق نازل ومو راضي يرتفع..
ابو فواز:والله السوق هالايام محد ينصح فيه نازل مره والناس خسرت حلالهم.
ابو مشاري:على الناس.الناس خسرت فلوسهم...وناس توفوا.. واللي جاه جلطه واللي الله يعلم بحاله بعد ما تدين واخذ قرض..
ابو فيصل: الله يعينا ويعين المسلمين..
الكل:آمـــــــــــــــــــــــــــين..
ابو فواز: الا وين العيال..؟؟
ابو مشاري:العيال نايمين لحد الحين!!!؟؟
ابو ماجد:خلوهم شوي وبعدين نصحيهم..
"وقعدوا الرجال يفطرون ويسولفن وكملوا نقشاتهم عن الاسهم والشركه وكل واحد يسوي نفسه ابو الفهامه<<<حال الشياب هالايام..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&
عـــــــــــــــــــــــــــــــــــــند الحريم

ام الهنوف: البنات طولوها في النومه..
ام مشاري: أي والله الحين الساعه 12 الظهر اجل متى بيصحون؟؟
ام سليمان : لو عيهم ما صحوا ابد..
ام الهنوف: وانتي الصادقه..
ام مشاري: بتصل على رغد اقومها واخليها تقوم البنات معها وانتو ارتاحوا..
واتصلت: هلا رغد يله قوموا بسكم نوم..
رغد وبصوت كله نوم: يمه تكفين شوي..
ام مشاري: لاشوي ولا شويات ..يله الحين قومي .. وصحي البنات ..عشر دقايق اذا ما صحيتوا باستخدم اسلوب ثاني..
رغد: لالالا خلاص الحين اصحى واصحيهم معاي كل شي ولا الأساليب الثانيه..
ام مشاري: يله حبيبتي مع السلامه..
رغد: مع السلامه..
رغد راحت لدورة المياه الله يكرمكم وغسلت وجهها وطلعت للبنات عشان تصحيهم..
رغد بصوت واطي: بنات بنات يله اصحوا..
الكل "لاحياة امن تنادي"
رغد مره ثانيه وبصبر:بنات بنات يله عاد مسختوها..
ولا احد حس فيها..
رغد: هين اوريكم....
راحت وجابت استريوا وارفعت على الصوت اخر شي وبعدين عدت 1-2-3-وشغلت المسجل..
البنات كلهم قاموا مخترعين..ورغد تضحك على اشكالهم وحده مطيره عيونها.. والثانيه شعرهاموصل السقف من كثر ماهو منتفش والثالثه قاعده وهي نايمه...يعني اشكالهم غلط..
رغد: بصراحه ودي اصوركم بالموبايل وانشركم بلوتوث واكتب عليه بنات في اول يوم مدرسه..هههههههه...
ريم: رغد والله انك سخيفه ..والله ما تسوى علينا ..طيحتي قلبي..
عبير: رغد والله بايخه..
شجون: صراحه مزحك مررره مو شي..
العنود: هذي رغد.. تراني ما اشوف زين..
الهنوف: وش فيكم على صديقتي هي حره تسوي اللي تبي على قلبي مثل العسل..
رغد: تسليمن يابعدهم كلهم..
الهنوف: الله يسلمك..
ريم: من جد رايقين... رومنسيات على هالصبح...
رغد: موتي قهر..يله قوموا بلا سماجه اصلا لو انا ما سويت هالحركه وقمتوا كان ج تامي وتفاهمت معاكم..
عبير: عاد كل شي ولا امك صراحه اساليبها تطلع الشيب..
العنود:اجل ذك اليوم جايبه ثلج في عز الشتاء وكابته علينا.
شجون: خالتي يا حليلها ما تدرون وش تسوي فيني.
رغد: احسن تستاهلون..
عبير: وانتي طالعه عليها....
رغد: ترى بقولها انك تحشين فيها..
عبير: لا واللي يسلمك فكيني من الحنه..
رغد:هيه انتي اعقلي عن امي..
وبعدها قاموا البنات..وطلعوا عند الحريم...
ام مشاري: هلا والله بالبنات..
البنات: هلا فيك..
ام فواز: وينكم امس ما شفناكم .حتى ما كلفتوا على انفسكم وجلستوا معانا شوي..
نوف: يمه احنا بنات لازم ناخذ راحتنا..
ام فواز: امزح معاكم..من قدكم بنات ما يحبون قعدة العجايز..
ام ماجد: لاعجايز ولا شي ..تونا شباب..
الكل يضحك...
ام مشاري: تبون تفطرون حبايبي..
رغد: ايه يمه تكفين ميتين جوع..
ريم: ايه والله جوعانه حدي..
عبير: خالتي تسوين خير..
العنود: الا وش فطوركم؟؟
ام ماجد: كل خير ا نشا الله..
ام مشاري: روحوا للخدامه احنا خلينا لكم فطور خلوها تحطه لكم..
فجر : تسلمين خالتي..
م مشاري: انتم بناتي..
ام ماجد وام فواز: الله يسلمك..
راحوا البنات يفطرون وقعدوا يسولفون..
العنود: بنات عندي فكره جهنميه..
ريم بحماس: يله نورينا..
العنود: وش رايكم نركب دبابات؟؟
رغد: والله فله..
ريم: من جد وناسه..
عبير: تسليمن يا اختي على هالفكره..
الهنوف: يمه اخاف من الدبابات
شجون ومها:وانتي الصادقه..
فجر: والله من الدلع والرومنسيه الزايده انتي وياها..
رغد: حدك عاد على صديقتي واسمها الهنوف موانتي وبعدين من حقها تدلع..
نوف: وانتو ما شا الله عليكم كل وحده تدافع عن الثانيه ..
شجون: تدافع عنها وتخليني..
رغد تشهق: يمه... بسم الله علينا من عينك.. الهنوف اقري على نفسك الورد لايصكونا بعين والله احسن شيخ بالسعوديه ما يفكها..
ريم: حشى البندق مو نوف<<<<على فكره البندق اللي في طاش ما طاش... عرفتوه خخخخخخ
نوف: ما شا الله الحين يتزاعلون ويقولون مني..
العنود: اول فكونا من الدلوعات وخلوكم مع ام الشباب..
ريم: احلى يا ام الشباب..
مها بدلع: طيب تتوقعون العيال راح يخلونا نركب دبابات..
العنود تقلد صوت مها لانها دلوعه: اكيد يا قلبي غصب ورى خشومهم..
مهاك العنود اعقلي عني..
العنود: مها بصراحه انتي دلوعه بزياده..
ريم:لا البنت مود لوعه انتي العربجيه بزياده..
العنود بعربجيه وحاطه ايدها على كتف ريم: يمكن احتمال كل شي جايز ولا يا اخوان..
الكل صار يضحك على هبال العنود لان منا سبها العربجيه..
رغد: بصراحه تنفعين ولد..
العنود: آخ لوكان بيدي..
ريم: لو كان بيدك شنو ؟؟
العنود: كان صرت ولد..
فجر: الاخت متحمسه يقوه..
نوف: اصلا اقتبست الشخصيه...
العنود تضحك ضحكة رجال: هع هع هع هع وش عليكم مني ولا منقهرين..
رغد: اقول فكينا منك ...وخلينا نروح نقول للعيال عن الدبابات..
ريم: اتصلي على مشاري خليه يضبطنا<<<جتنا العربجيه الثانيه..
نوف: ريم مشكلتك تنعدين بسرعه ما عندك مناعه..
ريم: ليش؟؟
نوف: ما شفتي عمرك تو تقلدين العنود وحركاتها..
ريم: والله ما حسيت بنفسي...يمه لايكون عادتني..
العنود : ليه انا الايدز..
ريم تضحك: لا انتي المرض القاتل لكل الجنس الناعم..
العنود: الله يقطع سوالفك يا بنت عمي.. بس لا تعدينها مره ثانيه لاني راح ادوس في مصارينك..
عبير: اقول العنود تراك ما تنعطين وجه ..كل شوي تزيد وتتعمق في الشخصيه اكثر..اقول اركدي..

رغد: بنات...اسكتوا عشان اسمع..
رغد: الو هلا مشاري..
مشاري بصوت كله نوم: يالله صباح خير.. نعم..
رغد: مشاري نايم..
مشاري: ايه وش رايك ؟؟
رغد: لا اجل اذا صحيت كلمني اوكيه..
مشاري: تسخفين دمك حضرتك ولا وش السالفه؟؟
رغد: لا اقصد اذا صحيت وروقت كلمني..اوكيه بااااااااااااااااي..
مشاري: باااي.....بنات فاضيه..
وتو بيرجع ينام الا ابوه واعمامه داخلين...
ابو مشاري: يله يا عيال..
ابو ما جد: قوموا يله خياس نوم..
ابو فواز:لحد الحين ما شبعتوا يله.............
ابو فيصل: يله تحركوا..
ماجد: يالله صباح خير..وش جمع الشياب مره وحده..
وليد: اسكت لا يسمعونك..
مشاري: انا واحد وما اتحمله ..ويجون الاربعه وشلون..
ابو مشاري: يله اصحوا الحين الساعه 12 الظهر يلــــه..
العيال: خلاص قمنا...
"وراحوا الرجال ..وقاموا العيال وافطروا"
مشاري: ما أدري وش يبون هالبنات؟..
وليد: ميـــن؟..
مشاري: رغد توها متصله علي تقول اذا روقت اتصل علي..
وليد في نفسه:"ماشاء الله تعرف الذوق" ايه اتصل شف شنو يبغون..
مشاري: طيب راح اتصل........الو هلا رغد..
وليد في نفسه:"ياحظــك يامشاري ياليتني مكانك"..
رغد: ميشو ..البنات بصراحه يبون دبابات..
مشاري: الحين..
رغد: ايه الحيـــــن..
"ويسمع البنات يصارخون بصوت واحد..مشاري الله يخليـــــك"..
مشاري: بصراحه كأنكم في مدرسه..
رغد:ههههههههه ايه ننرحم.....هاه وش قلت؟..
مشاري: خلاص ..وش تبون بعد؟..
رغد تسأل البنات: بنات يقول مشاري وش تبون بعد..
مشاري: هييييه يالخبله هذي مجامله لاتصدقين..ويسمع البنات يتكلمون بس ما فهم شي..
مشاري :اقول تراكم ماتنعطون وجه ...مع السلامه ..
رغد: هههههههههههه مع السلامه ..
ريم: ليه ما قلتي له شنو نبي..
رغد: اصلا يقول سألت من باب المجامله..وعصب علي لاني صدقت..
"البنات يضحكون لانهم ما صدقوا على الله احد أعطاهم وجه"..
وليد: ما قلت لي شنو يبون البنات؟..
مشاري: تحمَد ربك ..اللي عندنا مو بنات ..اللي عندنا صعايده ....يبون دبابات..
وليد: ادعـــــــــــس ..البنات يبون دبابات واحنا العيال ما ركبنا..
مشاري: الحين احنا في القرن الواحد والعشرين على قولتهم مافي فرق بين الولد ولبنت..
وليد: في هذي صدقت خواتي الحمدلله والشكر بس لو تشوفهم او تقعد عندهم دقيقه ما تحملت..على طول تهج وتنحاش من البيت كله..كل يوم يتهاوشون على كل شي.. غير لعب البلاي ستيشن ..غير لبس الثوب والعربجه والهبال وغير وغير بس الله يستر على خواتي..
مشاري يضحك: والله عندنا وعندك خير..
وليد بزلة لسان: حتى رغد؟..
مشاري ما انتبه: وريم بعد..
"وليد حمد ربه ان مشاري ما انتبه عليه ..بس الحب وما يسوي"..

