الشنط

موضوع: الشنط الجمعة ديسمبر 21, 2007 4:30 am

الشنط

كتير من البنات مش بيهتموا باختيار الشنطة المناسبة ليهم نفس اهتمامهم بالملابس، على الرغم من إن أهمية اختيار الشنطة مش بتقل في شيء عن اختيار الملابس، بل على العكس كمان دي بتزيد.. لأن الشنطة هي عنوان الشياكة والأناقة.. وعلشان تتحقق الشياكة والأناقة دي ياريت تاخدي بالك من شوية الحاجات دي وإنتِ بتختاري الشنطة..
1- احرصي في اختيارك للشنطة على إنك تختاريها على عكس شكل جسمك؛ يعني لو كنت:

رفيعة وطويلة
يبقى اختاري الشنطة اللي ممتلئة وليها إيد قصيرة.

قصيرة وممتلئة
يبقى اختاري الشنطة اللي ليها إيد طويلة ورفيعة وابعدي عن الحقائب الممتلئة.

لو كنتِ ذات أرداف عريضة
يبقى اختاري الشنطة اللي إيديها قصيرة بحيث إنك تحمليها تحت الإبط علشان ماتلفتش الانتباه إلى منطقة الأرداف.
2- كمان راعي في اختيارك إن لون الشنطة يكون نفس لون الحذاء أو قريب له لحد كبير جدا.
3- وخدي بالك إن الشنطة تكون مناسبة لملابسك من حيث اللون أولا، ومن حيث استايل ملابسك، يعني مش معقول إنك تمسكي شنطة جينز وإنتِ لابسة ملابس رسمية.
وبالنسبة للموضة
من حيث الألوان هتلاقي ألوان كتير قوي زي الأسود والبني والأبيض لأنها طبعا ملوك الموضة في كل الأوقات بالإضافة إلى البيج بدرجاته والأزرق والأحمر والليموني.

من حيث الخامات هتلاقي خامات كتير زي الجينز والقماش موجودة بكثرة الصيف ده بالإضافة إلى الجلد.

بالنسبة للتصميم فهتلاقي شنط كتير بتصميمات مختلفة.. فيه عندك الجلد المربعة أو المستطيلة، وفيه الشنط المفتوحة وفيها حزام أو شريط يضمها من أعلى، وكمان فيه شنط مطرزة بالترتر والخرز.
ودي مجموعة من الشنط
ده شكل جديد نازل الصيف ده وعلى فكرة الشكل ده بيدي إحساس بالربيع.

ده شكل تاني برضه عبارة عن تداخل لونين مع بعض هما الأبيض والتركواز

الشنطة القماش لسه محتفظة بجمالها

والأسود طبعا ملك الموضة

والأبيض هو كمان ملك الموضة

ولو عايزة تحسي بالشياكة والأناقة يبقى اختاري الشكل ده

ده كمان لون وشكل جديد لشنط 2007

بس.. دي كانت كل حاجة عن موضة الشنط..

موضوع: رد: الشنط الجمعة ديسمبر 21, 2007 8:49 am

موضوع متكامل
مشكوورة

موضوع: رد: الشنط الجمعة ديسمبر 21, 2007 10:36 am

tslmy 8al0o0oo0o0b 3la almroooor

موضوع: رد: الشنط السبت ديسمبر 22, 2007 3:45 am