الشآعر : فيصل العتيبي وشاعر المليون 3

مــرحبــآ ...




الشاعر فيصل العتيبي يشغل منصب ( مدير تحرير مجلة أوراد ) كما أنه عضو في جمعية الصحفيين الكويتية .

له العديد من المشاركات والأنشطة في الخليج العربي منها القصائد والأمسيات والمهرجانات الأدبية في مناطق الخليج العربي .

شاعر جميل ينثر الجمال في سماء الشعر .. لا يقبل إلا أن يكون في الصفوف الأولى من التصنيف ..

صريح حد الصراحة .. لا يجامل في رأيه أحدا ً ..

يحب كل ما هو مقنع ومنطقي .. لا يلتفت للكثير من أمور الساحة التي تقلل من شأن الشعر ..

يعتبر الشاعر فيصل العتيبي من الأسماء اللامعة في الكويت والخليج العربي .. ومن كتاباته :


قال ذات مرة :

على جبيني عزيز النفس مكتوبه
لو تعرف الريح قدري خلت اشراعي
عليت راسي وأشوف المجد عذروبه
مدخالي العز والنوماس مطلاعي



وقال في قصيدة الغياب :
الغايب اللي خذاه الوقت من عينـي
عامين واليوم ثالث عام ماشفته
في كف الاقدار وينه والا أنا ويني
ياليتني في عروق القلب ماضفته
يمكنّي أنسى غيابه والهوى شيني
وأنا تولعت في حبه ومعرفته
الجرح الاول وأشوفه صار جرحيني
وجروح قلبي تزايد فيه وانصفته
اتلا العهد يوم أحط ايديه بيديني
والروح تصعد وتنزل والغلا لفته
ناخذ ونعطي ونترك نازح البيني
شرع المحبه يروف الزين مارفته
واليوم صارت مسافه بينه وبيني
دايم وذكره بقلبي حي ماطفته
بعض التمني يزيد النفس هميني
ذكر الحبايب وشئٍ داخلي خفته
كل يوم اشوفه واهيم وضحكته ديني
عندي خياله وانا والله ماعفته
بس المصيبه خذاه الوقت من عيني
والله يستر بعد لو راح ماشفته

شاعر قدهااا
يسلموووو

يسلمووو غنااااتي
وااايد حلوو شعره

و الله شاعر جزل,,
مشكوورة ياقلبي,,