العنود: بنات تصدقون قد ايش بنات المدن الثانيه منقهرين منا لاننا عندنا اجازه وهم لا..
الهنوف: صادقه حتى في ناس يقربون لنا في جده ميتين قهر..
ريم: الحمدلله اني عايشه في الرياض ولاكان طبيت من فوق سطح بيتنا..
شجون: وانا من الفيصلية
رغد: بس حرام مساكين ينرحمون..
مها: صادقه والله..
نوف: فجر ماشفتي لين؟
فجر: يعني ماتعرفين وينها اكيد من صباح العالمين وهي مع حبيب القلب..
نوف: تحمدي بس..هالمشعل مطير عقل اختي من راسها..
ريم: وش تحشون في اخوي؟..
نوف: سلامتك..بس كنت اقو لان ليونه استخفت بسبب اخوك
رغد:ليون ياحبي لها مرت اخوي
فجر: ماتملون منها كل يومين ناطه عندكم
ريم:احنا وش علينا منها عادي البيت بيت عمها وحبيب القلب مبسوط معها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
مشعل كان قاعد مع بنت فواز شهد صغيره عمرها سنتين مثل ما قلت من قبل..
شهد: مثعل العب معاي..
مشعل وهو يضحك معها:ههههههه يا حلوك بس قمر ما شا الله..
ودخلت عليه لين وانصدمت في حبيب القلب..
لين: قاعد تلعب مع بنت اخوي ومخليني لحالي آه يا الخاين..
مشعل قرب من عند لين :حبيبتي تراها صغيره وانتي كبيره وفاهمه..
لين عطته كف: اسمع عاد لاتقول حبيبتي مره ثانيه ولا تكلمني اصلا فاهم<<البنت متأثره بالمسلسلات..
مشعل مسك خده منصدم ..كيف حبه تعطيه كف..وبعدها عصب لانه ما تعود احد يضربه اخوانه وهم اخوانه ما ضربوه كيف بنت تجي تضربه..قام مشعل ومسك ايد لين بقوه.
مشعل:اسمعيني يا لين زين.. اذا مديتي ايدك مره ثانيه ترى بأكسرها لك فاهمه..
لين قعدت تصيح وتحسفت لانها مسويه نفسها قويه وهي مو قد زعل مشعل:مشعل والله اسفه ما كنت اقصد والله ما ادري وشلون سويتها..
مشعل كسرت خاطره:خلاص سامحتك هالمره بس المره الثانيه ما في سماح وبعدين تعالي تغاري من بزر عمرها سنتين وانا اقول انتي الكبيره والفاهمه والعاقله..
لين:بس انا اغار ..انك تكلم أي وحده غيري او تلعب مع أي وحده غيري..
مشعل:لا تزعلين..انا اذا زعلتي ما ادري وش يصير فيني..
لين:شعولي قولي كلام حلو..<<تراها تتابع مسلسلات وتحفظ الكلام الرومانسي..
مشعل:وهذي من وين جايبتها من أي مسلسل..
لين: لاهذا الكلام من قلبي يا قلبي..
مشعل يضحك لانه يدري انها تكذب بس عداها:تسلمين يا بعد عمري..
لين: شعولتي اسمع انا بروح شوي عند خواتي لانهم يدورون علي وبعدين نلتقي اوكيه..
مشعل:اكيد يا قلبي..
لين وهي تمشي تطالع مشعل لحد ما راحت..
مشعل: يا حليلها متعلقه فيني بقوه...ومع ذلك احبها وما راح اتخلى عنها<<احلى يا النشمي..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
لين: خير ساعه تصارخين وش تبين..
فجر: تكلمي زين لا أعطيك كف ينسيك مشعل..
لين:لالا خلاص بتعدل كل شي ولا مشعل..
فجر:هالبنت بتذبحني..خفي خفي على الولد شوي خليه يتنفس..
لين: انتي وش عليك..
نوف:لازقه فيه تقولين باتكس الاصلي..
فجر:وانتي الصادقه قولي صمغ مسدس اقوى ..
نوف تضحك:ايه صح هذا اقوى..
لين: اصلا انتو عطيتونا عين..
فجر: الله يبشرك بالخير تزاعلتوا..
لين: لا تفرحين كثير لاننا تراضينا..
نوف: حسافه ما تشمتنا فيك..
لين:بالله انتو خوات..انتو اعداء..
فجر:ليش حنا في حرب..
نوف:أي معركه؟؟
لين:انتو اصلا غيرانين مني..
نوف: في هذي صدقتي..
لين: الحين مجتمعين علي وحجرين لي وش تبون..؟؟
نوف: نبي ناكلك وش نبي يعني اجلسي مع البنات شوي..
لين: من زينكم..
فجر: ترى الحين بنجيب دبابات..
لين :قولوا والله ...الله وناسه..
فجر: ليش وناسه ..غريبه انتي ما تحبين الدبابات..
لين: لا عشان اركب مع شعولتي..
نوف: ايه فارس احلامك..
لين: ايه انا بتخيل ان الدباب حصلن ابيض وان مشعل هو الامير وانا السندريلا <<احلام ورديه بريئه..
فجر: يا قلبي عالبنات اللي يحلمون.. اقول ضفي وجهك مسويه رومانسيه ..
نوف: لا هذي المسلسلات اللي تتابعها ومتأثره فيها..
لين: اووووف من جد تطفشون وتنرفزون الواحد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &
رغد: ريم شفتي سليمان اليوم؟؟
ريم: لا حسافه ما صبحت بوجهه.
رغد:حتى انا تركي ما شفته احس اني مشتاقه له..
ريم: نقوم نتمشى شوي..؟؟
رغد:عشان تتذكرين الموقف وتنبسطين ..
ريم:شي احسن من لا شي..
رغد:يله مشينا لحد ما يجيب مشاري الدبابات ..
ريم:يله..
وطلعوا يتمشون برى الشاليه وهم يتمشون..
رغد: ريم اما قلت لك السالفه..؟؟
ريم:ايه صح وش هي؟؟
رغد:وليــــــــــــــد..
ريم: وش فيه وليد..؟
"قالت رغد لريم السالفه الي صارت امس يوم كانوا يتهاوشون هي والعنود"
ريم: زين وقفتيه عند خده ولا كان تمادى..
رغد:هذا ما عنده اللي في راسه يسويه .. بس تصدقين قمت اخاف منه.
ريم:ما عليك منه احقريه..
رغد: تتوقعين كذا !!!
ريم: ايه ولا تشيلين همه ولا تفكرين فيه حتى ..
وسكتوا............................................ ............
رغد وهي تطالع البحر..
ريم: خلينا نطب في البحر شوي..
رغد:والله فكره يله..
ورفعوا العبايه وطبوا في البحر لحد ما وصلت المويه لنص الساق..
وبعدها ريم فكرت تسوي حركة نذاله ... واخذت المويه بأيدها وكبتها على رغد..
رغد: وااااااااااااااي ليش كذا..عبايتي يا النذله..
ريم تضحك...
رغد: تضحكين هاه..."واخذت مويه وكبتها على ريم وبعدها ريم خذت مويه اكثر ورغد قامت تركض وطلعت من البحر لان ماله داعي تغسل ريم عبايتها بموية البحر..
وطلعت ريم وراها وصارت تلحقها ورغد تركض ولفت على ورى وصارت تركض على ورى وتوها بتوقف الا صدمت بشخص وطاح وتعكرفت وطاحت عليه......[/size]
نهــــــــــــــــــــــــــــــاية البــــــــارت

الجــــــــــــــزء الـــــــــعــــــــاشــــــــــــر

رغد ما زالت تركض على ورى توها بتوقف الا صدمت بشخص وطاح وتعكرفت وطاحت عليه وانفكت لثمتها وتحوست عبايتها وطلع لبسها ..رغد لفت على الشخص وانصدمت...............

رغد:تــــــــــــــــــــــركي...
تركي مبتسم ابتسامه تطيح الطير من السما وهو مازال منسدح وعليه رغد:رغــــــــد...
رغد قامت عنه وهي مفتشله وجهها صار احمر فاااااقع من الحيا وقلبها صاير طبلون سياره ماشي 280 وبطنها يعورها وحرارتها ارتفعت ..عدلت عبايتها وسكرتها نست اللثمه..
تركي هنا خااااق كان وجهها يهبل وهي مستحيه:ليش كنتي تركضين؟؟
رغد:هااااااه.....كانت ريم تلحقني..
تركي: قولي لها لا تعبين قلبي..
رغد حطت يدها على خدها من الحيا وبعدها تذكرت اللثمه وزينتها وهو قاعد يطالعها..وهي ماتحركت من الحيا والفشيله الكلمه اللي قالها شلتها وقعدت تطالعه شافت تراب على كتفه قامت مدت ايدها لاشعوريا بتوخر التراب قربت من كتفه وهو ساكت ما كان يدري وش بتسوي بس كان مبسوط وبعدين وقفت أي رغد بس ما وصلت كتفه..تذكرت وقالت في نفسها"قويه والله اوخر التراب اللي على كتفه اكيد بيقول هذي ما تستحي"
تركي يطالعها ويطالع ايدها الممدوده:رغد في شي؟؟
رغد بحيا:ايه ..فيه تراب على..على كتفك..
تركي في نفسه" يا ليتني ما استعجلت كانت نظفته بس *** ومسوي فاهم"
قام تركي ونظف التراب وقال: مشكوره رودي..
رغد خاقه من زمان والحين زياده"ويدلعني بعد يبيني هذا اروح اغرق نفسي وااااي يهبل"
رغد: تركي معليش عن اذنك..
تركي: ليش بدري؟؟
رغد بصدمه"بصراحه جرئ يمون بزياده":لا معليش ...
وراحت وهي ميته حيا لانها حاسه انه يطالعها وكانت ريم واقفه في مكانها لحد ما وصلت عندها رغد وبعدها رغد خبطت ريم على ظهرها خبطه اليمه: اوريك يا رويم ..
ريم: أي ..هههههه والله شكلك تحفه وانتي طايحه عليه فعصتي الرجال..
رغد:انقلعي اصلا كل هذا بسبتك..
ريم: مو تقولين مشتاقه له خلاص هذا هو جا قدامك وانتي ما صدقتي على الله وخليته هو والارض واحد..تصدقين رحمته..
رغد: اقول رويم ترى قلبي مو ناقص تزدين عليه لاني حاسه انه بيطلع الحين من كثر ما يدق..
ريم: عطيه مشغول هههههههه..
رغد: هـ هـ هـ بايخه يا البايخه..
ريم: امشي..امشي حبت وانهبلت..
رغد وهي معصبه: يا مهبوله انتي..
ريم تبي ترفع ضغطها: والله اني رحمت الولد صدق انك ما تستحين على وجهك ما ادري وشلون جتك الجرأه وسويتي نفسك طحتي عليه بالغلط..
رغد وصلت معها: ريم امشي من قدامي وانتي ساكته بالطيب ولا تفاهمت معاك بالقوه..
ريم تضحك: تصدقين شكلك وانتي مستحيه يهبل.
رغد تذكرت كلام تركي:ههههههههههه
ريم: الحمد لله اختي فيها انفصام بالشخصيه مره تعصب ومره تضحك الحمدلله والشكر بس..
رغد جاتها حالة الضحك:هههههههههههههههههه
ريم: رغد خلاص عاد بليز لا تمسكين خط..
رغد: هههههههههه ما اقدرههههه والله ما اقدر..
ريم: انا رايحه وانتي اضحكي لما ينفجر راسك.
رغد تضحك: ههههههه خلاص ريم هههههههه خلاص بسكت...وخذت نفس عميق:اوووووووه خلاص يا رغد اسكتي..
ريم: لا صدق مجنونه وتحاكي عمرها بعد..
رغد وهي كاتمه الضحكه: ريم خلاص ترى برجع اضحك ما اقدر اتحمل..
ريم: لا واللي يعافيك خلاص امشي..
ورجعوا جوا الشاليه......
عبير: ريم وينك ادورك من ساعه..
ريم: طلعنا انا ورغد برى شوي..
عبير: والله انكم نذلات ليش ما اخذتونا معاكم..
ريم: يا اختي خوات بيطلعون مع بعض انتي وش حاشرك فيهم..
عبير: اصلا ما كان ودي اطلع بس قلت كذا من باب اللقافه..
رغد: عارفتك سودانيه..
العنود دخلت في السالفه بس سمعت سودانيه عرفت انهم يتكلمون عن اختها: بصراحه من ناحية سودانيه ..سودانيه الله لايوريكم في البيت ما تتحرك (سم)واحد كل شي مالي خلق ...ما اشتهيت .. والله ما فيني حيل..
عبير: العنود خلاص كفايه فضايح كفايه اللي يعرفونه عني..
العنود: لا خليهم يعرفونك على حقيقتك..
ريم: ما يحتاج الحقيقه واضحه زي الشمس..
رغد قامت تغني طبعا من تأثير تركي:نور الشمس نور جبينك انت الامس عمري سنينك امرني بهمس من حنينك
وقاما البنات وكملوا معاها وبدوا يشتغلون طقاقات وجابوا علب المويه الكبيره ويطقون عليها ويرقصون ويستهبلون ويضحكون..
لحد ما دق موبايل رغد..
رغد: بنات ...بنات هذا مشاري معليش ابي اسمع..
البنات سكتوا لان الشي في صالحهم..
رغد؟: هلا مشاري..
مشاري: تراني جبت الدبابات يلا اطلعوا..
رغد: اوكيه بقول للحريم ونطلع..
مشاري :اوكيه وانا بجمع العيال..
رغد: اوكيه باي..
رغد: بنات ..بنات.. الدبابات وصــــــــلت..
البنات بصوت واحد والقائده العنود: واحد.. اثنين. ثلاثه هــــــــــيّا..هــــــــــيّا..
وبعدها قاموا يضحكون وراحوا للحريم عشان يعطونهم خبر..
رغد: يمه ترانا بنطلع برى وبنلعب دبابات..
ام مشاري: ايه بس انتبهوا على انفسكم..
رغد: اوكيه..
ام ماجد: انتبهوا يا بنات..
ام فواز: لا .. احس مالها داعي..
نوف: يمه وشو اللي ماله داعي ..
ام فواز: الدبابات خطره..
فجر: يمه احنا بنلعب ..بنلعب فا ارضي علينا احسن..
ام فواز: يعني راسكم يابس..
نوف: لامويه.هههههه
فجر:ههههاي بايخه..
ام فواز: العبوا بس انتبهوا على لين زين يمه..
نوف تبوس راس امها: لين بعيوني تامرين امر..
ام فواز:ايه مو لله..
وبعدها طلعوا برى ولقوا العيال صافين جنب بعض يستنون البنات..
طلعت العنود وشافت اشكالهم وقامت تضحك..:الحين وراكم صافين كذا تقولين كانكم عند مخبز..
وليد: احمدي ربك مستنينكم ولا كان خذنا الدبابات وسحبنا عليكم..
عبير: بصراحه غطيتونا بكرمكم..
وقاموا البنات يضحكون.
ماجد: انا قايل لكم البنات ما ينعطون وجه وخصوصا خواتي ما صدقتوني..
مشاري: معليش بنعديها لهم صح ولا يا بنات..
رغد: يابعدي يا خوي.. ايه هذا الاخو ولا بلاش..
مشاري: بلا مصالح..
ريم: أي مصالح ...انت اخونا وعلى راسنا من فوق..
فواز: صراحه خواتك في المركز الاول في المصالح..
مشاري: ادري..
وقامو العيال يضحكون..
وبعدها قامت العنود:اسمعوني زين"كانت تبغى تلفت انتباه طلال وانها فاهمه"..
لفوا عليها العيال والبنات:خير..
العنود لما لفوا عليها استحت بس كملت: انا عندي اقتراح..
ماجد يهمس للوليد: بصراحه اختي ما تستحي..
وليد: توك تدري..
العنود تكمل: الاقتراح انه نقسم فريقين ..فريق بنات.. وفريق عيال وكل اثنين يتبارون والاسامي قرعه عشان محد يزعل...
البنات : اوكي.
العيال: اوكي..
العنود: يلا اول واحد مشاري..
مشاري: احم.. احم.. بما اني اول واحد فا لازم اقول مقدمه..
وليد : اخلص..
مشاري: اسكت انت.... احم احم بسم الله الرحمن الرحيم اول شي اشكر بنت عمي العنود..
العنود:العفو ياولد عمي..
مشاري يكمل: ثاني شي احب اقول الله يعين اللي بتكون معاي لانها بتكون خسرانه ميه بالميه..
رغد: تراك ماخذ في نفسك مقلب..
العنود:اختر لوسمحت وانت ساكت..
مشاري: العنود لا تفشليني خليني ادلع شوي..
ماجد: مشاري وبعدين معك حمستنا..
مشاري: خلاص ذبحتوني ما صار..
العنود : انت اللي ما صار..
مشاري قام يحرك الاوراق ويحرك ويحرك ويحرك ويحرك...
العنود: خلاص خلاص انطحنوا من كثر ما تحرك فيهم..
مشاري: عشان ما تقولون غشاش..
العنود: يله اختار..
مشاري: بسم الله وفتح الورقه قرى الاسم وما استوعب..
العنود: هاه مشاري مين طلع لك..
مشاري: طلع لي قمر اقصد طلعت لي الهنوف..
العنود: اذن الهنوف ومشاري مع بعض..
الهنوف: اناااااااا..
رغد: ايه انتي..
الهنوف: بس انا اخاف من الدبابات..
رغد: تراها لعب مو جد..
الهنوف: لالالا خايفه..
مشاري: هاه يا الهنوف مستعده..
تركي بصوت عالي: اعارض..
العنود : على ايش..
تركي: اختي تلعب مع واحد غريب..
مشاري: اقول ضف وجهك زين على بالي عندك سالفه..
تركي: احم احم فشلتني.
سليمان: الله يهداك مسوي فيها ..
وليد يفكر: يعني خواتنا احتمال يلعبون معاكم...تكفى مره ثانيه لاعاد تعترض على شي..
"توضيح وليد ما كان يطيق تركي بدون سبب بس تركي ما يطيق وليد لانه ملاحظ انه يتلزق في رغد"
العنود: اجل يله نبدا السباق..مشاري استعد والهنوف استعدي..
الهنوف: رغد تكفين العبي بدالي..
رغد: الهنوف خلك جريئه مره وحده ويله بيضي وجيهنا وترى كلنا معاك..
الهنوف تحمست شوي: تتوقعين بفوز..
رغد: اكيد ..حطي في بالك الفوز واكيد راح تفوزين..
الهنوف: اجل يله... ادعوا لي يا بنات..
البنات: الله معاك ومعنا..
العنود تشجعها: وحده .. وحده .. وحده..
البنات يصفقون على النغمه..
العيال انقهروا منهم وقلدوهم..
طلال: وحده وحده وحده.
والعيال بتصفيق اقوى من البنات على النغمه..
وقاموا يتنافسون على العبرات التشجيعيه..
العنود تعد: واحد.....اثتين.....ثلاثه....go
وانطلقوا الهنوف ومشاري...مشاري على طول سبق الهنوف لان سرعتها مو مره ..وهو كل شوي يلتفت عليها ...ابعدوا عن الشباب كثير فا مشاري هدا عشانه خايف على الهنوف...قربت الهنوف من مشاري..
الهنوف: شكله خلص البنزين عنده خليني اسبقه..... وقربت اكثر
مشاري: قربت..قربت ايوه واخيرا وصلت....وصاروا جنب بعض..
مشاري: هلا بالرقيقه توك توصلين..
الهنوف بثقه: قل اني سابقتك واعترف..
مشاري يتطنز: تصدقين ما حسيت فيك.
الهنوف تنرفزت: اهم شي النهايه..
وزادت السرعه لانها مقهوره من مشاري وبعدها غرز كفر الدباب في الرمل..
مشاري شافها مغرزه فحب يلعب باعصابها: يالله بصراحه تنرحمين.. تحتاجين مساعده..
لهنوف: لا شكرا ...وتوها بتزل من الدباب الا مشاري نزل.
مشاري بشوي جديه: اسمعي انا بحفر وانتي ادعسي على خفيف اوكي..
الهنوف عشانها متوهقه: اوكيه..
مشاري صار يحفر شوي وبعدها: يله الهنوف ادعسي..
الهنوف في نفسها" يا حلو اسمي على لسانك واااي ماني مصدقه انا وياه لحلنا وبعد قاعد ينقذني ما اصدق ما اصدق"
قام مشاري قرب من عندها مره وحط ايده الاولى على مسكت الدباب الاولى وحط الايد الثانيه على المسكه الثانيه بحيث ان الهنوف تكون بين ايديه وهو قريب بالمره..
مشاري بصوت اقرب للهمس: يعني ما تعرفين تدعسين اضغطي هذاوبعدها اضغطي هذا..
الهنوف منصدمه:..............................
مشاري: انتي معاي ولا لأ..
الهنوف: معاك معاك..
مشاري: يله سوي اللي قلت لك عليه..
الهنوف طبعا ما كانت لمه يوم كان يتكلم كانت لاهيه في ريحة عطره وانفاسه اللي تحس فيهم وتشوف صدره يتقدم ويرجع وهي بين عضلاته اكيد بتكون عايشه الجو وبقوه بعد..
الهنوف: ايه انت اصلا وش قلت لي...
مشاري: وانا اقول رغد طالعه في الدلاخه على مين صار عليك..
الهنوف تفشلت وحبت تصرف: اصلا انا ما احب الدبابات واحس انها للعيال بس مو للبنات..
مشاري: مشكلتك دلوعه..
الهنوف بدلع: مشاري خلاص عاد..
مشاري"تراك تذوبيني زياده": احم احم خلاص سوي اللي قلت لك عليه وبيطلع..
الهنوف سوت اللي قاله بعد ما عاده لها حوالي مرتين عشان يكون جنبها<<<البنت راحت فيها..
وطلع الدباب واخيرا..
مشاري: واخيرا ما بغى..
الهنوف تضحك: الحين بسبقك..
مشاري يضحك: ايه هين انتي اصلا حاولي تلحقيني

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&

عند الشباب

ريم:ما تلاحظون تأخروا..
رغد:لا يكون صار فيهم شي؟!!
العنود:لا بس المسافه اللي انا حددتها بعيده شوي..
رغد: ايه الحمدلله..
&&&&&&&&&&&&&&&&&&&&&&&&&
وليد: ما تلاحظ انهم مره تاخروا..
ماجد:اكيد هم على وصول..
وبعدها لمحو مشاري يضحك ...قاموا العيال يصارخون:مشاري.مشاري هوه..هوه..بالطول بالعرض مشاري يهز الارض ...بالطول بالعرض مشاري يهز الارض..
البنات متفشلين لان الهنوف حتى اللمحه ما لمحوها... وبعدها بخمس دقايق لمحو الهنوف من بعيد قاموا يصارخون مجامله لحد ما وصلت..
الهنوف:اوووووووووف...معليش بنات فشلتكم..
رغد:ما عليش ياقلبي راح نعوضها ا نشا الله..
الهنوف:ا نشا الله ..
البنات:عادي يالهنوف لا تاخذين على خاطرك..
العنود بصوت عالي:اذن النتيجه(1)للعيال..ولا شي للبنات..
قاموا العيال يصارخون ويهزؤن البنات:مساكين لقطوا وجيهكم..كواااك..كواااك..كواااك..
العنود يله وحده من البنات تجي تختار ..
وصارت كل وحده من البنات تحطها على الثانيه..
العنود:وبعدين معاكم خلاص انا راح اختار فجر يله تعالي..
فجر: انا لا ماابي ...اختاري رغد..
العنود: انا قلت فجر يعني فجر..
فجر: امري لله..
وراحت للاوراق العيال وقلبت فيهم وسحبت ورقه..
العيال يطالعونها وكل واحد يقول في نفسه شكله انا..
فجر قرت الورقه ببرود:فيصل..
العنود: اذن فيصل وفجر..
فيصل:هيّـــــــــــــــــــــا..
فواز: على ايش متحمس..
فيصل يصرفه: على الفوز يا قلبي..
فجر عندها عادي أي واحد محد يهمها ...البنات كانوا يحمسونها عشان يفوزون..
البنات: شدي الهمه.. فجر شدي حيلك....فجر جيبي راسه..انا متأكده انك راح تفوزين بس اصري على الفوز,,ومن هالكلام..
ركبوا الدبابات..
العنود: يله مستعدين ..واحد,,اثنين..ثلاثه..go
انطلقوا فيصل وفجر تقريبا بنفس السرعه ..طبعا فجر متعوده على الدبابات ودايم تركبها عشان كذا هي منافس قوي لحد ما وصلوا للمكان اللي حددته العنود..
فيصل: فجر..فجر ممكن توقفين شوي..
فجر مستغربه"وش يبي هذا":خير امر..
فيصل مبتسم: ما يامر عليك ظالم بس خلينا ناخذ بريك شوي وبعدين نكمل..
فجر ما حست انه يبي يقعد معاها شوي:احس انه ماله داعي للبريك..
فيصل:طيب واذا قلت لك طلبتك..
فجر ما حبت ترده: خلاص خمس دقايق بس..
فيصل في نفسه"خمس دقايق بالنسبه لي خمس سنيين"
فيصل: احم..احم فجر انتي بأي سنه"وجلس وجلست فجر جنبه"
فجر انا بثاني ثانوي..
فيصل: ما شا الله الايام تمشي بسرعه..
فجر: ايه الله يعين..
فيصل: طيب انتي شاطره بالمدرسه<<ما عنده سالفه..
فجر في نفسها" وش ذا السؤال البايخ":ايه ما علي..
فيصل: ايه بسم الله عليك..
فجر تبغى تقطع عليه سوالفه: ما خلصت الخمس دقايق..كنها طولت..
فيصل: ليش مليتي مني بهالسرعه..تراني قايل خمس دقايق مو خمس ساعات..
فجر: ايه بس احنا في سباق..
فيصل: طيب عادي..
فجر"يا ليل ما اطولك": طيب انت وين تشتغل..؟؟
فيصل ما صدق على الله انها سألته وعطته وجه: انا ما اشتغل انا ادرس بالجامعه ادارة اعمال..
فجر:اها ما شا الله وانت الولد الوحيد صح..
فيصل فرح اكثر:ايوه وشجون هي البنت الوحيده..
فجر: ايه ما شا الله باين عليها دلوعه ومدلله بسم الله عليها..
فيصل: حتى انتي باين عليك انك رقيقه وهاديه<<من على جنب..
فجر استحت: تسلم..
فيصل: الله يسلمك..
فجر: اتوقع إنا تأخرنا يله نرجع للتحدي..
فيصل: شكللك متحمسه..
فجر: ابي اكسر روسكم يا العيال شايفين انفسكم..
فيصل: وانا منهم..
فجر: ليش انت ما تعد نفسك واحد من العيال..
فيصل تفشل: ايه هين اوريكم يا البنات..
وركبوا دباباتهم.
فجر: انا راح اعد 1-2-3-وانطلقوا..
وكانوا تقريبا جنب بعض لحد ما قربوا من النهايه وهم في سرعه وحده فجر يوم حست انها قربت زادت من السرعه وفازت..
البنات يصارخون:فجر..فجر..فجر..فجر.
فجر رافعه ايدينها :ماله داعي ..ماله داعي ..احرجتوا تواضعي..
البنات: واحد ..اثنين ثلاثه فجر يا حلاتها ..واحد اثنين ثلاثه فجر يا حلاتها..
العيال: فشلتنا..
فيصل: والله على اخر شي زادت السرعه..
فواز: وانت ليش ما زدت السرعه..
فيصل: تبيني انقلب..
ماجد: في النهايه فازت عليك البنت من خوفك اللي ماله داعي..
فيصل: عادي الحين تعادل"فيصل عنده الموضوع عادي لانه ما همه فوز او خساره اهم شي عنده انه قعد مع فجر وانه شافها مبسوطه"
العنود: الحين النتيجه واحد للعيال واحد للبنات ..
الكل: هووووووووووووووووووووه...
العنود: يله واحد من العيال يجي يختار اسم من البنات..
العيال عكس البنات كل واحد يقول انا..
العنود: وانتو عكس البنات ..البنات كل وحده تقول ما تبي وانتو كل واحد يبي بصراحه متناقضين..
وليد: انا اخوك اختاريني..
العنود وكأنها مدرسة ابتدائي: انا بختار اعقل واحد فيكم واهداكم اللي هو سليمان..
سليمان: انا!!!
العنود: لا ظلي <<ما عندها وقت..
سليمان تقدم وقعد يطالع اوراق البنات ويتمنى ان تطلع له ريم..
ريم كانت تدعي ان تكون هي..
سليمان يحرك..يحرك وكان خايف انها ما تكون هي ...اختار ورقه..
سليمان طالع الورقه: رغد..
رغد بصدمه: انالا ما ابي ..خلي ريم..
العنود: والله ممنوع التبديل الا بشرط واحد..
ريم: وش الشرط اخلصي..
العنود: اذا وافق الولد انك تبدلين...هاه سليمان موافق انها تكون ريم مو رغد.
سليما لف على تركي وهو مبتسم وتركي كان وده يذحه وخايف يتنيذل عليه ويقول وما يوافق بس سليمان شاف مصلحته:انا موافق..
ريم في نفسها"يا بعد قلبي انت"
العنود: يله استعدوا 1-2-3-go..
انطلقوا في البدايه مسرعين بس هالمره غير كانت ريم تطالع سليمان ..وسليمان يطالع ريم..بعدين هدو شوي وقعدوا يسولفون بالطريق..
ريم: وش رايك نسولف ولما نقرب نسرع واللي يفوز ..يفوز..
سليمان ما صدق على الله: اوكيه..
ريم: وش اخبارك اليوم <<البنت فاسخه الحيا بقوه..
سليمان: والله الحمد لله بخير مادامك بخير..
ريم: الله يسلمك ويخليك لاحبابك..
سليمان في نفسه" انتي احبابي وهلي وناسي وانتي دنيتي كلها":امين..اقول ريم..
ريم مبسوطه والدنيا مو سايعتها من الفرحه:امر..
سليمان: ما يامر عليك عدو ..كيف الدراسه معاك والهبال وخرابيطكم..
ريم تضحك: على حطة ايدك من ناحية الدراسه ما ادري وش اللي يصبرني عليها بس الهبال صديقي ما اقدر اتركه..
سليمان: ههههه يا حليلك..
ريم: سليمان لا تقول يا حليلك..
سليمان: ليش..؟؟
ريم: ما يصلح ..
سليمان: ايه ليش.
ريم: يا حليلك يعني يا خبلك وانا بالعاده اذا احد قالي ايها اقوله قل الله حلاك وعشانك انت سكت..
سليمان: اها........اجل يا حليلك..
ريم:سليماااااان..
سلميان يضحك:هههههههه متعود وش اسوي.
ريم: لا تقولها عشاني قل كلمه ثانيه حلوه..
سليمان يبي يرفع ضغطها:تبيني اقولك يا قلبي..
ريم وهي مستحيه: وانت ما عندك حل وسط قل شي ثاني..
سليمان: طيب وش رايك اقول فديتك..
ريم: صح انها ما تبعد عن اللي قبلها بكثير بس ما عليش اهون من غيرها..
سليمان: عاد هذا اللي طلع معي...
ريم: ترى تأخرنا ...يله خلنا نرجع ..
سليمان: لااااااا تو الناس<< الاخ فالها على الاخر..
ريم ما حبت تعطيه وجه زياده بس قلبها يفرك: لاصدق شكلك فقدت الذاكره ونسيت الموال وشكلي بكتبه في صحيفه وكل ما نسيته فتحتها وقريتها عليك..
سليمان: لا ما نسيته يلا نبدا..
ريم: انا اللي بعّد..
سليمان: اوكيه وانا مستعد..
ريم:1-2-3-

نـــــــــــــهاية الــــــــــــــــــــــــــــبارت

الجــــــــــزء الحـــــــــــادي عشــــــــــــــر

ريم: انا اللي بعّد..
سليمان:اوكي وانا مستعد..
ريم: 1-2-3-
وانطلقوا مع بعض..وكان سليمان اسرع من ريم ..
ريم: لا ما راح اخسر بس هو سريع......ايوه جتني فكره..
ريم تصارخ: سليمان...سليمان ..بسرعه ..بسرعه..وقف رجلي رجلي آآآآآآآآآآه <<يقطع ابو النصب.
سليمان بخوف ووقف: ريم وش فيك..
ريم وهي تقرب الدباب لعنده: ما ادري رجلي ما ادري وش فيها تعال شوف..
سليمان ما صدق على الله : اوكي..
وتو الولد بينزل الا ريم دعست وغبرت على سليمان..
ريم: ههههاي تعيش وتاكل غيرها..
سليمان: هين اوريك اما خليتك تندمين ما اكون سليمان.."ويصرخ" احسن لك وقفي..
ريم تصارخ: هين بالمشمش..
سليمان تنرفز: وانا الخبل صدقتها ..يعني ما اعرف حركاتها بس هين خليني اوصل..
ريم وصلت وفازت..
البنات: هوووووووووه ..ريم ريم ريم
وبعدها جا سليمان وهومعصب وموصله معاه وملابسه كلها تراب..
تركي: افاااا شكلك منقلب ولا البنت غبرت عليك بدبابها يا الرخمه..
سليمان وهو موصله معاه: رخمه انت .. وانقلع عن وجهي يا تريك ترى اللي فيني مكفيني ..بس هين والله ما اسكت لها..
تركي: سليمان وش السالفه؟
سليمان: بعدين اقولك..
مشاري: وش فيك يا سليمان اجل اختي غلبتك اثرك زلابه..
سليمان: الا اختك غشاشه..
مشاري: لا يكون لعبت عليك وصدقتها..
سليمان: ايه..
مشاري: ههههههه ترى هذي حركاتها دايم ...حفظناها ما عاد نصدقها ابد ههههههههه يا حليلها اختي اثر عندها مخ وانا على بالي انها درج..
سليمان ما رضى ان مشاري يحش في حبيبة قلبه مهما سوت فيه فهو يحبها<<مشكلته طيب..
العنود وهي فرحانه بفوز البنات: اذن (1) للعيال (2) للبنات...والعيال يلا لقطو وجيهكم..
وليد: عادي اهم شي النتيجه في الاخير مو الحين..
رغد بتحدي: بنشوف مين بيفوز على الثاني
وليد قرب من رغد بالمره لدرجه ان ما يفصل بينهم شي يذكر ونسى كل اللي حوله...رغد خافت منه وما تدري وش راح يسوي
وليد وبنص ابتسامه: اذا فوزكم بيسعدك اخليكم تفوزون..
رغد مصدومه من جرئته:...........
وليد: وش رايك؟؟
تركي يطالع وليد ووده يذبحه بس العين بصيره والايد قصيره..
رغد بعصبيه: وليد ما تلاحظ انك تمون بزياده..
وليد: والله يا رغد مو مني..
رغد: اجل من ايش؟؟
وليد: من هذا" ويأشر على قلبه"
رغد استحت بس ما حبت تبين له: مشكلتك انت وهذا على قولتك ولو سمحت ابعد عني ولا عاد تكلمني الا في شي ضروري سامع..
وليد: تامرين امر ..طالبات ثانيه ترى حاضرين لعيونك..
رغد"ودي اعطيك كف يخليك تفقد الذاكره.. بس ماله داعي المشاكل"
تركي تنرفز زياده وما قدر يستحمل اكثر قام ونادى وليد: ولــــــــيد..وليــــــــــــــد..
وليد لف وجهه وهو ماله خلق تركي: خير..
تركي: اتوقع مكانك عند العيال مو عند البنات ولا انا غلطان...
وبعدها لفو كل العيال على وليد..
وليد استحى يوم شاف العيال يطالعونه :اوكيه رغد باااي..اشوفك على خير..
مشاري:وش عندك عند البنات..
وليد:لا بس حبيت ا وضح لهم مينا حنا ولا يغترون بأنفسهم ويرفعون خشومهم علينا..
مشاري:اهااا..
تركي وده يقوم يصفقه ويدوس في مصارينه وهمس لسليمان:سليمان ما تلاحظ هذا ثقيل دم..
سليمان وبنفس الهمس:وليد!!لا احس انه عادي ..
تركي:تصدق ودي اعطيه بوكس على وجهه لين يفقد الذاكره..
سليمان: وش دعوه كل هالحقد على الولد ما سوى لك شي..
تركي: يعني ما تشوفه كيف يتلزق في رغد..
سليمان:طيب هو ولد عمها..
تركي: بعد انت لا ترفع ضغطي ..واذا كان ولد عمها يلزق فيها وينى فيه..
سليمان: يمكن هم كذا عندهم عادي..يعني ما تشوف العنود تقول واحد من العيال مو بنت..واخوانها عادي عندهم يمكن رغد نفس الشي..
تركي:طيب خلاص سكر الموضوع شف مشاري جا لعندنا..
العنود: الحين دور البنات يختارون اسم...
البنات:.............................
العنود: يعني لازم اختار انا..
العيال:خوفاااااات هههههههاي..
عبير:انا..
العنود:هلا والله بأختي..
عبير:هلا فيك..
العنود: يله اختاري ولا تصدقين عمرك..
عبير ضربتها من كتفها:انقلعي ياللي ما عندك ذوق..
العنود:هههههه يلا اختاري بسرعه...تدلع بعد..
عبير: من حقي ادلع..
ماجد:عبير ما ودك تخلصين..
عبير لفت على ماجد شافت جنبه طلال وقالت بحياء:الا اكيد..
ماجد:ما شا الله وش اللي قلب الاسلوب..
عبير ما ردت عليه لانها مستحيل تصارخ عند طلال وحركت الاوراق..
وليد: خلاص قلبتي روسنا..
عبير: اتوقع اني اقلب الاوراق مو راسك..
وليد: والله انك ذكيه ...الاوراق وش مكتوب عليها..
عبير ببرائه:اساميكم..
وليد:خلاص قلتيها يعني تقلبينا..
عبير: وووووووع يا ثقل دمك يا خوي..
وليد: قاعد على قلبك..
عبير:عسى ما تطلع لي بالورقه بعد..
وليد طبعا ماوده ..يبي يكون مع رغد:لا تكفين لا تختاريني..
عبير تقلب وتقلب وتقلب وتدعي وهي مغمضه عيونها..
العنود:وش السالفه غيرتي ديانتك..
عبير لاهيه تدعي وتبي تحس أي ورقه فيها اسم طلال..
العنود:يمه اختي قلبت مشعوذه..
عبير طلعت ورقه واخيرا وقرتها:طــــــلال ..يس..
العنود انصدمت في اختها ليش فرحانه كل هالفرح وباين عليها مبسوطه لا يكون اختي.....لا يكون عبير تحب طلال...لالالا ما اتوقع لو تحبه قالت لي من زمان ..لا يارب لايا رب عبير لا تحب طلال وما لقت الا طلال..بس انا لازم اتأكد لفت على عبير وهي خانقتها العبره:عبير"وسكتت شوي" وش فيك مبسوطه لهدرجه..
عبير سكتت شوي تدور تصريفه ..العنود انقلب وجهها لعدة الوان وحست ان اللي توقعته حقيقه..
عبير تضحك:ههههه خلك ذكيه مثل اختك مو طلال حبوب وطيب..
العنود:ايوه..
عبير:خلاص اظمني الفوز.
العنود:كيف ما فهمت وش دخل هذا في هذا..
عبير: العب عليه مثل ريم..
العنود تحس ان الدنيا مو سايعتها من الفرحه وان تفكيرها اللي صدقته طلع في الوهله الاخيره غلط :هههه يا حليلك يا الهبله..
طلال: ما قلتوا وش الاسم ..ما صار ساعه..
العنود توجه كلامها لطلال بصوت هادي:طلال انت راح تباري عبير.
طلال مصدوم:انـــــا..
العنود: ايوه..
طلال يضحك مع عبير: احسن لك استعدي يا عبير زين..
العنود انقهرت لانه يحاكي اختها بس اللي خفف عليها انه طلع تفكيرها مو صح وهذا اهم شي:يلا استعدوا..
طلال ركب الدباب حقه وعبير نفس الشي..
طلال لعبير:مو تغرزين ترى ما راح اطلعك ومو تلعبين علي ترى ما راح اوقف ترى ما تمشي عندي حركات البنات..
عبيرتضحك وتحس انها فوق السحاب وش تبي اكثر ..طلال يكلمها وهو مبتسم ابتسامته اللي دوختها ولا خفة دمه اللي ذوبتها ولا جسمه اللي خلى قلبها يدق بأسمه..
طلال :سكتي ما رديتي..
عبير: عشاني متحمسه ..ترى ما راح ارحمك..
طلال يستهبل: لا تكفين عبير خليني اسبقك لو مره بحياتي..
عبير تتطنز حضرتك.. بنشوف مين راح يفوز..
العنود عدّت لهم وانطلقوا..
عبير كانت تطالع طلال وشعره اللي يطيره الهوا وقعدت تطالع فيه وخففت السرعه وعاشت الجو"يا ليته يحس فيني..يا ليته يحبني مثل ما انا احبه"
طلال وقف وطالع على ورى وصرخ: عبير ترى ما راح تلعبين علي..
عبير بصوت عالي:امش ..امش وانا قلت لك وقف..
طلال صار يمشي بطيئ يبيها تقرب من عنده..
عبير: وش فيه دبابك لا يكون تعطل..
طلال يستهبل: ما ادري وش فيه..
عبير : طيب طفه اخاف يحترق ولا شي..
طلال: اول طفي دبابك ..
عبير: ترى بس لحد ما تصلح دبابك..
طلال "يا حليلها حبوبه":اوكيه..
طفا طلال دبابه وكمان عبير ...قام طلال يسوي نفسه انه يصلحه: تصدقين يا عبير شكل المحرك احترق..
عبير: صدق لاتقول..
طلال: شكله بس انا ما ادري..
عبير: والسباق..
طلال : خليه يرتاح يمكن يزين.
عبير :اجل نرجع..
طلال: لالا ما يحتاج شوي وبيزين..
عبير بشك: وانت وش دراك..
طلال توهق وخاف ينفضح وبعدها يا ويله وش يفكه منها ما درى انها قدامه ريشه يطيرها بنسمة هوا: لابس قد صار لي موقف مثل كذا..
عبير مو مقتنعه عدّتها لانه مع حبيب القلب: اهااا..
طلال جلس: عبير اجلسي ليش واقفه؟؟
عبير وهي تطالعه: ايش؟؟
طلال رفع صوته: اقولك اجلسي ليش واقفه؟؟
عبير جلست: معليش ما سمعتك..
طلال: وش كنتي تفكرين فيه؟
عبير في نفسها"ليه في غيرك":كنت افكر بالدباب قلت يمكن اعرف اصلحه..
طلال: يعني لهدرجه كارهه الجلسه معاي.
عبير" لو تدري بس قد ايش احبك ما قلت لي هالكلام":لا وش دعوه بس انا طبعي كذا حريصه بزياده..
طلال ناوي يطلع ريحتها ويهبل فيها: اهااا...عبير أبسألك سؤال..
عبير خافت" وش بسألني هذا": وش قلت..
طلال: وش فيك اليوم ما تسمعين..
عبير: ما عليش اعذرني..
طلال: كنت اقولك بأسلك سؤال..
عبير بلعت ريقها: ايوه اسأل..
طلال: عبير انتي........انتي...
عبير ودها تبكي خايفه يسألها هذا السؤال ما تبي تحرج نفسها:انا ايش..؟؟
طلال : انتي مين...
عبير تلفت اعصابها: طلال كلمات متقاطعه هي؟؟
طلال شافها متحمسه فحب يرفع ضغطها زياده: ولا اقولك خلاص هونت..
عبير: طلال لا تصير سخيف..
طلال: لالا خلاص لا تحرجيني ما ودي اقول..
عبير: والله تقول ما علي منك حلفت..
طلال :بأقول وامري لله ...عبير مين تتوقعين بيفوز انا ولا انتي؟؟
عبير تطالعه بنضرات استحقار: الحين هذا سؤالك البايخ يا البايخ..
وقامت وخذت الرمل وتكبه على طلال..
طلال ميت ضحك: تكفين عبير خلاص خلاص ..
عبير: تلعب بأعصابي يا التافه..
طلال: عبوره تكفين خلاص..
طبعا عبير نقطة ضعفها طلال يدلعها وخرت عنه: عشان مره ثانيه تتادب..
طلال في نفسه" اجل لو درت عن الدباب وش بتسوي" ارتحتي كذا وسختي ملابسي..
عبير مسويه زعلانه: احسن تستاهل..
طلال: خلاص بأروح ازين هالدباب..
عبير: انطق انت.. انا بروح..
طلال خاف تلعب فيه: لالا اقولك انا راح ازينه..
عبير: وانا اقولك اقعد لانك ما عندك ما عند جدتي منيره..
طلال: ههههه حلوه منك..
عبير راحت لدباب وطلال لحقها: وش تبي لاحقني..
طلال : اتعلم منك يا معلم..
عبير: الحين بتشوف كيف اصلحه..
طلال وهو متوهق: خلاص يا عبير ماله داعي..
عبير فتحت الاسلاك وتفك وتربط ومسويه نفسها فاهمه وطلال يطالع الاسلاك وهومنصدم..
طلال: عبير خلاص ما بقى الا تغيرين المكينه..
عبير: شغل مو شغلك لا تتدخل فيه<< احلى صدقت عمرها..
طلال: والله تنفعين ميكانيكيه..
عبير بكذبه طول السما:اصلا ما يصلح سيارات اخواني الا انا..
طلال: ايه ما شا الله واضح.. يعني انا ما اعرفكم وماني ولد عمتك.
عبير قامت: الحين خلصت يله جربه..
طلال : نشوف..
شغل الدباب.. ما اشتغل ويشغل مره ثانيه ولا اشتغل وثالثه ورابعه وخامسه لحد ما دخن وطفا مره وحده..
عبير: شفت خربته..
طلال: الحين انا اللي خربته ولا انتي اللي لاعبه فيه..
عبير تصرف عشان ما يحط اللوم عليها: الحين وش نسوي..
طلال: اتصل على مشاري يجيب دباب ثاني..
عبير: بسرعه.
طلال: احد قالك سواق عند ابوك..
عبير: انا بجلس لحد ما يجي مشاري لان ما عاد فيني حيل..
طلال: وانتي ما تغيرتي لحد الان سودانيه..
عبير تفشلت" وجع ما نسى": وش عليك مني..
طلال اخذ موبايله واتصل على مشاري طلع ما فيه شبكه..
طلال: عبير ما في شبكه..
عبير: نعم..يعني وش بنسوي ا نشا الله..
طلال: ما ادري..
عبير: فكر يله بسرعه..
طلال : حتى عقلك متعيجزه تشغلينه..
عبير: والله مالي خلق..
طلال: مالنا الا نرجع بدباب واحد..
عبير انصدمت لانها تستحي تقرب من جنبه وشلون عاد تركب معاه: لامستحيل انسى..
طلال: طيب عطيني حل ثاني..
عبير:خلني اروح واخلي العيال ياخذونك..
طلال: مسألة انك تروحين لحالك انسي والشي الثاني اني اقعد لحالي هم بعد انسي..
عبير:طيب رح ارجع وخل واحد من اخواني ياخذني..
طلال:واخليك هنا لحالك انسي بعد..
عبير: يعني؟؟
طلال يبيها تفقد الامل وترجع معاه: ما ادري..انا قلت لك الحل الوحيد وانتي مو راضيه..
عبير تفكر" فرصه يا عبير ما تجي الا مره بالعمر تركبين مع طلال ونااااسه ..بس خلي نفسك ثقل"وابتسمت.
طلال: على ايش الابتسامه يا حظي على اللي احنا فيه..
عبير: لا شماته فيك عشانك بتخسر لان دبابك هو اللي خرب..
طلال: صدق انك نذله هذا اللي فالحه فيه الشماته..
عبير ميته ضحك من تخيلت انها مع طلال:هههههههههه
طلال: لا البنت استخفت قومي اركبي بسرعه..
عبير قامت ورفعت العبايه وركبت في المقعد الثاني وجا طلال والابتسامه شاقه الوجهه: احم احم ..وخري شوي..
وركب وشغل الدباب: يله تمسكي..
عبير ميته حيا: احلف..
طلال: احسن عشان تطرين ونفتك منك..
عبير خافت انها تطيح على ورى وعلى طول مسكت طلال..
طلال حس بشعور غريب لما مسكته وزادت ابتسامته ليش ما لقى تفسير وتحرك..
عبير لو تشوفونها تقولون فايزه بجائزه مليار دولار موعشانها راكبه مع طلال..
طلال في الطريق يفكر ومحتار من تصرفاته ..ليش وقف الدباب وجلس معاها وليش خلاها تلعب بالدباب وهو ساكت لها وكانه مبسوط على اللي تسويه وليش اصر انه تركب معاه ...مالقى ولا تفسير يقنعه ...
وكملوا طريقهم وكل واحد مع افكاره ليون ما توديه
نهاااااااااااية الباااااااااااااااارت

الجـــــــــــزء الثــــــانــــــي عشــــــــــر

طلال في الطريق يفكر ومحتار من تصرفاته ..ليش وقف الدباب وجلس معاها وليش خلاها تلعب بالدباب وهو ساكت لها وكانه مبسوط على اللي تسويه وليش اصر انه تركب معاه ...مالقى ولا تفسير يقنعه ...
وكملوا طريقهم وكل واحد مع افكاره لوين ما توديه....
لحد ما وصلوا..
مشاري:موكأنه طلال..
وليد: الا طلال لحاله اجل وين عبير..
مشاري: والله ما هي مبينه..
************************************************** *****************************************
العنود: رغد مو كأنه طلال ..اجل اختي وينها؟؟
رغد: والله موشيفتها..ريم تشوفين عبير..
ريم: وش قالوا لك عني زرقاء اليمامه عشان تسأليني..
العنود: يا ربيه لايكون صاير لعبير شي..
رغد: انتي اهدي واذا وصل طلال سألناه..
************************************************** ******************************************
وصل طلال والابتسامه شاقه الوجه وعبير مررره مستحيه لان الكل يطالعها..
مشاري: هاه طلال اجل وين الدباب الثاني..
طلال وهو ينزل ويطالع عبير اللي خافت يفضحها: ابد سلامتك تعطل..
العنود وهي خايفه على اختها: عبير خير وش فيك صاير لك شي..؟؟
عبير: بس بس ..شوفيني قدامك كأني حصان..
العنود بتموت من الغيره:اجل ليش رجعتوا مع بعض ..
عبير: والله تعطل دباب طلال فأضطرينا نرجع مع بعض
العنود متنرفزه:وانتي كيف تركبين معاه..ليش ما اتصلتي علينا وجينا واخذناك..
عبيرعصبت من اسلوب العنود:اولا وش عليك مني ثانيا اتصلنا ومافي شبكه..
العنود مازالت معصبه: اخاف بس هذا اللي تبينه..
عبير:العنود وبعدين معاك ترى مالي خلقك..
العنود: لاتضيعين الموضوع قولي انك كنتي تبين تركبين معاه..
عبير: والله براحتك فكري اللي تفكرينه تطلع مشكلتك...انا داخله..
ريم: عبير على وين؟
رغد: عبير..عبير وقفي على وين..
عبير: هذي تخلي احد ينبسط..
العنود تبي تطنش عبير: نرجع للسباق..
وليد: طلالوه وش عندك جاي مع اختي كان جلست هناك وخليتها تجي وانت انطق..
طلال: احلف ..زين ما خليت ختك وجيت عنها لانها ما رضت تجي معاي..
ماجد: ما شا الله توني ادري ان عبير تعرف العيب..
وليد: أي عيب الله يهديك ..في النهايه جات معاه..لكن خواتي انا غاسل ايديني منهم
"طبعا كانوا يستهبلون ولا اكيد انهم ما يرضونها لاختهم بس عارفين انها مع ولد عمتها واجبرتها الضروف ولا كان علووووووووم"

طلال: بصراحه اختك لحد الان ما غيرت اطباعها..
ماجد: ليش؟؟
طلال: لحد الان سودانيه..
ماجد:ههههه تتغير انت ..عبير ما تتغير مستحيل هذا فطره عندها مو مكتسب..
وليد: عسى ما نصدمت فيها يا ولد عمتي..
طلال: لالالا الحمد لله جات سليمه.
مشاري خاش في السالفه:ما تشوف شر
طلال: ههههاي بايخه زي وجهك..
مشاري: افااا ركبت معاك بنت وقلبت علينا..
طلال:مشاري ترى مو رايق لك..
مشاري: خلاص خلاص ما قلنا شي..
العنود: يله نكمل النتيجه(3) للبنات و(2) للعيال
وكملوا سباق راح اقولكم مين تسابق وش اهم شي صار فيه...
نوف مع محمد اخو سليمان....وفاز محمد
شجون مع ماجد................وفاز ماجد
مها مع وليد.....................وفاز وليد
طبعا البنات خسروا لانهم كلهم دلوعات وما بقى الا رغد وتركي ولين ومشعل والعنود وفواز..
العنود: النتيجه (3) للبنات و(5) للعيال
العيال: اقول لو تنسحبون احسن..
العنود: مين راح يباري يا بنات..
رغد: مافيا لا انا ولين.. وانتي ما ودك..
العنود:الا ودي..خلاص انا راح اختار..
العيال: الله يعينا عليك يا ام الشباب..
العنود بعربجيه: استعدوا..استعدوا الاعصار جايكم,,
مشاري: صراحه لو تجي العنود معانا احسن لها ولنا..
وليد: مهما كان يا مشاري ترى العنود اختي وما ارضى عليها صح انها عربجيه ومالها ومال الانوثه ولا تحسون بأي احساس اتجاهها الا بالاخوه وكأنها واحد من العيال بس تبقى بنت في النهايه.
مشاري: اقول مسوي فيلسوف زمانك ..بس بصراحه العنود شي..تحس فيها روح الشباب..
ماجد: اقول يا مشاري لو تكرمنا بسكوتك يكون احسن قال ايش قال روح الشباب اقول روح زين انت..
مشاري: احم احم ترى ما قلنا شي غلط..
طلال: انت اكبر غلط..
مشاري:وش فيكم اليوم علي..
سليمان: اعقلوا عن صديقي ترى ما ارضى عليه ..
ماجد: احلف واصدقك.
سليمان تفشل: اقول ما ودكم نرجع للسباق ازين..
مشاري: صادق سليمان نرجع للسباق ازين..
العنود: اخترت فواز..
رغد ارتاحت لانه ما بقى الا فواز وتركي وزين طلع فواز سبحان الله الصدف حلوه..
العنود: فواز تبي تنسحب من الحين يكون احسن..
فواز: يا ام الشباب لا تستقوين علينا.. راح نشوف مين اللي بيفوز على الثاني..
العنود: يله نشوف رغد عدّي لنا
رغد: اوكيه"وعدّت لهم وانطلقوا"
مشاري: سبحان الله فيه فرق بين اختي واختك..
وليد وهو ميت على صوتها: أي والله فرق وفرق كبير بعد..
تركي: شوف الصوت ولا بلاش..
سليمان: اعصابك لا تموت علينا..
تركي: لو اموت عشانها حلال فيها..
سليمان: تكفى اسكت لا تفضحنا ترى وليد باين حاطك في باله..
تركي: وليد ..هين اوريك فيه انا اللي حاطه في بالي..
نرجع لجو الحماس كانت العنود سابقه فواز بكثير<<حشى ابد مو بنت
وفازت عليه..
العيال:/ عاش نقصد عاشت عاشت العنود..
العنود:ماله داعي صراحه المنافس بالمره سهل..فا ما واجهت أي صعوبه..
وبعدها وصل فواز وهو متفشل بقووووه لان المسافه اللي بينهم كبيره..
طلال: استح على وجهك فشلتنا عند العرب..
فواز: أي عرب الله يخليك..
طلال: بنت تفوز عليك..
فواز: هذي ارجل منك...
طلال: يمكن في هذي اعذرك..
وصارت النتيجه(4) للبنات و(5) للعيال
العنود: يله دورك يا مشعل
لين: شوفوا ترى اذا طلع لي غير مشعل ما راح العب..
العنود: اجل يله العبوا مع بعض..
وانطلقوا...
لين: مشعل خلني افوز ولا راح ازعل عليك..
مشعل: احلفي..
لين: ما ابغى يفشلوني خواتي كل وحده فازت الا انا..
مشعل: بشرط..
لين: موافقه ..ايش هو؟؟
مشعل: تعطيني بوسه<<فالها الاخ..
لين: مشعل استحي..
مشعل :اجل كيفك..
لين: لالا خلاص موافقه..
مشعل: يله انزلي وعطيني اياها..
لين بخجل: الحين؟؟
مشعل: ايه الحين..
نزلت لين وباست مشعل من خده.
مشعل: آه.. ويلوموني فيك..
لين: مشعل خلاص استحي..
مشعل: يا حلو اللي يستحون..
لين: مشعل وبعدين معاك..
مشعل: هههه خلاص يله اسبقيني..
لين/ اوكيه يلا...
وفازت لين..
محمد: اثاريك رخمه..
مشعل :افا عليك .. لايكون على بالك اني خسرت انا اللي خليتها تفوز ..تعرف ما احب اشوفها زعلانه..
محمد:اكيد ولا عذر..
مشعل: يعني وش رايك معقوله لين بتفوز علي,,
مشاري: احلى يا الحبيب اللي خلى حبيبة القلب تفوز..
مشعل: مثل ما نت عارف ما احب أي شي يضيق صدرها..
مشاري: عادي وده الخياط يوسعه هههه
مشعل/ هههه با يخه ..صراحه ما توقعت دمك خفيف لهدرجه..
مشاري: وش فيكم اليوم محد عجبه تنكيتي..
مشعل: ما شا الله عليك خفيف دم بزياده..
مشاري: اقول تقلع ترى عطيتك وجه بزياده..
مشعل: والله انت اللي جاي مو انا..
العنود: اجل فزتي يا لوين..
لين: اجل على بالك انك احسن وحده..
العنود: ايه واضح انك فايزه بضمير..
لين: انا رايحه لمشعل عشان يبارك لي بالفوز وأواسيه على الخساره..
العنود: ايه باين انه زعلان روحي روحي لا يبكي بعد شوي ولا يلقاك جنبه..
لين: باي..
العنود: عليها نصب صواريخ........نرجع النتيجه(5) للبنات و العيال(5) اذن تعادل..
ماجد: احلفي
العنود: ما راح ارد عليك..ما بقى الا رغد وتركي..
رغد خافت واستحت: ريم خايفه..
ريم: اقول روحي يعني وش بيصير..
رغد: تتوقعين ما راح يصير شي..
ريم: ايه توكلي على الله واهم شي الفوزمو تلهين مع حبيب القلب..
رغد: اسكتي لا احد يسمعك..
ريم: روحي محد لمك..
تركي: ما اصدق ان انا وياها مع بعض..
سليمان: تبي اعطيك كف يصحيك وتصدق انك في علم مو حلم..
تركي: لالا ما يحتاج انا اذا رجعت انا راح اعطيك كف عشان ادري اني صاحي..
سليمان: اجل عمرك ما صحيت يا جعلك نايم طول عمرك وش دخلني فيك..
تركي: سليمان خايف..
سليمان: تركي يقول خايف.. والله يا رغد ما انتي هينه طيرتي عقل صديقي وخليتيه يستخف..
تركي: كم مره قلت لك اسم حرمتي لا تجيبها على لسانك..ما تفهم انت..
العنود:تركي ما ودك تجي.؟؟
تركي: قالت ايش قالت ما ودك..الحين جايك طيران..
سليمان: تركي اعصابك شوي شوي اخاف صدق تطير..
تركي ما رد عليه وركب الدباب وجنبه رغد..
رغد مستحيه ومنزله راسها..
تركي:اهلين رودي..
رغد"ياربيه ذايبه انا بدون شي يجي بعد ويدلعني ..كملت":اهلين..
تركي يبي يسولوف: اهم شي مستعده.؟؟
رغد:اكيد..
العنود:go...
وانطلقوا وكان هذا السباق الاخير والنتيجه الحاسمه ورغد كانت جنب تركي وتنافسه ...وفجأه.....................

علقت عباية رغد في الكفر وألتوت رجلها وطاحت من الدباب وكان الدباب لا محاله بيطيح عليها ...الا تركي كان منتبه لرغد من اول ما علقت عبايتها لان عيونه عليها ونزل بسرعه قياسيه ومسك الدباب وكانت رغد حاطه ايديها على وجهها خايفه لانها متأكده انه راح يطيح بعدها حست انها طولت بعدت ايديها عن عيونها وشافت تركي قدامها..
تركي كان مره خايف:رغد فيك شي؟؟
رغد بتصيح من الالم الي تحس فيه: تركي رجلي تألمني..
تركي وهو مرتبك وماهو عارف يتصرف: طيب..طيب لا تحركينها يمكن كسر!!
رغد ويشد عليها الالم:اصلا ما اقدر..آآآآه من جد تألمني.
تركي: خلاص بأتصل بمشاري بس انتي اهدي..
رغد تبكي: والله يا تركي ما قدر اتحمل اكثر من كذا بسرعه الله يعافيك..
تركي اتصل على مشاري بس ما في شبكه وتوتر زياده مايقدر يسوي شي وحبيبته قاعده تتألم وتترجاه صار يروح ويجي..
رغد: مشاري وين مشاري؟؟
تركي: اتصلت عليه بس ما في شبكه..
رغد والكلمات تطلع منها بصعوبه وغير ان النزف رجلها يزيد: طيب تركي.................."سكتت"
تركي بصوت واطي:رغد...رغـــــــــــد..
رغد:..................................
تركي قرب من رغد وكل عظم في جسمه يرتجف كل خلايا الدم وقفت عن العمل من صمت رغد المفاجئ..قرب اكثر من عندها وحط راسها على ذراعه ويضرب وجهها بخفيف:رغد ..رغد تكفين اصحي.. رغد... يارب وش اسوي الحين .."ويرجع يهزها"رغد رغد الله يخليك لا يصير فيك شي..
رغد بس تأن وتتألم وهو مغمى عليها وتنطق بكلمات ماهي مفهومه:تر..كي..
تركي يهزها اكثر: رغد رغد اصحي ..
بس ما كان فيه فايده قرر ان يشلها ويركبها الدباب وفعلا سوى اللي وصله تفكيره ..خلاها قدامه وسندها عليه وصار يسوق فيها بشويش عشان ما تطيح..
وهو في الطريق ما فقد الامل في انها تصحى: رغد تكفين يا رغد تكفين لا يصير فيك شي تكفين والله ما اقدر اعيش بدونك والله..
رغد صحت شوي سمعت الكلام وابتسمت بس اغمى عليها مره ثانيه لان الدم اللي فقدته كثير..
وصل تركي واخيرا ...
تركي يصارخ وينادي: مشاري ..مشاري الحق الحق علي بسرعه..
مشاري خاف:وش فيك.."وطالع رغد"وش فيها اختي؟؟
تركي وهو يحاول يجمع الكلام: تعلقت عبايتها بالدباب وطاحت بس شكل رجلها مكسوره..
مشاري شال رغد: بسرعه رح شغل السياره بسرعه يا تركي..
تركي خايف ومتوتر: اوكيه ..اوكيه..
ريم راحت عند مشاري وهوشايل اختها بين ايديه: يمه..ررغد اختي وش فيها وش صار لها"وصارت تبكي"..
سليمان قرب منها: ما صار شي بس اهدي..
ريم وهي تيكي وجهها مليان دموع:وشلون علمني وشلون اهدى واختي مدري وش فيها..؟؟
سليمان: مافيها شي ا نشا الله بس انتي اذكري الله...
ريم: اخ ياختي يا ريته فيني ولا فيك..
الهنوف جات مسرعه لعند ريم وضمتها وهي تبكي: يا عمري يا رغد والله ما تستاهلين....آآآآآآه يا رغد قايلته قايلته ما يجي ورى هالدبابات ا لا البلاوي"وتبكي اكثر"
البنات تجمعوا حولهم يهدونهم..
نوف: خلاص ياريم انتي والهنوف ما صار الا الخير الحين بيرحون المستشفى ويطمنونا..
عبير:لازم تخوفوني زياده بروحي خايفه..
العنود:هدوا يا بنات ا نشا الله ما فيها شي..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنـــــــــــــــــــــد الحريم

ام مشاري: يمه بنيتي وش فيها؟؟
العنود: يا ام مشاري ما فيها شي طيحه خفيفه ان شا لله..
ام مشاري: يا قلبي عليك يا بنيتي قاعده تتالمين...ياريته فيني ولا فيك..
ام ماجد: هدي يا ام مشاري وما راح يصير الا كل خير..
ام مشاري: أي خير وبنتي رغد ما تتحمل شي..
ام فواز: افا يا ام مشاري اذكري الله...الحين بتروحين ووتتطمنين عليها وهذا كله مكتوب ومقدر لها..
ام مشاري: انا لازم اروح معاهم..
ريم توها وصلت عند امها وهي تبكي: يمه رغد اختي ..رغــــــــــد"وحضنت امها"
ام مشاري وازنت نفسها وهدت عشان تقدر تهدّي بنتها المنهاره:يا ريم اهدي ترى كلها رجل..
ام فواز: وين هالكلام عنك من شوي..
ام مشاري تأشرعلى ريم"تقصد عشانها"..
ام فواز: خلاص انا راح اقول لفواز يودينا..
ام مشاري: ابروح انا وريم وحده من البنات نوف ولا فجر معانا وانتي ارتاحي يا ام فواز وما قصرتي والله..
فجر: خالتي انا راح اروح معاكم ..
ام مشاري وهي سانده ريم عليها: يله مشينا..
وقبل لا يتحركون خطوه
الهنوف: راح اروح معاكم..
ام تركي:الهنوف ماله داعي تروحين..
الهنوف لفت على امها وعيونها حمرا وكلها اصرار: يمه مستحيل اخلي صديقتي..
ام مشاري: اجل يله يا الهنوف....

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــــــــــــــــد مشاري

وصلو للمستشفى وشال رغد: تركي بسرعه الله يعافيك جيب كرسي او سرير او أي شي!!
تركي: ا نشا الله..
وراح بسرعه جاب كرسي متحرك وحط مشاري رغد فيه..
وليد كان جاي معاهم بس طول الوقت ساكت ما بعد استوعب ان اللي قلبه ينبض بأسمها قاعده تتألم قدام عيونه..
وليد واخيرا نطق: مشاري ادفها عنك..
تركي عطى وليد نظره..بس وليد ما همه تركي ولا نظراته..
مشاري: تسلم يا وليد ما تقصر انا راح اوديها..
ودخلوا المستشفى لقسم الطوارئ وخذوها الممرضات..
تركي: استريح يا مشاري انا متأكد ان ما فيها شي يخوف بأذن الله..
مشاري: الله يسمع منك بس ان خايف يكون ظهرها صار فيه شي..
وليد وهو يطالع تركي بنظرات كلها حقد: كل اللي في رغد بسبتك انت يا تركي..
تركي عصب: وانا وش دخلني هذا اللي ربي كاتبه لها..
وليد وبنفس النظره: تركي ترى اذا صار شي في بنت عمي بتكون انت السبب..
مشاري: هدّ يا وليد ما صا ر الا كل خير وبعدين وش دخله تركي في السالفه اللي صار لرغد حادث..
تركي ما رضى ان وليد يتهمه ويسكت:تطلع مشكلتك ظن اللي تظنه تراك ما تهمني
وليد وده يحط اللوم على تركي بأي طريقه.
مشاري: هدو يا جماعه...
تركي قام من عندهم وطلع موبايله:الو هلا سليمان..تعال معي في المستشفى..اوكي باي..
تركي كان محتاج احد يوقف جنبه..بعد دقايق وصلت ام مشاري وابو مشاري وريم والهنوف وفواز وفجر..
ام مشاري بس شافت ولدها راحت لعنده سيده: هاه يا مشاري وش قال الدكتور..
مشاري: والله الدكتور لحد الان ما طلع..
ريم ارتاعت:اجل اكيد اختي فيها شي..
الهنوف: اهدي يا ريم والحين بيطلع الدكتور ويطمنا ..
ابو مشاري وهو قلقان على بنته اللي اغلى من كنوز الدنيا بالنسبه له: اذكروا الله ما صار الا الخير والحين بتشوفونها مثل الحصان.
ام مشاري: الله يسمع منك.
بعدها وصل سليمان وسلم على الكل...
سليمان: هاه تركي بشر؟؟
تركي: خايف يا سليمان عليها والدكتور طول عندها..
سليمان: اكيد بيطول ..اشاعات وتحاليل وانت عارف بس اذكر الله انت..
وبعد لحظات طلع الدكتور عليهم....
ابومشاري: هاه يا دكتور بشر.....
مشاري: طمنا...
والبقيه عيونهم على فم الدكتور......
الدكتور: انتو اهلها؟؟؟؟
نهااااااااااااااااااااااية البااااااااااااااارت

الجـــــــــــــزء الثـــالث عشـــــــر

الدكتور: انتو اهلها؟؟
الكل: ايه..
الدكتور: الحمد لله ما فيها شي وجا ت سليمه بس شوي إلتواء في الرجل اليمين وسوينا الاشعه اللازمه وكل شي الحمدلله تمام...
ابو مشاري: الله يبشرك بالخير..
ام مشاري: الحمد لله.. الله يجزاك خير يا دكتور وما قصرت..
الدكتور: العفو وما سوينا الا الواجب..
ريم والهنوف ضموا بعض من الفرحه وسليمان وتركي نفس الشي<<كأنها والده مو كسر..
ابو مشاري: هاه دكتور نقدر ندخل عندها.
الدكتور: ايوه..بس ابغى شخص يجي معي ونكمل الاجرأت اللازمه..
مشاري: خلاص يبه انت روح شوف رغد وانا راح اروح مع الدكتور..
ابو مشاري: زين..
الكل دخل عند رغد الا اثنين تركي وسليمان..ومشاري راح لعند الدكتور..
الدكتور: هذي شوية علاجات لازم تاخذها ..وتحاول ما تمشي عليها والا صار لها شي اكبر..
مشاري: ا نشا الله..
الدكتور: وقع على هذي الاوراق لو سمحت..
مشاري وقع عليها:ومتى الخروج ا نشا الله؟؟
الدكتور: تقدرون تاخذونها من الحين اذا حبيتوا..
مشاري: مشكور وما تقصر..
الدكتور: لا شكر على واجب..
وطلع مشاري وشاف تركي وسليمان
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
نرجع لعند رغد

رغد كانت منسدحه على السرير وبعدها دخلوا لعائله كلها...
ابو مشاري: زين كذا طيحتي قلوبنا عليك...
رغد: يبه مو من حقي اتدلع..
ام مشاري: الا من حقك بس مو كذا دلع عن دلع يفرق..
ريم: مره ثانيه خففي الجرعه..
الهنوف: كله من الدبابات وقايلته لك بس ما تسمعي الكلام..
رغد: الهنوف خلاص ما صار الا الخير شوية إلتواء في الرجل ..يعني بدلع عليكم سوو هذا وحطوا هذا..
ام مشاري: تدلعي علينا بس لا تطولينها..
رغد تضحك: والله على حسب..
وليد: احم احم الحمد لله على سلامتك يا رغد..
رغد لفت عليه: الله يسلمك..
وليد: كذا خوفتينا عليك..
رغد: احس انكم مكبرين الموضوع
وليد توه بيتكلم بس رغد قاطعته: فجر ما ودك تسليمن علي..
فجر: الا بس استنى الدور يجي علي..
رغد: هههه يا حليلك ترى امزح..
فجر: ادري..
وليد ناظر رغد على الحركه اللي سوتها بس سكت ما يقدر يقول شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
عنـــــــــــــد مشاري

مشاري: سليمان ..تركي ليش ما دخلتوا انتوا اهل..
تركي: والله افتشلنا صراحه يعني ابوك وامك وخواتك..
سليمان يكمل: قلنا لازم صديقنا معانا..
مشاري: يله امشوا معاي بصراحه انتوا ونعم الاخوان..
تركي وسليمان: الله يسلمك..
ودخلو عند رغد..
رغد اول ما شا فت تركي ابتسمت ..وليد لاحظ هذا الشي..
مشاري: هلا باللي يتدلعون.. الحمد لله على سلامتك..
رغد: الله يسلمك..
سليمان: الحمد لله على سلامتك يا رغد..خوفتي اهلك<<يقصد ريم.
رغد: عشان اعرف غلاي..
تركي: ما تشوفين شر..اكيد غاليه عندهم <<يقصد نفسه..
رغد: الشر ما يجيك اكيد غاليه وباين في عيونهم..
ريم ابتسمت وعرفت انهم يتكلمون بالالغاز بس ما فاتت على وليد...
وليد في هالوقت كأنه حاطينه في فرن يطبخ من جوى من الغيره وهو ملاحظ رغد ما تعطيه وجه مثل ما لاحظ حركاتها مع تركي...
مشاري: اقول رغد ترى الدكتور يقول بتجلسين اسبوع وزياده بالمستشفى"وغمز لأمه ولأبوه"
رغد: لاتقول... مشاري رح اقنع الدكتور ترى انا ما احب المستشفيات..
ريم: اسمعي يا رغد ترى ما راح انام عندك انا برجع الشاليه وافلها..واقعدي لحالك..
رغد: افا يا النذله كذا تتركين اختك..اجل الهنوف بتجلس معاي..
الهنوف وفيها الضحكه: انا لالالالا اسمحي لي يا رغد انا ما احب المستشفيات ولا ريحتها .. والحمدلله احد يعاف الشاليه ويقعد في المستشفى..
رغد: اجل امي.
ام مشاري: والله ما ادري يا بنيتي يمكن اخلي الخدامه..
رغد خلاص خنقتها العبره: يعني لهدرجه محد يحبني ..
والكل صار يضحك ورغد ما تدري وش السالفه..
مشاري: رغد يا الدلوعه ابكي احسن..
رغد: ايوه بأبكي.. اهل وما يبوني اجل وش اسوي اضحك..
مشاري: افا عليك انا اللي بجلس عندك..
رغد: صدق!!تسلم يا الغالي..
ام مشاري: يلعب عليك لا يسوي فيها الاخو المضحي ..ترى اليوم بتطلعين..
رغد: هين يا مشاري مسوي فيها انه الاخو الحنون هاه"وتاخذ علبه على الطاوله وترميها عليه"
الكل صار يضحك لانها جات في راسه..
مشاري:آآآآآآآآآآخ...عورتيني بس هين وانتي تمشين يا المنكسره بعكرف لك واخليك تطحين على وجهك وقولي مشاري ما قال..
ريم: تصدق انك نذل..
مشاري: هههه يله يبه خلنا نروح نرتب امورالخروج..
ابو مشاري: يله..
وطلعوا العيال معاه..
وجلست ام مشاري تبدل ملابس رغد وجهزوا الاغراض وطلعوا في الممر.. رن موبايل ريم..
ريم: هلا عبير..
عبير: هلا والله وش صار على رغد..
ريم: الحمد لله ما فيها شي بس التواء بسيط..
عبير: قولي لها خربتي علينا الجو على الفاضي..
ريم بعدت السماعه: رغد .. عبير تقول لك خربتي علينا الجو على الفاضي..
رغد: احسن اجل اعاني لحالي لازم تعانون معاي..
عبير: هههه سلمي لي عليها والبنات بعد يسلمون عليها..
ريم: خلاص اوكي باي.....رغد ..عبير والبنات يسلمون عليك.
رغد: الله يسلمهم..
جا لعندهم مشاري:/ احلى يا المهمه وزيره على غفله..
ام مشاري: هذي رغد عن مليون وزيره..
مشاري: يله مشينا قبل لا يكبر راسها وبعدين ما يطلع مع الباب وبعدين صدق مين بيقعد عندهابالمستشفى..
رغد: يا ثقل دمك امش وانت ساكت..
وطبعا اشتروا لها عكاز ورجعوا للشاليه.
رغد كانت مستنده على مشاري لحد ما وصلها عند الحريم وبعدها الحريم والبنات ساعدوها..
عبير: الحمدلله على سلامتك..
العنود: كل هذا الازعاج عشان رجل..
مها : ما تشوفين شر.
شجون: يا قلبي تألمك رجلك..
رغد تسلم على هذي وترد على ذي وتهاوش ذيك وهي تحس انها صدق بين خواتها مو قريباتها بس..
ام فواز: تغذي زين عشان تطيبين بسرعه..
ام فيصل: لا تمشين عليها كثير..
ام ماجد: يا ام مشاري عطيها حلبه يقولون زينه..
ام سليمان: كلي لحم ترى زين..
ام تركي: اهم شي لا تحركينها كثير ودهنيها بزيت زيتون وابقول لامك الخلطه..
رغد كانت بالمررره مبسوطه على الاهتمام..اول مره تحس انها مهمه او مصدر لفت انتباه الكل..
ريم: احلى يا الشخصيه المهمه..
رغد: منقهره..
ريم: الحمد لله ليش انقهر..واذا غرت رحت مع تركي ولعبت معاه بالدباب وكسرت رجلي وبعدها اصير مثلك..
رغد: والله تبين تكسرين رجلك اكسريها بس مو مع تركي مع سليمان فاهمه..
ريم: لا تركي احسن واضمن اني ارجع ورجلي مكسوره وحاطني على حضنه في الدباب..
رغد تذكرت شوي بس ما تتذكر كل شي: ليش انا رجعت معاه بنفس الدباب..؟؟
ريم: بعد تسوي نفسها بريئه...يمه منك..
رغد: والله ما ادري..قولي لي وش صار؟؟
ريم: سلامتك راجعه وانتي في حضنه وقبل كذا هو اللي شالك وحطك في الدباب وطول الطريق وانتي على صدره وبعدها بشوي وصلتي وخذاك حبيب القلب الثاني وليد ومشاري معاه وبعدين راحوا الثلاثه المستشفى كلهم وبس..
رغد متعجبه: تركي ووليد مع بعض...!!
ريم: ايوه..وجع انتي محوشه على الكل بقي للبنات شوي..
رغد:احس ان وليد حس انه في شي بيني وبين تركي..
ريم:لالا ما اتوقع وش دراك انتي؟؟
رغد:من نظراته لي ولتركي ولا وش تفسرين كرههم لبعض؟؟
ريم: سبب الكره ما ادري..بس مسألة انه لاحظ في هذي ما اوافقك..
طبت عليهم العنود وصقعت رجل رغد اللي تعورها..
رغد بأعلى صوت:آآآآآآآآآآآآآآآآآآآآآآآآآآآآآآه وجع ا نشا الله ما تشوفين؟؟
العنود:ما دريت...وجع فقعتي اذني..
رغد: تستاهلين يا المرجوجه..آآآآآآه يا رجلي اول كان إلتواءوالحين بسبتك اكيد صار انعفاط..
ريم: وش انعفاط هذي؟؟
رغد: عشان تناسب العربجيه هذي..
العنود:ما علي منك ما راح ارد عليك..اقول بنات ترى من جد مليت..
ريم: وش نسوي؟؟
العنود: وانا دايم افكر خلينا نسوي أي شي..
ريم: كم الساعه الحين؟؟
العنود وهي تطالع ساعتها:الساعه عشر..
ريم: خلينا نروح البحر ونسبح شوي..
العنود: أي والله فكره جبتيها يا بنت عمي..بروح اقول للبنات..
قامت العنود وهي تمشي تصقع رجل رغد مره ثانيه..
رغد وهي بتصيح:آآآآآآآآآآآآه يا الدبى وجع عورتيني حشى غوريلا مو بنت..
العنود تضحك: والله معليش ما شفتك المره الثانيه بأصقعها زين..
رغد وهي منقهره:ريم تكفين خذي حقي منها..
ريم: هين اوريك فيها "وهي بتقوم جلست على رجل رغد ما درت..
رغد:آآآآآآآآخ قلت منها مو مني..
ريم تضحك: والله ما دريت بس اوريك فيها..
رغد: لا اللي بعدها راح يوطاني انا مو رجلي كل هذا عمى ما يشوفون..
راحت العنود عند البنات: بنات..بنات اجتماع عاجل..
وفي لحظه البنات كلهم حولها..
العنود: بسم الله سكن مو بنات..
عبير: اخلصي<<نست الهواش..
العنود سوت نفسها نست اللي صار:وش رايكم نروح البحر ونسبح..
البنات:يـــــــــــــــــــــــلا..
والكل تجهز الا رغد..
ريم تمر من عند رغد:ريم ..ريم..
ما عطتها وجه...
وبعدها نوف:نوف...نوف..
ما عطتها وجه..
وبعدها فجر: فجوره قلبي شوي...
فجر وهي تمشي: نعم..
رغد: وقفي شوي..
فجر وهي رايحه: بعدين بعدين..
رغد خلاص خنقتها العبره وشافت شجون:شجونه.. شجون..
شجون: رغد ما شفتي ذاك البنطلون الجينز حقي..
رغد: لا ..بس تعالي..
شجون: تسلمين حبيبتي مشكوره"وراحت"
رغد: يوووه وش فيهم ذولا..عطوني وجه شوي..
وبعد دقايق طفح الكيل عند رغد قامت تصارخ لحد ما حست ان راسها بينفجر: خلاااااااااااااااااااااااااااااص..
البنات وقفوا:............
رغد تبكي: عطوني وجه..
الهنوف: يا قلبي يا صديقتي..كان ناديتيني..
رغد: بس قوموني ما راح اقول شي ثاني..
البنات كسرت خاطرهم رغد ورحموها وقرروا ينتبهون لها المره الثانيه..
قومت الهنوف رغد: تسليمن يا احلى صديقه في الدنيا..
الهنوف: الله يسلمك..
العنود: هاه جاهزين..
البنات: اكيد..
العنود : يلا..
وطلعوا كل البنات..العيال شافوهم وهم طالعين..
مشاري: حشى جيش مو بنات..
سليمان: تقولون كأنهم في حرب..
ماجد: لا يكون ناوين يطاقون العالم..
وليد: لالاما توقع..
فواز:توقع مهنم أي شي..
فيصل: خلونا نشوف وش راح يسوون..
تركي: يله..
وراحوا العيال ورى البنات بحيث ما يلاحظونهم..والبنات فسخوا عباياتهم وكانوا لابسين ملابس سباحه<<بس ساتره..
مشاري يطالعهم: هذولا بناتنا هالمزايين..
ماجد: انت صادق..
وليد وخروا خلونا نشوف..
فواز: عطونا وجه..
فيصل: انت متزوج ولا ترى بعلم..
فواز: يا نذلك..
مشاري بأعلى صوته: لحظه... غمضوا..
الكل: ليش..؟؟
مشاري: خواتي.. بس انا اللي اطالع..
ماجد:احلف وخواتنا بعد غمض انت..
طلال: لالا غمضوا انتوا وخواتي بعد..
سليمان:انا اقول غمضوا كلكم و خلونا نشوف انا وتركي..
لفوا عليه كلهم..
سليمان: اقصد.........هونت هونت.......اختي معاهم..
مشاري: خلونا ندخل عيب عليكم هالحركات كانكم بزارين تطلون على البنات صدق عيال اخر زمن..
وليد: اعصابك يا العاقل..
مشاري: على الاقل ما اسوي حركاتكم هههه...
ماجد: اقول ادخل وانت ساكت لا ارميك عليهم..
مشاري:صدق!!..اجل ماني ساكت ارمني عندهم..
ماجد سحب قميصه من عند رقبته: امش امش الله يهديك..
وليد: ما ينعطى وجه..
سليمان: اتركوا صديقي..
طلال مسك قميص سليمان من ورى: امش بعد انت معه..
تركي يضحك: خل فزعتك تنفعك ما راح افزع معك..
ودخلوا الشاليه وهم يضحكون...